Svanir - 01.05.1939, Side 68

62
steig U. M. S. B. á sl. ári með því að koma á stofn Skóg-
ræktarfélagi Mýra- og Borgarfjarðarsýslu. Er óskandi að
Sambandinu og Skógræktarfélaginu megi í sameiningu tak-
ast að áorka miklu til gagns og prýði þessu héraði og til
menningarauka fyrir íbúa þess.
Rúmið leyfir ekki að ítarlegar sé rætt um þetta mál hér,
heldur skoðast þetta sem bending á merkilegt mál, sem
þarí rækilegrar athugunar við, og væntanlega verður
ákveðin afstaða tekin til þess fyrr eða síðar. Og þótt ýmis-
konar friðunarlög eigi yfirleitt litlum vinsældum að fagna
hjá okkur fslendingum, þá mun samt sú stefna sigra, að
það eigi að vernda og viðhalda, sem land vort á bezt, og
að ekki einungis hin afgirtu friðlýstu svæði, heldur hver
staður, sem við heimsækjum úti í íslenzkri náttúru, sé
heilög móðir jörð.
■