Sjómannablaðið Víkingur - 01.12.1996, Blaðsíða 72

Skipasmíðastöðin hf. vinnur
að fjölbreyttum verkefnum fyrir
útgerðarfélög um land allt.
Grunnur að starfsemi fyrir-
tækisins hefur verið þjónusta
við fiskiskipaflotann á ísafirði
og i nágrenni. Einnig hefur
fyrirtækið unnið mikið við
breytingar á stálbátum þar
sem þeir hafa verið teknir inn í
hús, lengdir, breikkaðir, skipt
um vélbúnað o.s.frv. Þá hefur
fyrirtækið tekið að sér stærri
verkefni eins og t.d. vélaskipti
og endurnýjun á togaranum
Dagrúnu ÍS og þá fengið til liðs
við sig ýmsa undirverktaka,
s.s. vélsmiðjur, trésmiði, raf-
virkja og málara.
Fyrirtækið hefur nýlega lokið
smíði á tæplega fimmtán
metra stálbát sem útbúinn er
til rækjuveiða. Báturinn er
hannaður hjá stöðinni I sam-
vinnu við kaupendur bátsins
og Gísla Ólafsson skipa- og
vélaverkfræðing. Við smíði
bátsins er ýmsum nýjungum
beitt. Allar teikningar eru unnar
á tölvu og skurðarteikningar af
öllu stáli sendar beint á skurð-
arvél fyrirtækisins sem sker
eftir þeim af mikilli nákvæmni.
Þannig næst nokkur vinnu-
sparnaður, sem skilar sér til
útgerðarinnar í lækkuðu verði
og styttri afgreiðslutíma. Við
hönnun þessa báts hafa
tæknimenn skipasmlðastöðv-
arinnar kappkostað að upp-
fylla sérstakar þarfir og kröfur
sem snúa að minni bátum sem
stunda veiðar með troll og
dragnót. Þannig hefur báturinn
góðan stöðugleika og sérstak-
lega góða vinnuaðstöðu á
dekki og í lest. Lestin hefur
t.a.m. 4,20 x 3,80 metra slétt
gólfpláss og 1,80 metra loft-
hæð. Engar stoðir eru í lestinni
heldur er dekkið sérstaklega
styrkt. Þannig verður gott
pláss fyrir 24 stk. 660 I fiskikör.
Afturþilfar er u.þ.b. 40 fermetr-
ar alls. Rúmtala bátsins er 140
rúmmetrar. Báturinn er vel
búinn tækjum og hann er með
220V rafkerfi.
Skipasmíðastöðin hefur
hannað bát með svipuðu
fyrirkomulagi en um 17,50
metra langan. Fyrirtækið býður
báða þessa báta sem nýsmíði
með tiltölulega skömmum
fyrirvara. Að auki smíðar það
aðra báta, þ.m.t. vinnu- og
skemmtibáta hverskonar úr
stáli eða áli, skv. eigin hönnun
eða annarra viðurkenndra
skipahönnuða.
Vélstjórafélag íslands
sendir
sjómönnum, Ijölskyldum
þeirra og öðrum
landsmönnum bestu jóla-
og nýárskveðjur.
♦
72
Sjómannablaðið Víkingur