Tíminn - 27.08.1988, Blaðsíða 5
Laugardágur 27. j'úlí 1988
Tírn'inn 5
Ríkisstjórnin eftir löng og ströng fundahöld í gærkvöldi:
Bráðabirgðalög
fyrsta skref ið
Um klukkan 22 í gærkvöldi hóf flugvél sig á loft frá Reykjavíkurf-
lugvelli og flaug norður í land með bráðabirgðalög innanborðs.
Lögin voru þar undirrituð af forseta íslands, Vigdísi Finnbogadóttur,
sem er nú í opinberri heimsókn í Húnavatnssýslur. Bráðabirgðalögin
öðluðust síðan gildi í nótt.
Á ríkisstjórnarfundi, sem lauk á 11. tímanum í gærkvöldi, var
gengið formlega frá útgáfu bráðabirgðalaga um frestun launahækk-
unar um 2,5% og búvöruverðshækkunar 1. september nk. Einnig er
í bráðabirgðalögunum ákvæði um mánaðar verðstöðvun frá sama
degi.
Á mánudag mun Seðlabanki í
samvinnu við Viðskiptaráðuneyti
hefja viðræður við innlánsstofnanir
um vaxtalækkun. í yfirlýsingu sem
ríkisstjórnin gaf út f gærkvöldi segir
að náist ekki viðunandi samkomulag
skuli Seðlabankinn hafa beina íhlut-
un til að eðlileg vaxtalækkun nái
fram að ganga.
Það er mat ríkisstjórnarinnar að
með þessum aðgerðum eigi þegar að
draga úr verðbólgu í næsta mánuði
og gerir hún einnig ráð fyrir að
nafnvextir muni lækka um 10-12%
fyrstu daga septembermánaðar.
Búist er við frekara svigrúmi til
vaxtalækkunar á næstu mánuðum í
kjölfar gildistöku bráðabirgðalag-
anna.
Jafnframt sagði í yfirlýsingu ríkis-
stjórnarinnar að með þessum að-
gerðum væri verið að undirbúa frek-
ari efnahagsaðgerðir sem miðuðu að
því að treysta grundvöll útflutnings-
greinanna. í
Bókað vegna bænda
Guðmundur Bjarnason, heil-
brigðisráðherra, lagði fram bókun á
ríkisstjórnarfundinu í gærkvöldi
vegna frestunar á hækkun búvöru-
verðs. Bókunin er svohljóðandi:
„Með ákvæðum þessara bráða-
birgðalaga um frestun á hækkun
búvöruverðs er bændum einum gert
að taka á sig launalækkun er nemur
5-10% eftir því hvaða búgrein þeir
stunda. Þetta stafar af því að ekki er
tekið tillit til þegar framkominna
kostnaðarhækkana í landbúnaði síð-
ustu þrjá mánuði. Þetta misrétti
verður að leiðrétta er verðstöðvun
lýkur eða þegar aðrar efnahagsað-
gerðir verða ákveðnar.“
Forystumenn stjórnarflokkanna
orða það svo að með setningu bráða-
birgðalaganna í gærkvöldi sé fyrsta
skrefið í efnahagsaðgerðum með
niðurfærsluleið stigið. Menn eru þó
sammála um að of margar erfiðar
hindranir séu enn í vegi til þess að
geta fullyrt um það nú hvort stjórn-
arflokkarnir muni koma sér saman
um niðurfærslu sem höfuðatriði í
væntanlegum efnahagsaðgerðum.
Framundan sé gífurleg vinna við
útfærslu á þessari leið.
Ljóst er að næstu daga verða
miklar og stífar setur reiknimeistara
í ráðuneytum, Þjóðhagsstofnun og
öðrum stofnunum til þess að reikna
út áhrif niðurfærsluleiðarinnar.
Engu er hægt að spá fyrir um hversu
langan tíma þessi vinna tekur og
þarmeð hvenær ríkisstjómin tekur
endanlega afstöðu af eða á til
hennar.
