Tíminn - 10.11.1995, Blaðsíða 7
Föstudagur 10. nóvember 1995
mroiww
7
Þrjár konur í bíl - á leiö austur á firöi:
Tveggja daga
ferðalag -
á 400 siðum
Steinunn Sigurðardóttir er
hláturmild kona. í spjalli sem
blabamaður Tímans átti við
hana um grafalvarlega nýja
skáldsögu, Hjartastaö, sem
hún hefur notaö síðastliðin
fimm ár til að skrifa, fann hún
fjölda tilefna til gjallandi
hláturs. Þetta er stærsta bók
Steinunnar, meira en helm-
ingi lengri en Tímaþjófurinn,
en á tæpum fjögur hundruð
síöum fara persónur hennar í
tveggja daga ferðalag austur á
firöi.
Forvitnin varð frumlegum
spurningum yfirsterkari og mál-
bein Steinunnar fékk lausan
tauminn: Um hvað er Hjarta-
staður?
„Þessi Hjartastaður er bæði
konkret og abstrakt. Þetta er
ákveöinn staður úti á landi þar
sem amma og mamma hetjunn-
ar, sem heitir Harpa Eir, áttu
heima og þangað sem ferðinni í
bókinni er heitið. Nafnið kemur
til af því að þetta er bæði alvöru
ferðalag austur á firði og líka
ferðalag inn í hjarta hennar
sjálfrar. Þetta er flótti móður
með unglingsdóttur sína úr
vondum félagsskap í Reykjavík
og svo bókstafleg leit móður-
innar að sínum uppruna. Það er
vinkona söguhetjunnar sem
keyrir þær, þannig að þetta eru
þrjár konur í bíl og þar verða
náttúrlega átök, milli þeirra
allra. Þannig að þetta er ekki
sléttur sjór sem er sigldur. Svo
koma við sögu ýmsir ættingjar
söguhetjunnar. Hún heimsækir
m.a. einn fööurbróður sinn,
sem er einbúi fyrir austan Mýr-
dalssand, og svo heimsækir hún
móðursystur sína, sem býr ekki
langt frá Höfn í Hornafirði og er
rammskyggn."
Steinunn segist hafa haft
tækifæri til að bregða dálítiö á
leik með þessa karaktera, því
bókin sé annars fremur alvarleg.
„Það er dauðans alvara hvort
þér tekst að bjarga krakka sem
þú átt, eða ekki. Þaö er upp á líf
og dauöa í bókstaflegri merk-
ingu, því mikið af þessum
krökkum, sem lenda á skjön,
hreinlega deyja bara. Svo er leit
mömmunnar í raun líka leit
upp á líf og dauða, því það er
spurning um hvernig hún
kemst af sem persóna, hvort
henni tekst að grafa sjálfa sig
upp."
Hreyfiskáldsaga
Steinunn segir söguna vera
öðrum þræði bókstaflega lýs-
ingu á ferðalaginu, en hins veg-
ar lýsingu á bakgrunni hetjunn-
ar, sambandi hennar við for-
eldra sína og vinkonuna og þró-
un sambands vinkvennanna.
„Söguhetjan er fædd 1960 og
sker sig mjög mikiö úr. Hún er
lítil og dökk og þá var nú frekar
lítið komið af nýbúum, en vin-
konan er þessi klassíski bjarg-
vættur. Vinkonan er með svona
ljónshjarta og hún er stöðugt að
bjarga þessari minnimáttar vin-
konu sinni. Hún er sjálf flautu-
leikari og ofsalega upptekin,
spilar út um allan heim, en það
er hún sem sest undir stýrið á
einhverjum pick-up til að fara
með þær austur. Svo koma auð-
vitaö ástamál hetjunnar við
sögu. Það er ekki hægt að hafa
langa skáldsögu þar sem engin
ástamál koma við sögu. Þaö er
bara svo leiðinlegt. Einn hittir
hún nú bara svona á förnum
vegi og grípur hann."
— í tveimur skáldsögum þínum,
Tímaþjófhum og Síbasta orðinu,
lékstu þér dálítið með form skáld-
sögunnar. Hvað gerðirðu nú?
