Fréttablaðið - 06.10.2010, Blaðsíða 18

MARKAÐURINN 6. OKTÓBER 2010 MIÐVIKUDAGUR4
F R É T T I R
Skilanefnd Icebank hefur tryggt
sölu á lettnesku kaffiverksmiðjunni
Melna Kafija. Kaupandi er sænska
fyrirtækið Löfbergs Lila. Ekkert
hefur verið gefið upp um kaupverð.
Fjölmiðlar í Lettlandi telja verðið
liggja í fimm milljónum evra, jafn-
virði um átta hundruð milljónum
króna.
Fjölmiðlar þar segja söluna þá
umfangsmestu þar í landi á árinu
og vísbendingu um betri tíð.
Melna Kafija er með stærri kaffi-
brennslum Eystralts ríkjanna. Um-
svifin felast í brennslu og mölun á
kaffi, sölu á kaffi til hótela og veit-
ingahúsa auk kaffisölu til Rúss-
lands. Melna Kafija hafði gengið í
gegnum fjárhagslega endurskipu-
lagningu og var því tækt til sölu,
að sögn Hjördísar Harðar dóttur,
formanns skilanefndar Spari-
sjóðabankans. Sigurður Ágúst
Berntsson hjá verðbréfafyrirtæk-
inu Arev hefur séð um reksturinn
ytra fyrir Sparisjóðabankann.
Penninn og Te & Kaffi keyptu
Melna Kafija í apríl árið 2007. Ice-
bank átti veð í Melna Kafija ásamt
ritfangaversluninni Office Day.
Ekki mun stefnt á sölu Office Day
í bráð. - jab
HJÖRDÍS EDDA Sparisjóðabankinn hefur
brotið ísinn í Lettlandi með umfangsmestu
fyrirtækjasölu ársins þar. FRÉTTABLAÐIÐ/GVA
Sparisjóðabankinn á
bak við stórviðskipti
Þorgils Jónsson
skrifar
Garðyrkjubændur gjalda varhug við aðild Íslands að
Evrópusambandinu (ESB) og telja nýja skýrslu, sem
Hagfræðistofnun Háskóla Íslands vann
að beiðni Sambands garðyrkjubænda,
sýna fram á möguleg neikvæð áhrif
ESB-aðildar á greinina.
Skýrslan leggur mat á nú-
verandi stöðu garðyrkjunnar,
sem og undirgreina, og fjall-
ar einnig um hugsanleg áhrif
ESB-aðildar
og horfir til
samanburðar
til Finnlands,
sem gekk í ESB
árið 1995.
Það er niðurstaða
skýrsluhöfunda að af-
koma í íslenskum garð-
yrkjuiðnaði hafi verið
breytileg eftir framleiðslu
þar sem rekstur hafi gengið best í grænmetis-
og garðplönturækt, en síður í kartöflurækt og sér-
staklega illa í blómarækt.
Hvað varðar ESB-aðild Finna, er það niðurstaða
skýrsluhöfunda að garðyrkja þar í landi hafi tekið
breytingum og lagað sig að breyttum aðstæðum.
Margs konar framleiðslu finnskra garðyrkjubænda,
til dæmis ræktun nokkurra blómategunda, hafi verið
hætt og framleiðendur snúið sér að annars konar
ræktun. Þrátt fyrir að rekstrarafkoma garðyrkj-
unnar þar í landi hafi versnað nokkuð fyrst um sinn,
hefur hún jafnað sig og er nú svipuð og fyrir aðild.
Í skýrslunni kemur einnig fram að þrátt fyrir að
um 40 prósent af styrkjum í finnskum landbúnaði í
heild séu greidd af ESB, á móti 60 prósentum finnska
ríkisins, séu styrkir við garðyrkju þar í landi nær
alfarið greiddir af finnska ríkinu.
Bjarni Jónsson, framkvæmdastjóri Samtaka garð-
yrkjubænda, segir að skýrslan staðfesti það sem þeir
hafi talið sig vita um væntanlega ESB-aðild.
„Við höfum verið í sambandi við
kollega okkar á Norðurlöndun-
um og sérstaklega í Finnlandi,
þar sem við sjáum hvað er
að gerast í blómaræktinni.
