Morgunblaðið - 18.01.2010, Blaðsíða 11

Fréttir 11VIÐSKIPTI
MORGUNBLAÐIÐ MÁNUDAGUR 18. JANÚAR 2010
• Rótgróið bakarí með góðan hagnað.
• Heildverslun með fatnað og vefnaðarvörur. Ársvelta 100 mkr.
• Innflutningsfyrirtæki með vörur fyrir heimili. Ársvelta 70 mkr.
• Lítil heildverslun með snyrtivörur.
• Heildverslun með neytendavörur. Ársvelta 250 mkr.
• Þekkt iðnfyrirtæki sem selur að stórum hluta beint til almennings.
Ársvelta 350 mkr.
• Rótgróið byggingafyrirtæki í Noregi sem sérhæfir sig í viðhaldi og endurnýjun.
Ársvelta 24 millj. EUR. EBITDA 2,8 millj. EUR.
• Innflutnings- og þjónustufyrirtæki. Ársvelta 220 mkr.
• Rótgróið útgáfafyrirtæki tengt ferðaþjónustu. EBITDA 5 mkr.
• MOTORS. Tískuverslun á Laugavegi með sterk vörumerki í einkasölu og
sérvörur fyrir mótorhjólafólk. Gæti hentað vel til sameiningar.
• Rótgróið iðnfyrirtæki með bygginga- og viðhaldsvörur. Ársvelta 90 mkr.
• Lítið innflutnings- og framleiðslufyrirtæki með álprófíla og plexigler.
Ársvelta 50 mkr.
• Lítið framleiðslufyrirtæki með örugga viðskiptavini. Tvö stöðugildi.
Ársvelta 55 mkr. EBITDA 15 mkr.
• Þekkt heimilisvöruverslun. Ársvelta 120 mkr.
• Rógróið iðnfyrirtæki með öruggan markað. Ársvelta 220 mkr.
• Rótgróið framleiðslu og innflutningsfyrirtæki sem selur að stórum hluta beint til
neytenda. Ársvelta 160 mkr.
ÞETTA HELST ...
Eftir Ívar Pál Jónsson
ivarpall@mbl.is
EVRÓPSKAR ríkisstjórnir tóku
með ró ákalli bandarískra stjórn-
valda um að feta í fótspor þeirra með
því að leggja sérstakan skatt á
banka. Ríkisstjórnirnar fögnuðu því
þó að Bandaríkjamenn sýndu stað-
festu í því að endurheimta hluta
kostnaðarins vegna fjármálakrepp-
unnar, að því er fram kemur í Fin-
ancial Times.
Barack Obama kynnti fyrir helgi
að stjórnvöld hygðust leggja skatt á
50 fjármálafyrirtæki, sem myndi afla
ríkissjóði 90 milljarða dala. Hann
sagði að björgun bankanna hefði
verið „smekklaus, en nauðsynleg“ og
nú væri komið að skuldadögum.
Angela Merkel, kanslari Þýska-
lands, sagðist frekar en slíkan skatt
vilja „alþjóðlegan skatt á viðskipta-
færslur.“ Hún útilokaði þó ekki hug-
myndina, ef vera kynni að í viðræð-
um G20-ríkjanna kæmi fram
víðtækur stuðningur við hana. „Við
bíðum eftir því að sjá niðurstöðuna
úr alþjóðlegum viðræðum,“ sagði
hún í Berlín í gær.
Christine Lagarde, fjármálaráð-
herra Frakka, sagði fyrirhugaðan
bankaskatt Bandaríkjanna „mjög,
mjög trausta og góða aðgerð.“ Hún
gaf hins vegar í skyn að Frakkar
myndu ekki fylgja í kjölfarið vegna
þess að Frakkar myndu fá endur-
greidda ríkisaðstoðina við bankana,
auk vaxta. Bandaríkin myndu hins
vegar tapa stórlega á framlögum
vegna eitraðra eigna úr TARP-sjóði
sínum.
Lagarde sagði að fyrirhugaður
50% skattur Frakka og Breta á bón-
usgreiðslur bankamanna væri sú að-
gerð sem væri best við hæfi í franska
fjármálakerfinu.
