Tíminn - 27.08.1988, Blaðsíða 14
Tíminn 26
Aðalfundur
Aðalfundur FUF Skagafirði verður haldinn í Framsóknarhúsinu,
Suðurgötu 3, Sauðárkróki laugardaginn 27. ágúst og hefst kl. 16
stundvíslega.
Dagskrá.
1. Venjuleg aðalfundarstörf.
2. Ferð á afmælisþing SUF á Laugarvatni
Fulltrúi SUF flytur ávarp.
Ungt framsóknarfólk í Skagafirði er hvatt til að mæta.
Stjórnin.
Þing Sambands ungra framsóknarmanna og
fimmtíu ára afmælisþing sambandsins verður haldið á Laugarvatni
helgina 2.-4. september 1988.
Drög að dagskrá:
Föstudagur 2. sept.
Kl. 16.00 Setning. Gissur Pétursson.
Kl. 16.20 Ávarp. Steingrimur Hermannsson.
Kl. 16.45 Ávarp. Petra Kelly.
Kl. 17.10 Starfsmenn kosnir.
Kl. 17.20 Skýrsla stjórnar.
Kl. 18.20 Lögð fram drög að ályktunum.
Kl. 19.00 Kvöldverður.
Kl. 20.00 Áframhald umræðna.
Kl. 21.30 Skipan í starfshópa.
Laugardagur 3. sept.
Kl. 9.00 Vinna í starfshópum.
Kl. 10.00 Umræður og afgreiðsla mála.
Kl. 12.00 Hádegisverður.
Kl. 13.00 Áframhald umræðna og afgreiðsla mála.
Kl. 14.30 Hlé - útivera.
Kl. 16.00 Stjórnmálaályktun afgreidd.
Kosningaúrslit.
Kl. 19.00 Hátíðarfundur hefst - ávörp gesta.
Allir ungir framsóknarmenn eru hvattir til að fjölmenna. Upplýsingar
eru veittar á skrifstofu Framsóknarflokksins af Agli og Þórunni í síma
91-24480. Ath.: Barnapössun verður á staðnum. S.U.F.
SUNNLENDINGAR
SUF þing á Laugarvatni
Félög ungra framsóknarmanna á Suðurlandi hvetja allt ungt fólk sem
styður Framsóknarflokkinn til að skrá sig sem þátttakendur á
afmælisþinginu á Laugarvatni, sem hefst föstudaginn 2. september
n.k.
Þeir sem vilja fá upplýsingar um þingið eða láta skrá sig hafi samband
við einhvern eftirtalinna aðila:
Erling Örn Árnason............. Sími 33763
Guðmund Geir Sigurðsson .... Sími 66753
Sigurjón Karlsson.............. Sími 78959
Berg Pálsson .................. Sími 78591
Salvar Júlíusson............... Sími 71380
Guðbjörgu Jónsdóttur........... Sími 71254
Oddnýju Garðarsdóttur.......... Sími 12635
Guðbjörgu Sigurgeirsdóttur ... Sími 12423
Laus staða
Staða fangavarðar við fangelsin í Reykjavík og
Kópavogi er laus til umsóknar. Umsóknarfrestur er
til 23. september 1988.
Umsóknir ásamt upplýsingum um menntun og fyrri
störf sendist dómsmálaráðuneytinu.
Dóms- og kirkjumálaráðuneytið,
23. ágúst 1988.
! jljij y; l.oi’Uí- 1
Laugardagur 27. júií 1988
lll«)lllll|j|ljllllllllllllll»„,„ryiiNNiNG lllllllllllllllllllllllllllllllllllllllllllllllllllllllllllllllllllllllllllllllllllllllllim^^^^^
Haraldur Sigurmundsson
Fossá
Fæddur 2. ágúst 1902
Dáinn 15. ágúst 1988
Þegar mér barst sú frétt að Halli á
Fossá væri horfinn yfir móðuna
miklu saddur lífdaga, sóttu á mig
minningar og innilegt þakklæti til
þessa manns.
Þegar ég unglingsstúlka af Vest-
urgötunni, úr miðri Reykjavík, sótt-
ist eftir vikastelpu starfi í sveit
gegnum ráðningaþjónustu bænda,
þá var það efst í huga mínum að í
Reykjavík vildi ég ekki fyrir nokk-
urn mun dvelja yfir sumartímann.
Það var ekkert auðvelt fyrir stelpu
að fá pláss í sveit þar sem ekki þurfti
að passa heilan hóp af smákrökkum.
En það tókst. Ég hlakkaði mest til
en var þó að sjálfsögðu líka kvíðin
að fara til bláókunngus fólks langt
vestur í Barðastrandarsýslu. Ég fór
með fyrstu rútuferð sumarsins
vestur.
