Fréttatíminn - 03.12.2010, Blaðsíða 2
Óskar Hrafn
Þorvaldsson
oskar@
frettatiminn.is
Hörkuspennandi
unglingasaga
Verðlauna-
höfundurinn
Þorgrímur
Þráinsson
í essinu sínu!
BarnaBækur, 30. nóvemBer
Félag íslenskra bókaútgeFenda
2.
sæti
Skuldabréf vegna minningarsjóðs til rannsóknar
400
milljóna króna
skuldabréf
Útgefandi Björgólfur
Guðmundsson
Kaupandi Fjárfestingar-
sjóður Fyrirtækjabréfa
Landsbankans
Harpan ... getur
komið rúmlega
1.800 manns
í sæti, sem
er ívið meira
heldur en í
hinum tónlistar-
húsunum jafn-
vel þótt íbúar
Reykjavíkur séu
fimm sinnum
færri heldur en
íbúar Óslóar ...
stjórnlagaþingið með
aðsetur í Ofanleiti 2
nýkjörið stjórnlagaþing kemur saman
í febrúar næstkomandi. Það mun hafa
aðsetur í Ofanleiti 2, fyrrum húsnæði
Háskólans í reykjavík. Þingsalur verður
á fyrstu hæð hússins, nefndaaðstaða á
annarri hæð og starfsaðstaða starfsfólks
og þingmanna á fimmtu hæð. Skrifstofa
þingsins flytur í húsnæðið um áramót.
Húsið er vel útbúið tæknilega og ekki þarf
að ráðast í neinar breytingar á innrétt-
ingum. Gott aðgengi er fyrir fatlaða. -jh
Hámarkstrygging 100
þúsund evrur
Verði frumvarp efnahags- og viðskipta-
ráðherra samþykkt innleiða þau lög nýja
tilskipun ESB um innistæðutryggingakerfi.
Hámarkstrygging vegna innistæðu verður
100 þúsund evrur en áður var gert ráð
fyrir 20.800 evra tryggingu. lögin munu
takmarka mjög þau innlán sem njóta
innistæðuverndar. full ríkisábyrgð á
innistæðum mun gilda enn um sinn, verði
lögin samþykkt, en ríkisábyrgðin verður
afnumin í skrefum. allar innistæður í inn-
lendum bönkum og sparisjóðum hafa verið
með fullri ríkisábyrgð frá hruni. stefnt er
að því að lögin taki gildi um áramót. -jh
umboðsmaður
skuldara vill senda alla
í ráðgjöf
spurningapróf umboðsmanns skuldara
í auglýsingu sem birtist á fréttasíðum á
netinu hefur vakið nokkra athygli. Þar eru
þátttakendur spurðir hvort þeir geti greitt
alla sína reikninga í hverjum mánuði. boðið
er upp á tvo svarmöguleika, já og nei. Ef
nei er valið er viðkomandi sendur í gegnum
lista af spurningum sem enda með því að
mælt er með ráðgjöf. Ef viðkomandi velur
já er honum líka bent á að fara í ráðgjöf og
greiðsluerfiðleikamat. -óhþ
Helga Sigríður Sigurðardóttir Á SjúkraHúSi í StokkHólmi
Tökum einn klukkutíma í einu
María Egilsdóttir, móðir
hinnar tólf ára gömlu Helgu
Sigríðar Sigurðardóttur, sem
hneig niður í síðustu viku
vegna hjartgalla og dvelur
nú á gjörgæslu á sjúkrahúsi
í Stokkhólmi, segist aðeins
taka klukkutíma í einu.
„Þetta er ægilega erfitt og
gengur í sveiflum. Svona tvö
skref áfram og eitt til baka. Í
dag fórum við til baka,“ sagði
María í samtali við Frétta-
tímann í gær, fimmtudag.
„Í gær var hjartað orðið
ásættanlegt og lungun að
koma til en í dag eru lungun
að fyllast og hún þarf meiri
öndunaraðstoð,“ sagði
María.
Hún sagði óvissuna vera
versta. „Mér skilst að þetta
sé svona og ég þarf að vera
róleg. Það er pínulítið erfitt
því það er stöðug spenna
þegar dóttir manns liggur
á gjörgæslu. Ég veit ekki
hversu lengi ég verð hérna;
hvort það verður vika, fram
til jóla eða fram á vor.“
Hafin er söfnun fyrir
Helgu Sigríði og fjölskyldu
hennar og segir María
að viðtökurnar hafi verið
framar öllum vonum. „Það
gengur rosalega vel. Þetta
eru ótrúleg viðbrögð og við
erum afskaplega þakklát
fyrir allan stuðninginn,“
segir María.
Hægt er að leggja söfnun-
inni lið með því að leggja inn
á reikning Maríu 0565-26-
110378, kennitala 180470-
3449.
