Ægir - 01.10.1994, Blaðsíða 39

framan meö þili, sem á eru fjórar vökvaknúnar rennilúgur
til losunar. Móttakan er búin dreifirörum fyrir krapís.
Vinnslubúnaður almennt: Fyrirkomulag vinnsluþilfars er
hannað af Skipatækni h.f., en útfærsla og smíði búnaðar,
fyrir utan vinnslutæki og frystitæki, þ.e. færibönd, kör, laus-
frystir o.fl., er frá Landssmiðjunni h.f., sem einnig annaðist
niðursetningu á búnaði á vinnsluþilfari. Snyrti- og flokkun-
arkerfi er frá Marel h.f. Vinnsluþilfar er um 520 m2 brúttó
frá móttöku fram að þili, sem aðskilur vinnsluþilfar frá
stafngeymum og tækjaklefa.
Megin vinnslurásir eru:
- Flakavinnsla (bolfiskur).
- Heilfrysting (karfi, grálúða o.fl.).
- Rækjuvinnsla (Japans,- suðu- og iðnaðarrækja).
- Mjölvinnsla.
Einnig gerir fyrirkomulag ráð fyrir bitaframleiðslu úr
flökum og er búnaður fyrir hendi að hluta.
Blóðgun, flutningur: Úr móttöku er aflanum hleypt inn á
færiband (flutningsband) þversum framan við móttöku, inn
á blóðgunarband samsíða flutningsbandi með stæðum fyrir
níu menn, en þar er einnig hausari til að hausa í blóðgunar-
kör. Eftir blóðgun flyst aflinn með tveimur þverskipsfæri-
böndum (undir og framan við blóðgunarband) inn á
tröppubönd, s.b.- og b.b.-megin, og frá þeim inn á færibönd
(yfir blóðgunarkörum). Blóðgunarkör eru 10 talsins, sex í
aftari röð og fjögur í fremri röð. Fæðing í aftari körin fer
fram með tröppubandi s.b.-megin, en í fremri körin með
tröppubandi b.b.-megin um þvottakar. Einnig er beinn
flutningur á slægðum fiski að kari við handvirkan frysti.
Flakavinnsla (bolfiskur): Bolfiskflakavinnslan er b.b.-meg-
in á vinnsluþilfari. Vökvaknúinn lokubúnaður á blóðgunar-
körum hleypir aflanum inn á lárétt þverskipsfæriband, milli
aftari og fremri blóðgunarkara, sem flytur aflann að slæg-
ingar- og aðgerðaraðstöðu b.b.-megin á vinnsluþilfari. Þar
er ein slægingar- og hausunarvél fyrir bolfisk og ein
hausunarvél með innyflasugu. Eftir slægingu og hausun
flyst aflinn með færibandi í þvotta- og safnkar og frá því fer
fram mötun í flökunar- og roðflettivél. Frá henni flytjast
flökin í safnbakka og síðan inn á átta-stæða snyrtiborð
(línu) með flæðivog og sjálfvirkri innmötun inn á flokkara
(samval fyrir pökkun), sem gefur eina aðalafurð og tvær
aukaafurðir framhjá, og því næst að pökkunarborði. Til
hliðar við aðalflakalínuna er vinnslulína fyrir smáfisk, sem
fer í gegnum aðra flökunarvél án roðflettingar, inn á snyrti-
, flokkunar-, vigtar- og pökkunarlínu sem áður er lýst. Eftir
pökkun fara afurðir í sjálfvirka plötufrysta.
Heilfrysting, karfi/grálúða o.fl.: Aflinn flyst frá móttöku
með sama færibandakerfi og áður er lýst og má nýta blóðg-
unarkörin tíu sem geymslukör, eða flytja beint að tveimur
hausunarvélum með innyflasugum, önnur s.b.-megin fram-
an við móttöku og hin b.b.-megin framan við aftari blóðg-
unarkör. Frá hausunarvélum fer aflinn með færibandakerfi
að þvotta- og litunarkari og þaðan sömu leið og flökin, þ.e.
inn á snyrtiborð með innmötun í flokkara og síðan að
pökkunarborði. Ýmsar aukaafurðir sem til falla flytjast með
færibandakerfi úr móttöku eða úr tilfallandi geymslukari að
safnkari s.b.-megin. Aðstaða er þar til vigtunar og pökkunar
og heilfrystingar í handvirkum plötufrysti.
Rækjuvinnsla: Rækjuvinnslubúnaður er s.b.-megin á
vinnsluþilfari og greinist í tvær meginlínur eftir eðli fryst-
ingar, þ.e. rækja sem fer í gegnum plötufrysta (Japans-
rækja) annars vegar og rækja sem fer í gegnum lausfrysti
(iðnaðar- og suðurækja) hins vegar. Meginbúnaður sam-
anstendur af þremur flokkunarvélum, afköst 1250-1500
kg/klst hver; tveimur gufukyntum sjóðurum, afköst 750 kg/
klst hvor; tveimur litunarkörum, afköst 700 kg/klst hvort;
fimm tölvuvogum í pökkunar- og vigtarborði fyrir heilfrysta
rækju; einni tölvuvog fyrir rækju úr lausfrysti, auk færi-
banda, safnkara o.fl. Þrjú af fjórum fremri blóðgunarkörum
má nýta sem geymslukör fyrir rækju og er þá hleypt úr
þeim að framanverðu en ekki aftanverðu.
Fiskúrgangur, mjölvinnsla: Úrgangur frá einstökum fisk-
GUÐBJÖRG ÍS 46
Óskum útgerð og áhöfn
innilega til hamingju
með nýja skipið.
Lögfræðiþjónusta á sviði
fjármögnunarsamninga.
Guðmundur Pétursson - Pétur Guðmundsson - Hákon Árnason - Jakob R. Möller
Suðurlandsbraut 4 5 hæð POBox127 121 Reykjavík Sími 91-680900 Telefax 91-680909
ÆGIR OKTÓBER 1994 39