Menntamál - 01.04.1946, Blaðsíða 40

70
MENNTAMÁL
Fréttir og félagsmál
Jón Kristjánsson,
fyrr kennari, varð sjötugur 16. janúar siðastliðinn, fæddur 16. jan.
1876. Hann hóf barnakennslu í Akrahreppi í Skagafirði 1908. Síðan
kenndi liann þar eða í Eyjafirði þar til hann lét af kennslustörfum
að mestu 1938. Hann hafði notið nokkurrar kennslu hjá séra Birni
Jónssyni í Miklabæ tvo vetur eftir fermingu, síðar sótti hann kennara-
námskeið i Reykjavík, og loks fór hann svo í Kennaraskólann og tók
próf þaðan 1921, 44 ára gamall. Jón er heiðursfélagi í Kennarafélagi
Eyjafjarðar. Gamall nemandi hans, Hannes J. Magnússon kennari á
Akureyri, skrifar hlýlega grein um þennan aldna sæmdarmann í
Heimili og skóla, 1. hafti þessa árs.
Gísli Sigurðsson,
kennari í Reykjavík, varð fimmtugur 1. apríl síðastliðinn. Hann
lauk kennaraprófi 1922, var síðan nokkur ár við kennslu í Laugardal,
Þingvallasveit og Grafningi, en á sumrin var hann í mörg ár um-
sjónarmaður á Þingvöllum og leiðbeindi ferðafólki. Árið 1930 kom
hann að Austurbæjarskólanum í Reykjavík og hefur starfað síðan
við þann skóla.
Fundur
fyrir kennara úr Árnessýslu og Rangarvallasýslu var háldinn í
Barnaskólanum að Selfossi dagana 17. og 18. apríl síðastl. Boðaði
Bjarni M. Jónsson námsstjóri til fundarins í samráði við stjórnir
kennarafélaganna, en þær skipa Sigfús Sigurðsson, Frímann Jónasson
og Halldór Sölvason fyrir Kennarafélag Rangæinga, en Stefán Sigurðs-
son, Sigurður Eyjólfsson og Helgi Geirsson fyrir Kennarafélag Árnes-
inga. Fundurinn var ágætlega sóttur. Námsstjóri hafði framsögu flestra
mála, en Hjálmar Guðmundsson skólastjóri á Stokkseyri flutti erindi
um skátahreyfinguna. Flelztu mál voru:
1. Skólalögin nýju, og voru þeir þættir mest ræddir, sem mest
snerta barnaskólana. Fögnuðu fundármenn þeim í lieild, en alveg
sérstaklega aukinni þátttöku rlkisins í kostnaði við byggingu skóla-
húsnæðis, enda hefur húsnæðisleysi mest háð barnaskólunum bæði
um fræðslu og menningaráhrif.
2. Námsstjóri flutti yfirlit um skólamál á Suðurlandi og kom víða