Helga sigríður sigurðardóttir
berst nú fyrir lífi sínu í svíþjóð.
Forgangsmál
nýkjörinna
þingmanna
stjónlagaþings
Jónas Haraldsson
20
Fyrrum stjórnarformaður og framkvæmda-
stjóri Landsvaka þrýstu á að 400 milljóna
króna skuldabréf, útgefið af Björgólfi Guð-
mundssyni, yrði keypt af fjárfestingarsjóði
Fyrirtækjabréfa Landsbankans í janúar 2005.
Kaupin voru í andstöðu við fjárfestingarstefnu
sjóðsins og sjóðstjóri hans var mótfallinn
þeim, að því er vefur Viðskiptablaðsins greindi
frá í gær. Björgólfur notaði féð sem hann fékk
að láni fyrir skuldabréfið, sem var án veða,
til að stofna minningarsjóð um dóttur sína.
Viðskiptablaðið greindi frá því í gær að kaup
sjóðsins á skuldabréfinu væru til rannsóknar
hjá embætti sérstaks saksóknara. -jh
F leiri áhorfendur geta setið í aðal-sal tónlistarhússins Hörpunnar heldur en í Finlandia Hall í Hels-
inki, Koncerthuset í Kaupmannahöfn,
Oslo Konserthus í Ósló og Konserthuset
í Stokkhólmi samkvæmt athugun Frétta-
tímans. Harpan, sem verður opnuð eftir
152 daga, getur komið rúmlega 1.800
manns í sæti, sem er ívið meira heldur
en í hinum tónlistarhúsunum jafnvel
þótt íbúar Reykjavíkur séu fimm sinnum
færri heldur en íbúar Óslóar og þrettán
sinnum færri en fjölmennasta höfuðborg
Norðurlandanna, Kaupmannahöfn.
Íbúar Kaupmannahafnar eru rétt rúm-
lega 1,3 milljónir. Tónlistarhús þeirra
Kaupmannahafnarbúa, Koncerthuset,
tekur tæplega 1.800 manns í sæti. Þar
spilar danska sinfóníuhljómsveitin, auk
þess sem flestir af fínustu tónlistarvið-
burðum borgarinnar fara þar fram. Hið
glæsilega nýja óperuhús borgarinnar
tekur 1.492 manns í sæti. Íbúar Óslóar
eru tæplega hálf milljón. Aðalsalurinn í
tónlistarhúsi borgarinnar, Oslo Konsert-
hus, tekur um 1.600 manns í sæti. Sömu
sögu eru að segja af Finnum; aðalsalur-
inn í Finlandia Hall, stolti Helsinkibúa,
tekur 1.700 manns í sæti. Í Stokkhólmi,
höfuðborg Svíþjóðar, er Konserthuset
sem tekur 1.770 í sæti í aðalsalnum.
Þórunn Sigurðardóttir, stjórnar-
formaður Hörpunnar, segir í samtali
við Fréttatímann að þetta sé nokkur
einföldun. „Það er varla hægt að segja
að það séu nema 1.500 sæti í aðalsalnum
því tæplega 300 sæti eru á bak við sviðið.
Auk þess er okkar starfsemi mun víð-
femari heldur en í þeim húsum sem
miðað er við. Við verðum með popptón-
leika og ráðstefnur en á hinum Norður-
löndunum eru önnur hús fyrir slíkar upp-
ákomur,“ segir Þórunn.
Aðspurð hvort þetta sé til marks um
mikilmennskubrjálæði Íslendinga segir
Þórunn svo ekki vera. „Það hefur lengi
verið kallað eftir svona húsi og það mun
nýtast vel. Á því leikur enginn vafi,“
segir Þórunn.
Óskar Hrafn Þorvaldsson
oskar@frettatiminn.is
NorðurlöNd tóNliStarHúS
Fleiri sæti en í tónlistarhúsum
hinna fjögurra Norðurlandanna
Harpan er með stærsta aðalsalinn af tónlistarhúsum Norðurlandanna þegar tekið er mið af sæta-
fjölda. Þórunn Sigurðardóttir segir salinn alls ekki of stóran.
Tónlistarhús á Norðurlöndunum
Borg Mannfjöldi Tónleikahús Sæti í aðalsal Sæti/íbúa
Reykjavík 118.000 Harpan rúmlega 1.800 0,0153
Ósló 575.000 Oslo konserthus rúmlega 1.600 0,0028
Helsinki 516.000 finlandia Hall rúmlega 1.700 0,0033
Stokkhólmur 770.000 konserthuset Tæplega 1.800 0,0023
Kaupmannahöfn 1.300.000 koncerthuset Tæplega 1.800 0,0013
2 fréttir Helgin 3.-5. desember 2010