Ægir - 01.10.1994, Blaðsíða 16
Með allt á hreinu
Rafver þjónustar fiskvinnslu og útgerð
Fyrirtækið Rafver í Skeifunni 3 er
fjölskyldufyrirtæki sem var stofnað í
maí 1956. Starfssvið Rafvers hefur frá
upphafi verið raflagnir, mótorvinding-
ar, viðgerðir og þjónusta við fyrirtæki,
stofnanir og einstaklinga um land allt.
„Frá árinu 1984 hefur okkur stöðugt
vaxið fiskur um hrygg í margskonar
innflutningi tækja fyrir einstaklinga og
fyrirtæki og sú starfsemi vex enn,"
sagði Ágúst Einarsson framkvæmda-
stjóri í samtali við Ægi.
Nú eru 13 starfsmenn hjá Rafveri
sem vinna jöfnum höndum við ný-
lagnir, viðgerðir og þjón-
ustu.
Helstu vörur sem Rafver
flytur inn eru Karcher
hreinsivélar, Fein borvélar,
sagir, skrúfvélar, slípirokkar,
Boge loftpressur og loft-
hreinsibúnaður, Sortimo
kassar, skúffur, innréttingar
og vinnufatnaður, Orion
fjarstýrðir hurðaopnarar,
Duss höggborvélar, brotvélar
og borar og nú síöast bætt-
ust Dynapac og Vogelsang
hillukerfi og Rapid slöngu-
hjól við vöruúrvalið. Allt
þetta er til sýnis í verslun
Rafvers í Skeifunni en þar er ennfrem-
ur verkstæði og lager.
Skúra, skrúbba og bóna
Viöskiptavinir Rafvers eru eins og
þessi upptalning gefur til kynna um
allt samfélagið en fiskvinnsla og út-
gerð skipa þar mjög stóran sess og hafa
gert um áraraðir.
Karcher er það vörumerki sem flestir
í fiskiðnaði og útgerð þekkja frá Raf-
veri en Fein rafverkfærin eru mikið
seld á verkstæði og um borð í skip sem
þurfa að stunda viðgerðir úti á rúmsjó.
Kárcher framleiðir háþrýstidælur,
ryksugur, gólfþvottavélar, gólfslípivél-
ar, teppahreinsivélar og bónvélar.
„Það sem er nýtt og spennandi á
leiðinni frá Kárcher er fjölbreyttara úr-
val af hreingerningavélum sem henta
viö öll tækifæri, bæði á heimilum og í
fyrirtækjum. Til dæmis má nefna
handhæga litla hreingerningavél sem
gerir allt heimilið hreint án sápu. Með
gufuþrýstingi getur þú hreinsað og
straujað gólfin, teppin, gluggatjöldin,
sætin í bílnum, flísarnar á baðinu og
bókstaflega allt sem þér dettur í hug,"
sagði Ágúst.
„Við höfum selt mikinn fjölda há-
þrýstidæla í frystihús, fiskvinnslur og
um borð í frystitogara. Þar sem ríður á
að hlutirnir séu vel hreinir þar er
Karcher í fremstu röð. Við lítum einnig
svo á að það sé ekki bara nóg að selja
hlutinn og vera svo laus allra mála
heldur leggjum mikla áherslu á þjón-
ustu við okkar viöskiptavini. Vinsæl-
ustu dælurnar eru þær sem geta breytt
heitu vatni í gufu undir miklum þrýst-
ingi en þaö eru þrjár mismunandi
stærðir sem eru algengastar."
Rafver býður heildarlausnir á sviöi
hreinlætis, hvort sem rætt er um lausar
einstakar háþrýstidælur eða háþrýsti-
kerfi sem nú færast mjög í vöxt í frysti-
húsum og togurum. Þrýstingurinn er á
bilinu frá 10-245 bör. Til samanburðar
má geta þess að þrýstingur í venjuleg-
um heimiliskrana er 4 bör.
Það nýjasta fyrir háþrýstikerfin eru
sjálfinndraganleg ryðfrí slönguhjól frá
þýska fyrirtækinu Rapid sem gerir alla
umgengni um háþrýstislöngur þægi-
legri og eykur endingu á tækjum og
slöngum.
„Við reynum að benda okkar við-
skiptavinum á heppilegustu lausnirnar
miðað við þeirra þarfir og leggjum
mikla áherslu á góða varahlutaþjón-
ustu. Sá sem selur einhvern hlut verð-
ur alltaf að eiga tilbúna varahluti.
Annars endar með því að viðskiptavin-
urinn leitar eitthvað annað."
Væn og „græn“ sápa
Stöðugt er leitað nýrra leiða til þess
að ná fram hámarks afköstum og skil-
virkni í þrifum í fiskiðnaði
og rannsóknir standa yfir á
þessum hluta vinnslunnar
sérstaklega og framleiðendur
fylgjast að sjálfsögðu með.
„En það er stöðugt verið
að leita nýrra lausna í
hreinsiefnum og sápum og
þar lætur Karcher sitt ekki
eftir liggja. Fjölmargir val-
kostir eru í boði, allt eftir því
hvað menn vilja þrífa og
hvernig. Vaxandi vitund um
hreint umhverfi setur mark
sitt á framleiðslu Karcher
sem býður stöðugt umhverf-
isvænni sápur og hreinsi-
efni. Þá koma fram nýjar sápur sem
hafa sömu virkni en búið er að fjar-
lægja úr óæskileg efni.
Lausnirnar eru margar en svokölluð
kvoðutækni er mjög vinsæl. Hún
byggir á því að sápan myndar kvoðu-
kennda húð sem er látin liggja á fletin-
um í tiltekin tíma."
Kárcher er stærsta fyrirtæki á sínu
sviði í heiminum og höfuðbækistöðvar
þess eru í Stuttgart í Þýskalandi. Það
hefur starfað í meira en 50 ár og varð
fyrst til að setja háþrýstidælur á mark-
aö í Evrópu.
„Ég hef stundum sagt að þetta sé
Bensinn á hreinlætismarkaðnum,"
sagði Ágúst að lokum. □
Ágúst Einarsson framkvæmdastjóri Rafvers.
16 ÆGIR OKTÓBER 1994