Fréttatíminn - 03.12.2010, Blaðsíða 30

DV er elsta dagblað landsins og nær þeim merka áfanga í þessum mán-uði að fylla heila öld. Það er afrek hjá hvaða fyrirtæki sem er að lifa
svo lengi, ekki síst hjá svo umdeildu fyrirtæki sem fjöl-
miðill er. Raunar er stutt í að annað dagblað fylli öldina
því Morgunblaðið hóf göngu sína árið 1913.
Á ýmsu hefur vissulega gengið frá því Einar Gunn-
arsson stofnaði Vísi að dagblaði 14. desember 1910 en
Vísisnafnið festist við það. Framan af var Vísir einkum
Reykjavíkurblað, síðdegisblað sem síðar atti kappi við
Morgunblaðið, Tímann, Alþýðublaðið og Þjóðviljann.
Blaðaútgáfan var lengst af fjörug þótt fjárhagur blaðanna
væri oftar en ekki þröngur.
Ósætti um stefnu Jónasar Kristjánssonar varð til þess
að honum var vikið úr ritstjórastarfi Vísis árið 1975 en
hann hafði verið ritstjóri frá árinu 1967. Jónas, Sveinn R.
Eyjólfsson, sem verið hafði framkvæmdastjóri blaðsins
frá árinu 1968, og hópur í kringum þá stofnaði Dag-
blaðið (DB) sem hóf göngu sína 8. september 1975 og
fór í beina samkeppni við Vísi á síðdegisblaðamark-
aði. Samkeppnin var hörð og endaði með sameiningu
blaðanna síðla árs 1981 undir nafninu Dagblaðið Vísir,
sem skömmu síðar var stytt í DV. Það auðveldaði meðal
annars sameininguna að starfsemi þeirra var hlið við
hlið í Síðumúla 12-14. Það dugði því að bora dyragat á
vegg milli ritstjórnanna til að sameina þær, í bókstaflegri
merkingu.
Komst í stærðarflokk með Morgunblaðinu
Óhætt er að segja að hið sameinaða blað hafi náð til fólks
á níunda og tíunda áratug liðinnar aldar. Blaðið varð stór-
veldi, lestur þess slagaði upp í lestur risans á blaðamark-
aði, Morgunblaðsins, en hann var 63-64% árið 1983 þegar
lestur Morgunblaðsins var um 70%. Jónas Kristjáns-
son segir í starfssögu sinni, Frjáls og óháður, að þarna,
tveimur árum eftir sameiningu, hafi árangur hennar
verið kominn í ljós. DV var komið í sama stærðarflokk
og Morgunblaðið. „Við vorum í rífandi góðum gangi og
tekjurnar sópuðust að blaðinu. Mælt í lestri og tekjum
var ekki hægt að segja annað en dæmið hafi gengið full-
komlega upp.“
Þegar nær dró aldamótum fór að halla undan fæti og
rekstur blaðsins komst í þrot haustið 2003. Það reis þó á
ný, kom út um hríð árið 2006 sem vikublað en var endur-
reist sem dagblað árið 2007. Núverandi ritstjórar DV eru
feðgarnir Reynir Traustason og Jón Trausti Reynisson.
Fréttatíminn leitaði til nokkurra fyrrverandi ritstjóra
DV, auk núverandi ritstjóra, og bað þá að leggja mat á
áhrif Vísis/DV í heila öld. Jafnframt voru ritstjórarnir
beðnir að leggja mat á stöðu DV í dag og að lokum á
framtíð blaðsins. Á engan er hallað þótt því sé haldið
fram að Jónas Kristjánsson hafi verið áhrifamestur í
þeim hópi en hann var ritstjóri Vísis frá 1967 til 1975,
Dagblaðsins (DB) 1975 til 1981 og DV frá 1981 til ársloka
2001 og aftur í stuttan tíma 2005-2006.
Á erindi svo lengi sem blaðið segir sannleikann
Ellert B. Schram var ritstjóri Vísis við sameiningu
síðdegisblaðanna árið 1981 og samritstjóri Jónasar
Kristjánssonar á DV til ársins 1995. Hann segir að Vísir
hafi lengst af verið eftirmiðdagsblað, blað götunnar,
blað almennings. Það hafi síðan breyst í Dagblaðið Vísi,
frjálst og óháð og með mikla útbreiðslu. Áhrif blaðsins í
heila öld hafi verið veruleg, annars væri DV löngu dautt.