Hún mun sennilega taka á
sig skarpan skell í upphafi
og svo minnka hægt og ró-
lega.“
Í lokaniðurstöðu skýrslunn-
ar segir að ESB-aðild, ef til henn-
ar kæmi, hefði þó nokkur áhrif á ís-
lenska garðyrkju. Samsetning fram-
leiðslu myndi breytast og aðlagast
breyttu umhverfi, og samdráttur yrði
óumflýjanlegur í ræktun sumra teg-
unda.
Spurður hvort garðyrkjubændur gyldu
varhug við ESB-aðild sagði Bjarni að þeir hefðu
stutt þá stefnu bændasamtakanna að aðild væri ekki
greininni til hagsbóta.
Hann segir þó að vissulega væru tækifæri í grein-
inni þótt til þess kæmi. „Til dæmis varðandi kart-
öflur, það eru ekki til rauðar kartöflur eða gerðin
Helga í innflutningi. Það er séríslenskt. Ef menn
leggja meiri áherslu á okkar sérstöðu í markaðs-
starfi, þá gæti það unnið á móti neikvæðum áhrif-
um. Það er alveg á hreinu.“
Samtökin munu í framhaldinu nota skýrsluna til
hagsmuna fyrir garðyrkjubændur, meðal annars til
upplýsinga í aðildarviðræðunum, þar sem hún verð-
ur kynnt fyrir stjórnvöldum.
Blómarækt í hættu
með inngöngu í ESB
Skýrsla um íslenska garðyrkju sýnir að sumar undirgreinar
gætu liðið fyrir afnám verndartolla. Garðyrkjubændur segja
skýrsluna staðfesta að ESB-aðild sé ekki greininni til góða.
TÓMATAR Sumar undirgreinar íslenskrar garðyrkju gætu liðið fyrir afnám verndartolla með inngöngu í Evrópusambandið, samkvæmt
niðurstöðu skýrslu Hagfræðistofnunar Háskóla Íslands.
Sýningin Flutningar 2010 stendur á
morgun og hinn, 7. og 8. október, á
Grand Hóteli Reykjavík. Sýningin
er sögð fyrsta alhliða flutningasýn-
ingin á Íslandi þar sem fyrirtæki
á flutningasviði kynna „allt það
nýjasta á sviði sjó-, land- og loft-
flutninga og auk þess meðal annars
vörustjórnun og lagerhald,“ að því
er fram kemur í tilkynningu.
Ólafur M. Jóhannesson, fram-
kvæmdastjóri sýningarinnar,
segir undirbúning að henni hafa
staðið yfir um nokkurt skeið, en
aðilar innan flutningageirans hafi
talið þörf fyrir slíka alhliða sýn-
ingu vegna þess hve flutningageir-
inn væri lítt sýnilegur, þrátt fyrir
stærð og mikilvægi. Þannig megi
hafa áhrif á vöruverð í landinu með
því einu að ná niður flutningskostn-
aði. - óká
Kynna nýjungar
á sviði flutninga
Fyrsta flutningasýning landsins haldin í vikulokin.
VÖRUR FLUTTAR Velflestar hliðar flutn-
ingastarfsemi verða kynntar á nýrri sýningu
núna í vikulokin. MARKAÐURINN/PJETUR
Stundaskrá - Október
07.10 kl. 13:00 - 17:00 Gerð verklagsreglna I
12.10 kl. 13:00 - 17:00 Visio - Myndræn framsetning gæðaskjala
14.10 kl. 13:00 - 16:00 Starfsþróunarsamtöl
20.10 kl. 13:00 - 16:00 Hæfnistjórnun og stjórnun með hugbúnaði
28.10 kl. 13:00 - 17:00 Verkefnastjórnun skv. ISO 9001 og PRINCE2
GÆÐASTJÓRNUNARSKÓLINN
Skólinn býður upp á námskeið í gæða-, skjala-,
verkefna- og mannauðsstjórnun. Námskeiðin
eru stutt og hnitmiðuð, auka skilvirkni í stjórnun
og byggja á þverfaglegri aðferðafræði.
BJARNI JÓNSSON