Fréttablaðið - 06.10.2010, Blaðsíða 16

MARKAÐURINN 6. OKTÓBER 2010 MIÐVIKUDAGUR2
F R É T T I R
Hætti Landsvirkjun öllum fjár-
festingum getur fyrirtækið greitt
upp allar sínar erlendu skuldir á
tíu árum. Grípi Orkuveita Reykja-
víkur (OR) til sömu ráða tekur það
fyrirtækið fimmtán ár að komast
á núllið. Þetta er mat Árna Tómas-
sonar, endurskoðanda og for-
manns skilanefndar Glitnis.
Árni hélt erindi á haustráðstefnu
Stjórnvísi á föstudag um viðhorf
til erlendra lánardrottna.
Forsendur Árna voru ársreikn-
ingar orkufyrirtækjanna beggja
og miðaði hann bæði við árlegar
tekjur og afborganir af lánum.
Hann benti á að tekjur Landsvirkj-
unar eru um 25 milljarðar króna
á ári en afborganir af lánum 35
milljarðar. Á sama tíma greiðir
OR 25 til 30 milljarða í afborg-
anir á ári á meðan tekjur eru um
þrettán milljarðar.
Árni sagði fyrirtækin ekki geta
greitt upp lán sín án endurfjár-
mögnunar. Slíkt byggist á trausti
gagnvart erlendum fjárfestum.
„Við misstum það á einni viku,“
sagði Árni og gagnrýndi bæði þá
sem vilja hætta samningum við
erlenda lánardrottna, tefja fyrir
fjárfestingu erlendra aðila hér
og stjórnvöld sem hafi mismun-
að innlendum og erlendum fjár-
festum í kringum hrun bankanna
fyrir tveimur árum. - jab
ÁRNI TÓMASSON Formaður skilanefndar Glitnis segir mikilvægt að byggja á ný upp
samband við erlenda fjárfesta. Traust sem byggt hafi verið upp á hálfri öld hafi gufað upp
á einni viku í bankahruninu. MARKAÐURINN/GVA
Landsvirkjun
skuldlaus á tíu árum
Þorgils Jónsson
skrifar
Ein af athyglisverðustu nýjungunum í íslenskum
ferðamannaiðnaði er bílaleigan CheapJeep, sem
hefur vaxið ævintýralega á því rúma ári sem hún
hefur starfað. Sérstaða hennar liggur í bílakostin-
um, þar sem aðstandendur fyrirtækisins fóru frek-
ar ótroðnar slóðir.
Anton Traustason, framkvæmdastjóri og einn eig-
enda, sagði allt hafa byrjað með skyndiákvörðun í
fyrra.
„Ég var með lítið bílaþjónustufyrirtæki og keypti
gamlan bíl af vinkonu meðeiganda míns, Christian
Uttrup. Svo datt mér í hug að það væri kannski snið-
ugt að setja bílinn bara í útleigu. Svo fengum við
góða aðila með okkur í þetta og slógum til.“
Anton og Christian fengu ferðaþjónustufyrirtæk-
ið Reykjavik Backpackers með sér og ákveðið var
að kaupa fimm eldri bíla, tæplega tíu ára gamla, til
að gera út. Þeirra bjartsýnustu áætlanir gerðu ráð
fyrir að halda þessum fjölda fyrsta sumarið og bæta
svo við 14-15 bílum árið eftir.
„Við enduðum hins vegar í 25 bílum síðasta sumar
og í sumar vorum við með 130 bíla.“
CheapJeep menn fóru líka óhefðbundnar leiðir
í fjármögnun sinni og hafa að sögn Antons aldrei
tekið lán fyrir neinu. „Við höfum ekki einu sinni tekið
yfirdráttarheimild. Þegar er til peningur er hann
notaður, en ef ekkert er til er ekkert keypt.“
Anton segist hafa reynslu af rekstri, en þetta sé
það skemmtilegasta sem hann hafi gert.
„Þetta er búið að vera geðveikisleg vinna og maður
gengur í öll störf. Ég var eiginlega eini viðgerðar-
maðurinn hjá fyrirtækinu í sumar, með alla þessa
gömlu bíla. Það tók svolítið á, en það gekk upp.“
Viðtökurnar hafa verið með miklum ólíkindum og
vefsíða bílaleigunnar, cheapjeep.is er einn lykill inn
að því. Styrkur hennar sést best á því að frá upphafi
hafa þeir eytt um 250.000 krónum í markaðssetn-
ingu, og þá eru taldar með allar auglýsingar, vegg-
spjöld og dreifibréf.