Hvað DV í dag varðar sýnist Ellert blaðið þora. „Það á
erindi, svo lengi sem það segir sannleikann og er frjálst
og óháð,“ segir hann og litið til framtíðar segir Ellert:
„Meðan DV lætur ekki sérhagsmuni og ofstækismenn ná
völdum á ritstjórninni er ennþá von um framhaldslíf.“
Ruddi brautina í opinni blaðamennsku
„DV hafði mikil og í flestu góð áhrif á íslenskt þjóðfélag.
Dagblaðið ruddi brautina í nýrri og opinni blaðamennsku
sem sameinað blað, DV, hélt á lofti,” segir Óli Björn Kára-
son sem var ritstjóri DV 1999-2003. „Undir stjórn nýrra
eigenda er DV að gera margt gott en annað miður. Áhrif
blaðsins eru langt frá því sem þau voru, en blað í anda
DV er jafn nauðsynlegt nú og áður,” segir hann. Óli Björn
segir framtíð prentmiðla almennt óljósa og eigi það jafnt
við um DV og aðra miðla. „Takist eigendum og starfs-
mönnum DV að stunda harða en ábyrga blaðamennsku,
samhliða því að samþætta kosti vefs og prentmiðils,
getur framtíðin verið björt.”
Sandkornin draga úr trúverðugleika
Sigurjón M. Egilsson varð ritstjóri DV um skamma hríð
þegar það var endurreist sem dagblað í upphafi árs 2007
en blaðamaður þar alllanga hríð löngu fyrr. Hann segir
að frá þeim tíma sem hann man hafi DV farið bæði í djúpa
dali og hæstu hæðir. „Ég byrjaði fyrst á DV snemma árs
1987. Þá og næstu ár á eftir var DV mjög merkilegt blað.
AldArgAmAll
óþekktarangi
Framtíðin er á netinu, segir Reynir Traustason,
ritstjóri elsta dagblaðs landsins. Hann og nokkrir
fyrrum ritstjórar þess leggja mat á blaðið í heila
öld, velta fyrir sér stöðu þess í dag og líklegri
framtíð.
30 tímamót Helgin 3.-5. desember 2010
Kaffitími er alþjóðlegt fyrirbæri sem
fólk í hverskonar verslun, þjónustu og
iðnaði nýtir sér til að taka stutta
hvíld frá störfum og hlaða rafhlöðurnar.
Talið er að allt frá 1951 hafi kaffitími
verið skráður í kjarasamninga.
Kaffitíminn er í dag nánast heilög
stund, líka utan vinnutíma.
Angan af
kaffi kemur
bragðlauk-
unum af stað
og ilmurinn
segir til um
ríkt bragðið
af BKI kaffi.
Helltu upp
á gott BKI
kaffi.
BKI Classic
Njóttu lausnar frá amstri hversdagsins
með góðu BKI kaffi. Finndu hvernig þú
hressist með rjúkandi bolla af BKI kaffi. Nýttu
tækifærið. Gefðu þér smá hvíld. Fáðu þér BKI
kaffi. Njóttu kaffiilmsins, hitans og bragðsins
og taktu svo daginn með trompi.
Það er kominn tími fyrir BKI kaffi.
Taktu þér kaffitíma núna
Fangaðu
kaffitímann
með BKI kaffi
Það er kaffitími núna
Kauptu BKI
fyrir kaffitímann
Sérvaldar baunir frá
þekktustu kaffisvæðum
heimsins tryggja hið
mjúka bragð, lokkandi
ilminn og fersklegt
eftirbragðið.
BKI Extra
Snöggristað við háan hita.
Þannig næst fram ríkara
kaffibragð við fyrsta sopa
en léttur og mjúkur keimur
fylgir á eftir. Kíktu á bki.is
Kauptu gott k ff
i í dag
á góðu verði
Einnig til 250 gr á
ennþá betra ver
ði
á meðan birgðir
endast
cw100058_isam_bki_endurstaðfærsla_kaffitimi_nov2_augldabl_2x38_17112010_end.indd 1 16.11.2010 15:43:47