„Ég myndi segja að formið í
sögunni sé bara vegurinn. Kafla-
skiptin í sögunni eru þegar bíll-
inn stoppar og tekur aftur af
staö. Þetta er náttúrlega ekki
beint hábókmenntalegt, ha? í
einu skiptin sem fyrirsagnir
koma fyrir í bókinni, þá er það
bara Selfoss — Kambabrún —
Kirkjubæjarklaustur, skiltin
koma sem kaflaheiti og svo eru
bil á milli þess þegar hreyfingin
hættir og byrjar aftur."
— Ertu þá að skrifa þig inn í
þessa vegabókmenntahefð eða
leiðir formið sjálfkrafa út af efn-
inu?
„Ég hef ekki fyrirmynd að
bókinni sem slíkri. Þetta er nátt-
úrlega augljóslega að hluta til
vegasaga, en ég hugsa aldrei um
hana þannig. Svo sagði einhver
útlendingur við mig að þetta
væri þá svona road-movie bók
og ég hreinlega góndi. Maður er
létt grandalaus um það sem
maður er að gera. Ég veit ekkert
hvernig á að skilgreina þessa
Steinunn Siguröardóttir er þakklát fyrir aö vera ekki lengur meö Hjartastaö hálfkaraöa inni á tölvunni, heldur
vera búin aö koma henni frá sér í áþreifanlegu bókarformi. Tímamynd cs
bók. Það mætti kannski kalla
þetta svona hreyfiskáldsögu."
3 kynslóðir kvenna
Steinunn segir að varla séu til
miklu ólíkari bækur en Tíma-
þjófurinn og Hjartastaður, enda
sé hún nú að einbeita sér að
sambandi móður, dóttur og
ömmu. „Mamma söguhetjunn-
ar hefur verið dáin í tíu ár þegar
bókin gerist, en hún kemur með
í ferðina. Það eru alltaf samtöl í
gangi milli hennar og dóttur-
innar. Þaö eru ekki mjög fögur
samtöl, því þeim kom mjög illa
saman á meðan mamman liföi
og samkomulagið hefur ekkert
skánað á þeim tíma sem liðið
hefur frá því hún dó. Söguhetj-
an er tuttugu ára þegar mamm-
an deyr og það er allt ósagt og
óafgreitt. Söguhetjan átti barn
þegar hún var 16 ára, og
mamma hennar djöflaðist í
henni og gerði allt þveröfugt við
það sem rétt og gott hefði verið.
Hún er í bókinni að reyna að
sættast við þessa fortíðarvofu.
Ég geri þeirra samband bókstaf-
legt með því að hafa samtöl og
Iáta hana sjá mömmuna, þó að
söguhetjan sé ekki skyggn í
mínum augum. Þetta er bara
svona eins og maöur sér fyrir sér
fólk sem er dáið, það er svo
sterkt í huga manns."
— Ungir karlar í rithöfundastétt
hafa verið húðskammaðir fyrir að
fjalla sífellt um œskubrek drengja
Rokksveitin XIII er aö gera góöa hluti á geislaplötunni Serpentyne:
Fengur fyrir þungarokkara
Eftir að hafa hlustað á nýjustu af-
urð rokkhljómsveitarinnar XIII,
geislaplötuna Serpentyne, er ekki
aö undra þótt erlend fyrirtæki hafi
sýnt áhuga á að gera sainning við
sveitina. En fyrsta plata XIII, Salt,
sem kom út í fyrra, hefur fengið
góða dóma í erlendum tónlistar-
blööum og m.a. gaf belgíska tón-
listartímaritið Mindview plötunni
92 stig af 100 mögulegum. Þá hefur
bandið gert samning við KOCH
International, sem rekur rokkútgáf-
una No Bullet Records og er XIII
helsta forgangsverkefni útgáfunnar
um þessar mundir.