Niðurstaða miðstjórnarfundar
sjálfstæðismanna í Valhöll í gær
styrkir trú manna á að niðurfærslan
kunni að verða ofan á í pólitískum
hrókeringum og málamiðlunum á
næstu dögum. Miðstjórn fól ráðherr-
um flokksins að vinna áfram að því
í ríkisstjórn að reyna til þrautar að
feta niðurfærsluleiðina. En ennfrem-
ur áréttar miðstjórn sjálfstæðis-
manna þá samþykkt þingflokksins
að þessi leið verði ekki farin nema
með fullu samráði við verkalýðs-
hreyfinguna.
Miðstjórn Alþýðusambands fs-
lands hefur ekki lokað á þann mögu-
leika að ríkisstjórnin reyni til þrautar
að feta niðurfærsluleið. Þessi afstaða
hennar kom fram á fundi hennar
með forystumönnum ríkisstjórnar-
flokkanna í gærmorgun. Það kom
þó skýrt fram hjá miðstjórnar-
mönnunum að Alþýðusambandið
gæti ekki fallist á niðurfærslu nema
að því tilskildu að hún næði til allra
þátta efnahagslífsins, við mótun
efnahagsaðgerða yrðu stjómvöld
fyrst og fremst að hafa að leiðarljósi
að vemda kjör launafólks. Ákveðin
hafa verið frekari fundahöld forystu-
manna ASÍ og ríkisstjórnarinnar.
Tímasetning þeirra hefur þó ekki
enn verið ákveðin.
Þrátt fyrir þá afstöðu ASÍ í gær að
hafna ekki frekari viðræðum um
niðurfærsluleiðina er vitað að innan
miðstjómarinnar em margir sem
hefðu í raun viljað strax taka fyrir
frekari viðræður um hana. Mið-
stjórnarmaður fullyrti við Tímann í
gær að afstaða manna þar hefði
alfarið ráðist eftir flokkslínum.
Hann sagði krata og framsóknar-
menn í miðstjórninni vera hlynnta
því að ræða möguleikann á niður-
færslu en hinsvegar væru alþýðu-
bandalagsmenn í miðstjórninni al-
farið á móti henni. Sjálfstæðismenn
í miðstjórn ASÍ, eins og t.d. Björn
Þórhallsson, varaforseti, eru að sögn
þessa miðstjórnarmanns, mjög tví-
stígandi í afstöðu sinni. „Björn er í
mjög erfiðri aðstöðu þar sem hann
er í forsvari fyrir verslunarfólk, sem
er láglaunahópur á strípuðum
töxtum,“ sagði hann.
Ásmundur vonsvikinn
Ásmundur Stefánsson, forseti Al-
þýðusambandsins, segir að á fundin-
um í gær með forystumönnum ríkis-
stjórnarflokkanna hafi staða mála í
heild sinni verið rædd en óneitanlega
hafi það valdið sér og fleiri mið-
stjómarmönnum miklum vonbrigð-
um hversu skammt á veg hugmyndir
ríkisstjórnarinnar um útfærslu á
niðurfærsluleiðinni væru komnar.
Hann nefndi í því sambandi ákvæði
um verðlagseftirlit, lögboðna lækk-
un vaxta og Iög á hinn svokallaða
gráa markað. „Við lýstum okkur
tilbúna til frekari viðræðna ef menn
gætu sýnt fram á að fleiri þættir en
launin yrðu teknir fyrir,“ sagði Ás-
mundur.
Forseti Alþýðusambandsins segir
það alrangt að á fundinum með
forystumönnum ríkisstjórnarinnar í
gær hafi náðst samkomulag um frest-
un á 2,5% kauphækkun 1. septem-
ber. „Frestun þeirrar hækkunar er
einhliða ákvörðun ríkisstjórnarinn-
ar,“ segir Ásmundur Stefánsson.
óþh
Opinber heimsókn forseta í Húnavatnssýslur:
Slæmt veður en
hlýjar móttökur
Landssamband sauöfjár-
bænda á Flúðum:
Afgreiðsla
mála í dag
Aðalfundur Landssambands
sauðfjárbænda hófst á Flúðum í
Hrunamannahreppi í gær og
verður fram haldið í dag.
Fyrir fundinum liggja fjölmörg
mál sem fastlega er búist við að
verði ályktað um í lok fundar
síðar í dag.
í umræðum á fundinum í gær
var víða komið við. Þar ber að
nefna skipulagsbreytingar á fé-
lagskerfi landbúnaðarins, slátur-
húsamál, fullvirðisrétt, réttar-
stöðu bænda, búvörulög, ullar-
mál og landnýtingu.