„Viðtökurnar hjá okkur hafa einfaldlega verið svo
góðar að við höfum ekki þurft að eyða peningum í
markaðssetningu,“ segir Anton.
Kúnnahópurinn hjá CheapJeep er mjög fjölbreytt-
ur þó að ungir erlendir ferðamenn séu auðvitað í
meirihluta. Anton segir þó að fólk úr öllum þrep-
um þjóðlífsins komi til þeirra og láti heillast af hag-
stæðu verði. Þeir hyggjast þó enn breikka hópinn
þar sem þeir ætla að einbeita sér að Íslendingum á
næstunni og bjóða upp á hópferðabíla og litlar rútur
fyrir hópa og fyrirtæki.
Þannig að enn eru sóknarfæri hjá þessu unga fyrir-
tæki, en Anton segir þá taka hlutunum eins og þeir
koma. Stefnan er þó enn tekin upp á við.
„Það virðist sem við höfum gert eitthvað rétt í
þessu. Við stefnum ekki í eins hraða uppbyggingu á
næsta ári, en við munum sennilega aðeins stækka
og efla flotann.“
Fara ótroðnar slóðir
Bílaleigan CheapJeep leigir út gamla bíla. Hefur vaxið úr fimm bílum í 130 á einu
ári og eyðir næstum engu í auglýsingar. Fyrirtækið hefur aldrei tekið lán.
VIÐ BÍLAFLOTANN Anton og félagar hans hafa slegið í gegn með bílaleigunni CheapJeep. MARKAÐURINN/VILHELM
B A N K A B Ó K I N
Samanburður á
vaxtatöflum bankanna
*Miðað er við 250.000 króna innlegg og sem skemmsta bindingu. A Bundinn í tíu daga. B Bundinn í sjö
daga. C Bundinn í einn mánuð. D Úttektargjald hjá gjaldkera 0,25%
Athugið að ekki er tekið tillit til árgjalds, sem getur fylgt yfirdráttarreikningum.
Hæstu Yfirdráttarvextir Yfirdráttarlán
innlánsvextir eru hæstir fyrirtækja
Markaðsreikningur
2,35%A
12,35% 13,00%
Vaxtaþrep
4,05%
13,00% 13,00%
Vaxtareikningur
3,90%B
13,50% 13,50%
MP-1 13,35 til
4,30%C
13,00% 14,70%
PM-reikningur 13,35 til
4,35% 13,95% 14,70%
Netreikningur
4,60% D
13,65% 13,85%
Sparnaðarreikningur
3,70%
11,60% Ekki í boði.
Tölvubúnaður
ThinkPad fartö
lvur · IdeaPad f
artölvur ·
ThinkCentre bo
rðtölvur · Leno
vo skjáir
Nýherji hf. Borgartún 37 Sími 569 7700 | Kaupangur v/Mýrarveg Akureyri Sími 569 7620 | www.netverslun.is
ThinkPad Edge 15,6“ AMD
Ný kynslóð ThinkPad tölva:
AMD P320 örgjörvi
2 GB minni
250 GB diskur
AMD Radeon HD4250 skjákort
Verð: 149.900 kr.
ThinkPad Edge 15,6” Intel
Fyrir kröfuharða notendur:
Intel i3-350M örgjörvi
2 GB minni
250 GB diskur
Intel HD skjákort
Verð: 179.900 kr.
ThinkPad X100e 11,6“
Nett vél fyrir fólk á ferðinni:
AMD MV-40 örgjörvi
2 GB minni
250 GB diskur
AMD Radeon HD3200 skjákort
Verð: 109.900 kr.
ThinkPad fartölvur frá Lenovo eru þrautreyndar og traustar og hafa unnið til
fjölda viðurkenninga. Þeir sem vilja ná árangri velja hágæða umhverfisvottaðar
fartölvur frá Lenovo.BETRI TÖLVUR
3 ÁRA
ÁBYRGÐ
3 ÁRA
ÁBYRGÐ
3 ÁRA
ÁBYRGÐ