Ég mun ávallt minnast þess dags
er ég kom fyrst að Fossá. Ég varð
undrandi þegar mér var vísað til
svefns á baðstofuloftinu, þar sem
sváfu þrír strákar og öldruð kona,
móðir Haraldar, Kristín Kristjáns-
dóttir frá Hergilsey. En strax fyrsta
kvöldið leið mér vel í sambýlinu við
þetta fólk. Á svefnloftinu myndaðist
vinátta á milli mín og Kristínar sem
hélst æ síðan. Hún var sjúklingur og
bundin við rúmið sitt. En fylgdist
með öllu og gat alltaf á einhvern
undursamlegan hátt skynjað hvað
okkur unglingunum lá á hjarta og
leyst þannig úr mörgum vandamál-
um. Minnist ég hennar með miklu
þakklæti og virðingu.
Andrúmsloftið á þessu heimili var
með slíkum hætti að þeir sem því
kynntust gleyma því ekki. Við sem
þangað komum urðum ósjálfrátt
þátttakendur í lífsbaráttu þessa fólks
sem bjó á þessum tíma, árið 1955,
við allt önnur lífsskilyrði en ég hafði
áður kynnst. Ég ícynntist þarna
gömlum búskaparháttum sem voru
óðum að hverfa. Það var ekkert
rafmagn, engin þvottavél, heima-
gerð sápa og heimagert skyr og
smjör. Heimilið á Fossá var mér
góður skóli, sem ég minnist með
þakklæti og gleði.
llllllllllllllllllllllllllll ÁRNAÐ HEILLA llllllilllllllllllllllllllllllllllllillllllllllllllllllll
Sextugur:
Séra Sigurjón Einarsson
Kirkjubæjarklaustri
Sunnudaginn 28. ágúst verður
bekkjarbróðir minn og samdeildar-
maður úr Háskóla íslands, sr. Sigur-
jón Einarsson á Kirkjubæjar-
klaustri, sextugur. Leiðir okkar lágu
saman þegar í Menntaskólanum á
Akureyri, en einkum þó í guðfræði-
deild Háskólans. Við bjuggum vetr-,
um saman hið næsta hvor öðrum á:
Nýja Garði og eigi það einasta,
heldur á sumrum á efsta lofti í einu
og sama inninu. Sóttum tíma árla
morguns út í skóla að fregna nýjung-
ar af Assurbanipal og Ramses heitn-
um III., svo og fleirum merkismönn-
um þótt eigi séu hér nefndir.
Eru margar minningar mínar frá
þessum árum tengdar samveru-
stundum okkar, sem vissulega voru
margar, einir sér, eða með öðrum,
þótt nú undanfarin þrjátíu ár hafi
verið vfk milli vina. Aldrei slitnaði
hin gamla taug er okkur tengdi, bréf
annað slag, símtal, kort á jólum....
En eigi skal gleymt að minnast á
heimsóknir þínar vestur hingað á
firðina, með viðkomu í Djúpinu,
eftir að þú hafðir vitjað Ketildala í
Arnarfirði, þaðan sem þú komst á
haustum að vitja menntagyðjunnar,
sólbitinn af skini guðsaugans og
speglun þess í bárum Arnarfjarðar,
steigst inn í anddyri Garðsins, -
bjartur dagur með lága sól, - vast
þér að næsta manni með spurn: Er
Baldur kominn? - Hvílíkir dagar og
hvílík haust. Og í þessum orðum
rituðum verð ég að þakka þér og
hinni ágætu konu þinni fyrir móttök-
ur allar, þá sjaldan leið mín liggur
um hlöð á Klaustri, enda vegalengd
talsvert fram yfir venjulega bæjar-
leið.
Sem sóknarprestur á Klaustri hef-
ur sr. Sigurjón staðið í ýmsum
málum þeim er til heilla horfa fyrir
hérað og sveit. Heyrði ég Skaftfell-
ing eitt sinn bera hið mesta lof á hinn
unga prest fyrir störf hans að skóla-
málum, bæði kennslu hans og snún-
inga ýmsa er óhjákvæmilega fylgja
því að halda uppi slíkum stofnunum
sem skóla. Veit ég að slíkt hefur
honum verið ljúft, svo mikinn áhuga
er hann hefur jafnan haft á mennt og
menningu. Þannig gisti hann Kaup-
mannahöfn mánuðum saman að
kanna hvað skrifa lægi þar Marteini
Einarssyni biskupi viðvíkjandi, er
Skálholt hélt í öndverðri lúthersku
hérlendis. Dró hann saman mikinn
fróðleik um öndvegishöld þann, er'
lagði af sér kórkápu 1556 í mótmæla-
skyni við yfirgang og frekju danskra,
er nú ásældust góss Skálholtsstóls.