Talsmaður Gordons Browns, for-
sætisráðherra Bretlands, lagði
áherslu á að björgunaraðgerðir
Bandaríkjamanna hefðu verið allt
annars eðlis en aðgerðir evrópskra
ríkisstjórna. Í Bretlandi hefði ríkið
eignast hlut í illa stöddum bönkum
og byggist við því að endurheimta
framlag sitt með því að selja þann
hlut „á réttu augnabliki.“
Tryggingakerfi fyrir banka
Bretar, Þjóðverjar og Frakkar
hafa allir stutt hugmyndina um skatt
á fjármálagjörninga, en kunna að
þurfa að endurskoða þá afstöðu sína
ef Alþjóðagjaldeyrissjóðurinn kemst
að þeirri niðurstöðu að sá skattur sé
lítt fýsilegur í skýrslu sinni sem
væntanleg er í apríl.
Hvað sem því líður huga evrópsk
stjórnvöld nú að því að koma á fót
einhvers konar tryggingarkerfi fyrir
banka, auk þess að gera auknar
kröfur um eigið fé og setja upp
strangara regluverk. Það kann að
þýða að tekinn verði upp skattur af
svipuðu tagi og Bandaríkjamenn
hyggjast nú setja í lög, þar sem
markmiðið verður að tryggja kerfið
gegn vandamálum í framtíðinni frek-
ar en fást við vandamál fortíðarinn-
ar.
George Osborne, talsmaður
breska Íhaldsflokksins, sagði að
flokkurinn myndi styðja að lagt yrði
tryggingariðgjald á banka, yrði hann
sigurvegari í bresku kosningunum
hinn 6. maí næstkomandi.
Osborne sagði í samtali við Fin-
ancial Times að hann styddi ekki
skatt á viðskiptafærslur, en bætti
við: „Ég held að einhvers konar
tryggingariðgjald sé mun líklegra til
þess að njóta alþjóðlegs stuðnings.“
Við sama tækifæri sagði Anders
Borg, fjármálaráðherra Svíþjóðar,
að Bandaríkjamenn horfðu mjög til
sænsku leiðarinnar, sem byggðist á
„stöðugleikaskatti“, svipuðum og
bandarísk stjórnvöld hyggist nú
leggja á.
Blendin viðbrögð við bankaskatti
 Bandarísk stjórnvöld hyggjast afla 90 milljarða dollara með skatti á þarlendar fjármálastofnanir
 Evrópskar ríkisstjórnir fagna því að Bandaríkin ætli að endurheimta hluta kreppukostnaðarins
Reuters
Skattur Barack Obama hefur kynnt fyrirætlanir bandarískra stjórnvalda
um skatt á 50 fjármálafyrirtæki sem afla á ríkissjóði 90 milljarða dala.
● GRÍÐARLEG umframframleiðsla er í
bílaiðnaði heimsins um þessar mundir,
að sögn Sergios Marchionnes, forstjóra
Fiat á Ítalíu. Segir hann að bílaframleið-
endur framleiði um 94 milljónir fólks-
og vörubíla, sem sé um 30 milljónum
umfram eftirspurn. Eigi iðnaðurinn að
geta dafnað við breyttar aðstæður þurfi
framleiðendur, einkum í Evrópu, að
draga úr framleiðslu. Bandarískir fram-
leiðendur hafa þegar lokað verk-
smiðjum, en í Evrópu greiða ríkis-
stjórnir fyrirtækjunum oft fyrir að halda
verksmiðjum gangandi.
Borgar sig ekki að loka
● VEGNA fréttar
um að Actavis sé
að hluta að kom-
ast í hendur
Deutsche Bank
hefur Björgólfur
Thor Björgólfsson,
stjórnarformaður
Actavis, sent frá
sér eftirfarandi yf-
irlýsingu:
„Actavis er að fullu í höndum hlut-
hafa. Núverandi stjórn félagsins, í um-
boði hluthafa, ræður stefnumótun og
rekstri þess. Fréttir um annað eru rang-
ar. Engin áform eru uppi um að lánar-
drottnar breyti skuldum félagsins í
hlutafé eða eignist hlutafé í félaginu. Þá
er rétt að fram komi að Actavis hefur
undanfarið átt í mjög góðu samstarfi
við lánardrottna félagsins um skulda-
stöðu þess og á enn.“
Í höndum hluthafa
Eftir Bjarna Ólafsson
bjarni@mbl.is
„Í markaðssetningu íslenskra fyrir-
tækja á erlendri grund mætti blanda
betur saman fræðum og praktík,“
segir Gunnar Óskarsson, kennari við
viðskipta- og hagfræðideild Háskóla
Íslands. Til að auðvelda stjórnend-
um íslenskra fyrirtækja að nálgast
og tileinka sér fræðilegar upplýsing-
ar um alþjóðamarkaðssetningu hef-
ur Gunnar gefið út bókina „Að fanga
heiminn“, en hún hefur að geyma
umsagnir á íslensku um greinar sem
birst hafa í viðurkenndum tímaritum
og fjalla um viðfangsefni alþjóða-
markaðssetningar. Ennfremur inni-
heldur bókin stuðningsefni, sýnis-
horn og heilræði fyrir greiningu á
erlendum mörkuðum. „Bókin er
fyrst og fremst skrifuð fyrir kennslu
á háskólastigi, en efni hennar á einn-
ig erindi til þeirra sem starfa í fyrir-
tækjum og vilja ná árangri á erlend-
um mörkuðum eða annarra sem hafa
áhuga á viðfangsefninu,“ segir
Gunnar. Ætlunin er að gefa út fleiri
slíkar bækur í framtíðinni, en um-
sagnirnar eru skrifaðar af nemend-
um Gunnars við Háskólann.
