Svanir - 01.05.1939, Qupperneq 91

81
maður fyrir Búnaðarsamband Borgarfjarðar hefir hann
verið frá 1919. Hefir átt sæti á Búnaðarþingi frá 1928 og
nú í stjórn B. 1. Var um langt skeið endurskoðandi Kaup-
félags Borgfirðinga og situr í stjórn þess. — Formaður
skólanefndar Hvítárbakkaskóla 1920—’30 og síðan í skóla-
nefnd Reykholtsskóla. Hann hefir átt sæti í ýmsum nefnd-
um, svo sem fasteignamatsnefnd, verðlagsnefnd B. f. og
nú í mjólkursölunefnd. — Oddviti Reykdælahrepps hefir
hann verið um langt skeið. — Jón var meðal stofnenda
Ungmennafélags Reykdæla og hefir unnið margt fyrir það
félag og U. M. S. B. Hann er búmaður góður og hefir rekið
búskap af hyggni og dugnaði sem hvert það starf, er hann
hefir verið kvaddur til.
Andrés Eyjólfsson er fæddur á Kirkjubóli í Hvítársíðu
27. maí 1886. Foreldrar: Hjónin Eyjólfur Andrésson bóndi
frá Syðra-Langholti í Árnessýslu og Guðrún Brynjólfs-
dóttir frá Selalæk. Andrés stundaði nám á Hvanneyri
1909—’ll. Hóf búskap á Síðumúla 1912 og hefir búið þar
síðan. — Hann kvæntist 1919 Ingibjörgu Guðmundsdótt-
ur frá Mjóadal í Húnavatnssýslu. — Andrés hefir talsvert
starfað að málum sinnar sveitar. — I hreppsnefnd Hvítár-
síðuhrepps hefir hann verið frá 1913 og oddviti hennar
frá 1925. Formaður Búnaðarfélags Hvítársíðuhrepps frá
1918. Deildarstjóri við K. B. um langt skeið. Átti sæti í
stjórn Hvítárbakkaskólans frá 1920—’30 og síðan formað-
ur í skólanefnd Reykholtsskóla. Auk þessarra starfa hefir
Andrés unnið sem innanþingsskrifari á Aiþingi 1922—’23
og frá 1927—1934, en síðan hefir hann verið skjalavörður
Alþingis. Andrés er einn af stofnendum Ungmennafélags
Reykdæla og hefir mjög unnið að málefnum ungmennafé-
laganna í Borgarfirði. Veturinn 1918—’19 fór hann fyrir-
lestraferð fyrir ungmennafélögin um svæðið frá Eyja-
fjöllum til Snæfellsness. — Andrés er dugnaðarmaður að
hverju sem hann gengur, hagmæltur vel og gleðimaður.
Svanir I
6