Menntamál - 01.04.1946, Blaðsíða 39
MENNTAMÁL
69
varð hundraðstalan há, 16,41% (drengir 20,37%, stúlkur
12,44%). Kemur hér enn greinilega í ljós, að drengirnir
eru allmiklu lakari en stúlkurnar.
Loks skal þess svo getið, að athugað var, hve oft börn-
in slitu orð sundur, slengdu orðum saman eða skiptu þeim
ranglega milli lína. Var þetta fremur gert til gamans en
vegna hagnýts árangurs. Niðurstaðan var sú, að orð, sem
rita ber í einu orði, voru 667 sinnum slitin sundur, 226
sinnum var orðum slengt saman og 171 sinni var orðum
skipt rangt milli lína.
Árni Þórðarson. Ársæll Sigurðsson.
EFTIRMÁLI RITSTJÓRANS
Þegar ritstjóri Menntamála hafði spurnir af rannsókn þeirri, sem
frá er skýrt hér að framan, þóttist hanti þegar skilja, að hún myndi
vera þess virði, að nokkuð yrði frá henni sagt í tímaritinu. Hann
mæltist því til þess við fræðslumálastjóra, að sér yrði leyft að kynna
sér niðurstöður hennar, þegar skýrslu um hana væri lokið. Tók
fræðslumálastjóri því vel. En er ritstjórinn fór að lesa skýrsluna, gat
liann ekki fundið, að neitt yrði úr henni fellt að skaðlausu, og var
það ráð því tekið að birta hana í heilu líki í Menntamálum. Er þess
vænzt, að kennarar telji það vel ráðið, því að það er hvort tveggja,
að ýmsar athyglisverðar ályktanir má draga af skýrslunni og að kenn-
arar geta liaft hennar bein not í daglegu starfi sínu við stafsetningar-
kennsluna. Þar eru t. d. taldar upp t skipulegri röð allar helztu staf-
setningarreglur íslenzkunnar, þær er vandkvæðum valda (nenta y og
z). Geta kennarar prófað kunnáttu nemenda sinna í þessum reglum
eftir vild og þörfum og lagt aukna áherzlu á þau atriðin, er nem-
endurnir hafa sízt á valdi sfnu.
Höfundar skýrslunnar hafa sýnt Menntamálum þá góðvild að lesa
2. próförk af skýrslunni allri og bera hana saman við frumritið. —
Ritstjóranum þætti mjög vænt um, cf kennarar vildu senda honum
línu um álit sitt á þessari merkilegu rannsókn jieirra Árna og Ársæls,
þegar þeir hafa kynnt sér hana.