Fleira má til tína um störf og
sýslan sr. Sigurjóns austur þar, en
ekki vil ég að sinni hafa uppi registur
þar um, en þess er þó skylt að geta
að drjúgur er hans þáttur í byggingu
kapellunnar á Klaustri til minningar
um síra Jón Steingrímsson. Kunna
aðrir betri skil á því en ég, svo og
starfi hans sem oddvita, en því
gegndi hann um hríð.
Bókmenntir, bundið mál sem
óbundið, áttu jafnan hug hans á
þessunt árum og ber hann gott skyn
á ritað mál, fékkst enda sjálfur við
ritsmíðar og liggja eftir hann snotur
verk nokkur er bera skáldhneigð
hans og tökum hans á efninu fagurt
og trútt vitni.
Austmannsdalur við Arnarfjörð
er nú í eyði genginn, svo og Fífu-
staðadalur, og eigi í tíð næstu kyn-
slóðar býst þaðan að heiman ung-
lingur inn á Bíldudal, með föggur
sínar og stígur um borð í strand-
ferðaskip ríkisins og hefur för á vit
glaðværrar æsku norðan heiða, eða
stúdent er skroppið hefur vestur í
jólaleyfi og stefnir suður í Faxaós, -
kannski kastaði éli í sjó er siglt var
út fjörðinn, dynur úr fjalli. Þannig
hvarfstu eins og hundruð annarra
námsmanna burt úr heimahögum og
átt eigi afturkvæmt utan í minning-
unni og á stopulum ferðum. Eg
minnist einnar slíkrar reisu er við
gengum fram Fífustaðadal allt að
Öskubrekku, en hús þín hin gömlu
stóðu þá enn uppi, - ásamt fornum
og nýjum vini, Éinari Laxness, er þá
gekk við staf. Dalurinn baðaður sól.
Lækurinn hjalaði enn lagið sitt
gamla er þú mundir frá forðum tíð,
sóley á bakka og túni, fuglar.... Og
skyndilega varð mér ljóst hve sterk
ítök æskustöðvar eiga í okkur öllum
og tregablandin þrá kallar okkur,
kallar okkur.... I þessari ferð sýndir
þú okkur ljón og hallir listamannsins
góða við sjóinn í Selárdal, sem gáfuð
vestfirsk skáldkona orti svo fagur-
lega um: „... og í dalnum græna/
fæddust ljón/bogadregnar byggingar
með kúptum turnum/hallir, blóm,
álftir og musteri." Einmitt á þessar
slóðir leiddir þú fornvini þína, slóðir
„character bestiæ", - síra Páls og
galdursins, en óvíða skynjar maður
eilífð og dul betur en í þessum
afskekktu dölum, og engin furða
þótt þú skildir vel hin dularfullu
lögmál allrar guðfræði, hið fyrra að
vatnið leitar undan hallanum og hið
síðara, að ljósið kemur að ofan.
Farsæl skapgerð þín og næmi á
blæbrigði mannlegs lífs, - efld við
lestur sígildra verka, ásamt kynnum
þínum við mikla listamenn, - hefur
gert þig að höfðingja í ríki andans og
ljóssins, manni sem hægt er að
treysta til allra góðra verka, sönnum
vini og drengskaparmanni, vönduð-
um til orðs og æðis.
Hvað meir? - Þakka þér áratuga
vináttu er aldrei bar skugga á, og þá
má ekki gleyma þinni ágætu konu,
frú Jónu Þorsteinsdóttur, prests í
Sauðlauksdal, Kristjánssonar, er
verið hefur þér mikill og góður félagi
síðan leiðir ykkar lágu saman á
stúdentsárum.
Og meðan ég man: Sú bók, II.
bindi Kirkjusögu biskups Jóns, er
legið hefur hér í Vatnsfirði á lv. tug
ára, en er þín eign, hefur nú í leitir
komið og verður þér send að
Klaustri. Varð eftir í mínu farteski
er við skildum á Garði endur fyrir
löngu.
Lifðu heill alla tíð og þitt hús.
Sjáumst með hausti og ég veit að þú
verður við þessa sömu óbrigðulu
heilsu og vant er, - ekki ósvipaður
þeim nýprentaða þúsundkalli er
kemur úr vélum meistaranna, albú-
inn að velkjast í þessum heimi.
Fornvinir þínir óska þér góðra daga
á Klaustrinu og senda þér hugheilar
óskir til London og annarra heims-
borga er þú kannt að gista þessi
dægrin.
Vatnsfirði á degi
kóngs Hlöðvis 1988.
Síra Baldur Vilhelmsson,
settur prófastur
ísafjarðarprófastsdæmis.