Kirkjuritið - 01.04.1957, Page 46

188
KIRKJURITIÐ
henni, og hindraði það að nokkru kirkjustarfsemi að vetrinum. — Snemma
árs 1956 var ákveðið að láta fram fara gagnverða viðgerð á kirkjunni. —
Var verkið hafið í lok júnímánaðar. Var kirkjan öll einangruð að innan
með h" korkplötum og siðan múrhúðuð og máluð. Á gólfið var lagður
korkur og nýtt hitakerfi sett í kirkjuna. Söngpallur var stækkaður vegna
hins nýja orgels, og í turni kirkjunnar, bak við söngpallinn, var fullgert
herbergi til afnota fyrir söngfólkið og til geymslu á fermingarkyrtlum og
öðrum munum kirkjunnar. — Nýtt skrúðhús var afþiljað inni við kórdyr,
og allt lagfært og standsett, sem þurfa þótti. — AUa trésmíði og kork-
lagningu önnuðust þeir Olafur J. Helgason og Kristján J. Guðbrandsson,
húsasmíðameistarar. Múrverk annaðist Ólafur Ámason, múrarameistari.
Raflögn, I-Iafsteinn Davíðsson, rafvirkjameistari. Málningu, Steingrímur
Sigfússon, málarameistari. — Eru þessir menn mikiUar þakkar verðir fyrir
dugnað sinn. — Sumarið 1955 var fullgerð girðing í kringum nýja kirkju-
garðinn. Er girðingin steinsteypt, múrhúðuð og lituð hvít. Er garðurinn
hinn snyrtilegasti. — Kvenfélagið Sif hefir átt mikinn þátt í ýmsu, er
kirkjuna varðar, og hefir ávallt verið reiðubúið til hvers þess, er betur
mátti fara. — Fé það, er kirkjan þurfti að fá til viðgerðarinnar, var fús-
lega veitt úr hinum almenni kirkjusjóði, með hagstæðum lánum. —
Tómas Guðmundsson.
Ritgerðarsamkeppni. Til hennar er nú kirkjunnar mönnum boðið
af Alkirkjuráði. Efni: Hinn biblíulegi skilningur á sambandi kirkjulegs
trúboSs og kirkjulegrar einingar, og áhrif þessarar skoSunar á einingar-
stefnuna! Fyrstu verðlaun 1000 svissneskir frankar. Önnur verðlaun 500
svissneskir frankar. Þriðju verðlaun 250 svissneskir frankar. — Þátttakendur
mega ekki vera fullra 40 ára og verða að starfa að prests- eða trúboðs-
störfum. — Lengd ritgerðarinnar sé 10.000—15.000 orð. — Sé hún rituð
á frönsku, ensku eða þýzku. — Á að vera vélrituð á venjulegan rit-
vélarpappír og í þremur eintökum. Dulnefni höfundar sé á ritgerðinni,
en nafn hans fylgi í lokuðu umslagi. — Ritgerðin sé póstlögð í síðasta
lagi 31. okt. 1957. Utanáskrift: Scholarship Committe, World Council
of Churches 17, route de Malaguon, Geneva, Switzerland.
Sj’ómannastofan á Raufarhöfn. Vorið 1954 flutti ég tillögu á Syn-
odus um að kirkjan beitti sér fyrir því, að sjómannastofa yrði rekin á
Raufarhöfn um síldveiðitímann. Heima í héraði hafði ég undirbúið það
á stjórnamefndarfundi í Kaupfélagi Norður-Þingeyinga, að kaupfélagið
lánaði fundarsal sinn í verzlunarhúsi kaupfélagsins á staðnum (útibú frá
K. N. Þ.) undir slíka starfsemi fyrir lítið eða helzt ekki nema húsa-