Svanir - 01.05.1939, Síða 58

52
trésmiður og kona hans, Nanna Friðgeirsdóttir. — Þau
bjuggu áður á Kárastöðum í Borgarhreppi. — Börn þeirra
eru: Friðgeir, giftur og búsettur í Reykjavík, Edvard
Ólafur, sömuleiðis búsettur í Reykjavík, Bjarni, Anna,
Olga og Skúli, heima í Sanddalstungu.
Á Gestsstöðum býr síðan 1929 Gunnar Guðjónsson, Guð-
mundssonar, sem bjó á Gestsstöðum frá 1893—1927. Árið
1928 býr ekkja Guðjóns, Guðrún Daðadóttir, á Gestsstöð-
um. Kona Gunnars er Kristín Jóhannsdóttir, ættuð úr
Húnavatnssýslu. Börn Gunnars og Kristínar eru: Guð-
mundur, Jóhanna, Guðrún og Sesselja. Annað heimilisfólk
er Guðrún Daðadóttir, móðir húsbónda. Guðjón á Gests-
stöðum var orðlagður eljumaður og áhugasamur um allar
búnaðarbætur. Gerði hann eftir ástæðum mikið að tún- og
húsabótum.
1 Fornahvammi býr síðan 1927 Jóhann Jónson, Guð-
mundssonar, áður bónda á Valbjarnarvöllum. Kona hans
er Stefanía Sigurðardóttir, ættuð úr Húnavatnssýslu. —
Börn þeirra eru: Sesselja, Hreinn Heiðar og Sigurjón. —
Það hefir oltið á ýmsu með byggð í Fornahvammi, eins og
fyrr segir. — Nú hefir ríkið keypt Fornahvamm og Hlíð-
arland undan Sveinatungu, svo að jörðin yrði byggilegri,
og byggt mikið íbúðarhús úr steinsteypu, svo að húsa vegna
væri hægt að taka á móti ferðamönnum. Frá 1883—1900
býr í Fornahvammi Davíð Bjarnason og kona hans, Þór-
dís Jónsdóttir. Fluttu þau norðan úr Hrútafirði að Forna-
hvammi. Ég geri ráð fyrir, að þau hjón hafi búið öðrum
betur í Fornahvammi og staðið þar í þjóðbraut af skör-
ungsskap. Það orð fór af Þórdísi, að hún væri greind í
bezta lagi og skörungur, og ætti hún mikinn þátt í afkomu
þeirra, en þau voru talin vel efnuð. Mun Davíð hafa hýst
jörðina mjög myndarlega, eftir þeirrar tíðar anda. Það var
talið, að Davíð ætti afburða gott sauðfé og vildu ýmsir
þakka Þórdísi það. Var sagt, að hún hefði oft farið til
húsanna á vetrum til þess að líta eftir fjárhirðingunni.
Davíð var járnsmiður. Hann var stór og stórskorinn og
allfyrirferðarmikill við vín, var hann þá stundum stór í