Á nýju geislaplötunni, Ser-
pentyne, eru alls 13 rokklög af ýms-
GEISLADISKAR
CUÐMUNDUR R. HEIÐARSSON
um þyngdarflokkum, en flest em
þau þó í þyngri kantinum með
enskum texta. Hljómurinn á plöt-
unni er meö alþjóðlegum blæ og
hljóðfæraleikur og uppbygging
laga eins og gerist best í þessum
flokki rokksins. Þungur og markviss
taktur einkennir flest lögin, með
þekkilegum gítar og kraftmiklum
söng. Þá spillir ekki fyrir í auraleys-
inu að platan spannar rúmar 72
mínútur í spilun, þannig að fólk
fær mikið fyrir þær 1999 krónur
sem diskurinn kostar í verslunum.
Öll lögin á Serpentyne em eftir
gítarleikarann, söngvarann og
trommarann Hall Ingólfsson, en
honum til halds og trausts eru þeir
Jón Ingi Þorvaldsson á bassa og
Gísli Már Sigurjónsson gítarleikari.
Fjórði maðurinn á plötunni er.svo
trommuleikarinn Birgir Jónsson.
Að undanförnu hafa strákarnir ver-
ið á fullu við undirbúning á Evr-
ópuútgáfu Salt og útgáfu nýja
disksins, sem var hljóðritaöur í
Grjótnámunni í maí og júní sl.
Plötuumslagið er mjög fmmlegt,
en það hannaði Hallur Ingólfsson í
félaga við Stefán Mána. Utgefandi
er Spor hf. ■
í sögum sínum og nú virðist sem
sögur þriggja kynslóða kvenna séu
að verða vinscelar tneðal yngri
kvenhöfunda. Af hverju heldurðu
að svo sé?
„Æi, það eru bara hlutir sem
liggja svona í tímanum. Þetta er
ekki það að maður setjist niður
og hugsi meö sér: Ja, nú ætla ég
að skrifa eitthvert mótsvar við
einhverju. Þetta er eitthvab sem
er í hausnum á manni sjálfum,
en jafnframt einhverjar hug-
myndir sem liggja í tímanum.
Bókin er svo löng, það er svo
margt sem kemst að í henni fyr-
ir utan þessar þrjár kynslóðir.
Þarna er líka vinkonusamband-
ið og samband söguhetjunnar
við þessa ástmenn sína."
— Er húmorinn til staðar?
„Já, það er víst. Þeim finnst
þetta helvíti hlægilegt sem hafa
verið að glugga í þetta. Náttúr-
lega finnst mér þetta hvorki
fyndið né annað. Núna finnst
mér ekki neitt um þessa bók,
hún er algjörlega dauð eins og
sláturkeppur fyrir mér, ég er bú-
in ab vesenast svo mikið í
henni. En hún er ekki fyndin út
í gegn, það eru langir þungir
kaflar í henni líka."
— Ertu sátt við hana?
„Ég er ekki neitt. Þab eina sem
ég er, er að ég er þakklát fyrir ab
ég lauk við hana."
LÓA
Húsbréf
Utdráttur
húsbréfa
Nú hefur farið fram útdráttur
húsbréfa í eftirtöldum flokkum:
1. flokki 1991 - 16. útdráttur
3. flokki 1991 - 13. útdráttur
1. flokki 1992 - 12. útdráttur
2. flokki 1992-11. útdráttur
1. flokki 1993 - 7. útdráttur
3. flokki 1993 - 5. útdráttur
1. flokki 1994 - 4. útdráttur
1. flokki 1995 - 1. útdráttur
Koma þessi bréf til innlausnar 15. janúar 1996.
Öll númerin verða birt í næsta Lögbirtingablaði.
Auk þess eru númer úrfjórum fyrsttöldu flokkunum
hér að ofan birt í Morgunblaðinu föstudaginn 10.
nóvember. Upplýsingar um útdregin húsbréf liggja
frammi í Húsnæðisstofnun ríkisins, á Húsnæðis-
skrifstofunni á Akureyri, í bönkum, sparisjóðum og
verðbréfafyrirtækjum.
CXfcl HÚSNÆÐISSTOFNUN RÍKISINS
I 1 HÚSBRÉFAOEILD • SUÐURLANDSBRAUT 24 • 108 REYKJAVÍL • SÍMI 569 6900