Svanir - 01.05.1939, Síða 33
31
í Hvammsmúla er skógur, en smávaxinn. Austanmegin
í dalnum er nú hvergi skógur, en í jarðabók Árna Magn-
ússonar er getið um skógarhögg, á a. m. k. sex bæjum á
þeim slóðum. Er hér átakanlegt dæmi um menningarskort
og fyrirhyggjuleysi Islendinga á umliðnum öldum, að svo
skuli hafa til tekizt um skógana, og er vonandi að fram-
vegis sjái þjóðin sóma sinn í því að bæta fyrir syndir
feðranna í þeim efnum.
Fegurð Norðurárdals hefir löngum verið rómuð og það
ekki að ástæðulausu. Þar getur að líta há, litauðug fjöll,
sléttar grundir, sundurskornar af silfurglitrandi ám og
síkjum, skógiklæddar hæðir og síðast en ekki sízt úfið
hraun með einhverjum þeim fjölbreyttasta gróðri, sem til
er á landi hér.
En Norðurárdalur er ekki einungis fögur sveit, hann
er líka góð sveit, sem veitir sonum sínum og dætrum örlát-
lega af nægtabrunni íslenzkra auðæfa.
Haulcur Kristjánsson.
2. SÖGUÁGRIP.
I. Eyðibýli.
I Norðurárdal eru 22 jarðir byggðar og ein eyðijörð,
Galtarhöfði, sem nú er sameinuð Hvammi. Ýms ör-
nefni benda til þess að byggð hafi verið meiri en nú er.
Læt ég hér getið þeirra örnefna, er benda til byggðar
og Jarðabók Árna Magnússonar og Páls Vídalíns getur
um.
Dagsetning jarðlýsinganna er frá 22. maí 1708. Um
Galtarhöfða er sagt: „Bygður úr lángvarandi gamallri
auðn fyrir 50 árum“.
„Þorsteinsstader heitir fornt eyðikot, sem er stekkur og
fjárhússtæði frá heimastaðnum Hvammi. Þar var bygð í
fáein ár og nú í auðn aftur undir 40 ár, og er það enn
stekkur heimastaðarins. Þar var sú ein grasnautn, sem
staðarhaldarinn aflagði og fyrir og eftir sjálfur brúkar“.
„Blesastader fornt eyðiból í Krókslandi. Enginn minnist
L