Að sögn Jóhannesar Kristjáns-
sonar, formanns landssambands-
ins, eru skoðanir sauðfjárbænda
á fækkun sláturhúsa nokkuð
skiptar. „Það er ekki komin nein
niðurstaða í því máli hér á þing-
inu. Það er í nefnd en mun
skýrast á morgun (dag).“
Færri sauðfjárbændur mættu á
aðalfundinn á Flúðum en vonir
stóðu til og segir Jóhannes að það
helgist af því að á sumum svæðum
landsins séu bændur enn í óða
önn að bjarga heyjum í hlöður.
óþh
Opinber heimsókn forseta
íslands, frú Vigdísar Finn-
bogadóttur, í Húnavatnssýsl-
ur er nú um það bO hálfnuð.
Forsetinn færði sig yfir í
Austur-Húnavatnssýslu
seinni part dagsins í gær eftir
að hafa heimsótt íbúa Vest-
ur-Húnavatnssýslu á fimmtu-
dag og fyrri part föstudags.
Sýslumaður Austur-Húnavatns-
sýslu tók á móti forsetanum við
sýslumörkin og eftir það var farið í
heimsókn á Blönduós og keyrt til
Skagastrandar.
Forsetinn hatði m.a. keyrt um
Vatnsnes, skoðað Borgarvirki og
Kolugljúfur áður en hún hélt yfir í
Austursýsluna.
í dag mun forsetinn m.a. þiggja
kaffiboð í Húnaveri og fara í skoð-
unarferð um Blönduvirkjun. Forset-
inn gisti á Blönduósi í nótt og gistir
þar einnig komandi nótt, heimsókn-
inni lýkur svo á sunnudag.
Að sögn lögreglunnar á Blönduósi
hefur heimsóknin gengið að óskum
og mikill fjöldi barna og þeirra sem
eldri eru hafa tekið á móti forsetan-
um þar sem hún leggur leið sína.
Veður hefur ekki verið eins og það
gerist best, heldur myrkt hefur verið
yfir Húnavatnssýslum og frekar kalt,
„en móttökurnar hafa verið þeim
mun hlýrri,“ sagði lögregluþjónn á
Blönduósi. -gs
Hundasýning í Reiðhöllinni
Á morgun sunnudaginn 28. ág-
úst heldur Hundaræktarfélag ís-
lands sína árlegu hundasýningu.
Sýningin verður í Reiðhöllinni í
Víðidal og verður þetta stærsta
hundasýning sem haldin hefur
verið. Úm það bil 170 hundar, í 10
keppnisflokkum, eru skráðir á sýn-
inguna. Vegna fjölda þátttakenda
dæma nú tveir dómarar á sýning-
unni í stað eins.
Tvö ný hundakyn vera nú sýnd
hér í fyrsta sinn en það eru enskur
Springer Spaniel og stríðhærður
langhundur. Einnig verður sýnd
hér á landi í fyrsta skipti hunda-
:fimi, en ekki verða veitt verðlaun
fyrir hundafimi að þessu sinni.
Hundafimi byggist upp á því að
hundarnir eru látnir fara yfir ýmsar
hindranir. Þeir skulu stökkva yfir
grindur, hlaupa í gegnum rör, fara
upp vegasalt, ganga eftir mjóum
plönkum og fleira.
Sýningin byrjar kl: 9:00 á sunnu-
dagsmorgun með sýningu á ís-
lenska fjárhundinum og lýkur kl.
17:30 með úrslitum og verðlauna-
afhendingum. Veitt eru verðlaun
fyrir besta hundinn í hverjum
flokki og þeir hundar keppa svo
um titilinn besti hundur sýningar-
innar.
Aðgangseyrir inn á sýninguna er
kr. 500 fyrir fullorðna, 200 kr. fyrir
börn 6-12 ára og ókeypis er fyrir þá
sem yngri eru. -gs
Hundasýning hundaræktarfélags-
ins fer frani á sunnudaginn í Reið-
höllinni. Þar verður m.a. hunda-
fimi sýnd í fyrsta skipti á íslandi.
Hér má sjá Schaffer hund reyna
fyrir sér í hundafimi.
Tímamynd: Pjetur