Brúa gjána
„Í virtum ritrýndum erlendum
fagtímaritum er að finna gríðarlegt
magn upplýsinga og fróðleiks, sem
ég tel að geti gagnast stjórnendum
við ákvarðanatöku í markaðsmálum.
Greinarnar eru hins vegar flestar
langar og skrifaðar á ensku fagmáli,
sem erfitt getur verið fyrir venjulegt
fólk að skilja. Ég hef lengi haft
áhuga á að brúa þetta bil og auðvelda
stjórnendum að nota þær upplýsing-
ar sem í greinunum er að finna. Oft
er talað um gjá milli fræðimanna og
stjórnenda og er bókinni meðal ann-
ars ætlað að brúa þá gjá.“
Telur Gunnar að þegar stjórnend-
ur venjast því að nota efni sem þetta
muni þeir almennt taka betri ákvarð-
anir. Auk íslensku ritraðarinnar
vinnur Gunnar að gerð sambæri-
legrar ritraðar á ensku, þar sem
meiri áhersla verður lögð á hagfræði
en markaðsmál.
Að fanga
heiminn
Gunnar Óskarsson
VERÐBRÉFAMIÐLARINN David
Slaine hefur undanfarið ár að-
stoðað yfirvöld við að koma upp um
umfangsmikil og skipulögð inn-
herjasvik á Wall Street.
Í Wall Street Journal er sagt frá
því að Slaine hafi borið upp-
tökutæki þegar hann hafi rætt við
aðra miðlara og þar með safnað
gögnum, sem nú verði notuð í
dómsmálum gegn þeim.
Er hann sagður hafa svipt hul-
unni af að minnsta kosti tveimur
skipulögðum hópum innherjasvik-
ara sem hist hafi á laun og skipst á
peningum og innherjaupplýsingum
um fyrirtæki.
Hefur Slaine meðal annars aflað
upplýsinga um góða vini sína. Ann-
ar hringurinn myndaðist í kringum
verðbréfasjóðinn Galleon Group en
hinn var óformlegri og kallaðist
Octopussy eftir James Bond-
myndinni. bjarni@mbl.is
Ljóstraði upp um
innherjasvik
Var með upptökutæki á Wall Street
● GRIKKLAND mun ekki ganga úr evru-
samstarfinu eða lenda í greiðslufalli,
að sögn Jean-Claude Juncker, tals-
manns hóps evrópskra fjármálaráð-
herra.
Segir hann að Grikkland muni ekki
verða gjaldþrota en Grikkir muni hins
vegar þurfa að leggja hart að sér til að
snúa við blaðinu. Hefur gríska ríkið lagt
fram áætlun um hvernig ná megi jöfn-
uði í ríkisfjármálum. bjarni@mbl.is
Segir Grikkland ekki
á leið í greiðsluþrot
● ÚTFLUTNINGUR frá evrusvæðinu
dróst saman í nóvember, annan mán-
uðinn í röð og er það rakið til þess hve
sterkt gengi evrunnar er gagnvart öðr-
um gjaldmiðlum, einkum Bandaríkjadal.
Samdrátturinn nam 0,4 prósentum í
nóvember og 0,1 prósenti í október.
Enn er afgangur á vöruskiptum, en
hann hefur minnkað þrátt fyrir aukinn
útflutning í nóvember.
Sterkt gengi evrunnar
dregur úr útflutningi