Fréttatíminn - 03.12.2010, Blaðsíða 72
72 bíó Helgin 3.-5. desember 2010
P aranormal Act iv ity sýndi hremmingar ungs pars sem átti ekki
sjö dagana sæla þegar að-
gangsharður og vægast sagt
illur andi fór að herja á það.
Þar sem óværan lét helst á sér
kræla að næturlagi brugðu þau
Katie og Micah á það ráð að
láta myndbandstökuvél ganga
næturlangt í þeim tilgangi
að festa ókindina á filmu. Að
morgni dags fóru þau yfir af-
rakstur næturinnar og ekki
bar á öðru en að einhver and-
skotinn væri á kreiki. Eftir því
sem tökunóttunum fjölgaði fór
svo ekki á milli mála að draug-
urinn var að sækja í sig veðr-
ið og líf þeirra því beinlínis í
hættu.
Þau fengu því sérfræðinga í
illum öflum og handanheimum
til að leggja mat á ástandið og
eftir því sem þeir komust næst
mátti helst ætla að skrattakoll-
urinn væri á eftir Katie og væri
einhvers konar ættarfylgja
hennar. Tilraunir parsins til
að klekkja á hinni ósýnilegu
illsku voru allar máttlausar og
allt fór þetta á versta veg.
Paranormal Activity er sára-
einföld í byggingu og varla
hægt að tala um almennilegan
söguþráð þar sem myndin
byggist fyrst og fremst á
hráum næturupptökum sam-
býlisfólksins þar sem vondur
draumur endurtekur sig í sí-
fellu með smávægilegum blæ-
brigðamun og vaxandi spennu.
Myndin var tekin á einni viku
og minnti um margt á The Bla-
ir Witch Project í viðvanings-
legum einfaldleik sínum. Þetta
útlit og nálgun virkaði álíka vel
í The Blair Witch Project og
Paranormal Activity og báðum
þessum, að því er virðist, hálf
tilgangslausu myndum tókst
að skjóta áhorfendum skelk í
bringu.
Í Paranormal Activity 2 eru
hjónin Katrina og Daniel kynnt
til sögunnar ásamt unglings-
dóttur, ungbarni og heimilis-
hundi. Eftir það sem virðist
vera dularfullt innbrot setja
þau upp myndavélar í húsi
sínu og líkt og í fyrri myndinni
ágerist undarlegur djöfulgang-
urinn eftir því sem á líður. Og
blessað fólkið á svo sannarlega
ekki von á góðu þar sem Katr-
ina er systir Katie sem lenti í
hryllingi fyrri myndarinnar.
Katrina óttast að draugagang-
inn á heimilinu megi rekja til
óhugnanlegra atburða sem
hún upplifði með systur sinni
í æsku á meðan eginmaðurinn
rígheldur í trú sína á að jarð-
neskari skýringar megi finna
á þessu öllu saman.
Sank væmt óf ráv ík jan -
legum reglum um hryllings-
framhaldsmyndir er hasarinn
keyrður upp í mynd númer
tvö auk þess sem mögulegum
fórnarlömbum hins illa anda
er fjölgað. Áður var unga parið
aðeins í hættu en nú er boðið
upp á heila vísitölufjölskyldu
og hund. Engu að síður sver
Paranormal Activity 2 sig al-
veg í ætt við frummyndina og
sömu trixin eru enn í notkun.
Framleiðendur myndanna
tveggja eru enn býsna drjúgir
með sig vegna vinsælda Par-
anormal Activity á heimsvísu
og hafa þegar tilkynnt að þriðja
myndin verði tilbúin síðla árs
2011. Sú mynd mun þá væntan-
lega skera úr um hvort mynda-
bálkurinn eigi lengra líf fyrir
höndum, en sorgleg fordæmi
eru fyrir því að frábær hryll-
ingsmynd geti af sér runu af
handónýtum framhaldsmynd-
um og nærtækasta dæmið um
slíkt er Saw sem byrjaði glæsi-
lega en framhaldsmyndirnar
verða bara verri og verri.
Aðrir miðlar: Imdb:6,2/10, Rotten
Tomatoes:60%, Metacritic:51/100
Þórarinn Þórarinsson
toti@frettatiminn.is
bíó
you AgAin: Stórveldi mætASt
Lengi getur vont versnað. Í Paranormal Activity ógnaði illur andi ungu pari en nú eru ungbarn og hundur í eldlínunni.
Skæður húsdraugur
tekur annan snúning
Draugamyndin Paranormal Activity sló óvænt í gegn í fyrra og skilaði framleiðendum himinhárri
peningahrúgu enda var hún gerð fyrir tæpar tvær milljónir króna sem telst klink í kvikmynd-
agerð. Vinsældir Paranormal Activity kölluðu óhjákvæmilega á framhaldsmynd og það er óhætt
að segja að í þessu tilfelli hafi járnið verið hamrað á meðan það var heitt vegna þess að rétt
rúmu ári eftir frumsýningu Paranormal Activity er Paranormal Activity 2 komin í kvikmyndahús.
Eftir það
sem virð-
ist vera
dularfullt
innbrot
setja
þau upp
mynda-
vélar ...
J ohn Brennan er hress skólakennari, myndar-legur og fyndinn. Hann
á sjúklega sæta og sjarmer-
andi eiginkonu í góðri stöðu
og litli strákurinn þeirra er
alger dúlla. Ljúft líf þeirra
fær sviplegan endi þegar lög-
reglan ryðst með offorsi inn
á þau í miðjum morgunverði
og handtekur eiginkonuna
vegna gruns um að hún hafi
myrt yfirmann sinn.
Fallega, ljóshærða konan
fær svo að rotna í fangelsi
næstu þrjú árin á meðan eig-
inmaðurinn reynir í örvænt-
ingu að fá mál hennar endur-
upptekið enda sannfærður
um sakleysi frúarinnar. Biðin
eftir sönnunargögnum sem
geti snúið mái frúarinnar til
betri vegar fjarar að lokum út
og allt bendir til þess að hún
muni dúsa á bak við lás og slá
það sem eftir lifir ævinnar.
En sem betur fer er hún
gift Russell Crowe og þegar
honum eru öll sund lokuð
býr hann sig til bardaga og
ákveður að ræna sinni heitt-
elskuðu úr fangelsinu og
stinga af með henni og syn-
inum til fjarlægra landa.
Paul Haggis hefur áður
sýnt að hann er fantagóður
leikstjóri (Crash) og hann er
vitaskuld magnaður hand-
ritshöfundur (Casino Royale,
In the Valley of Elah, Million
Dollar Baby) og hér stýrir
hann sallafínum leikurum
í vandaðri og mannlegri
spennumynd sem lætur alltof
lítið yfir sér miðað við hversu
ferlega fín hún er.
Rusell Crowe hefur ekk-
ert fyrir því að vera dagfar-
sprúði kennarinn sem finn-
ur töffarann í sér þegar hann
áttar sig á því að nauðsyn
brýtur lög. Elizabeth Banks
er alger krúttsprengja í hlut-
verki vesalings konunnar
í fangelsinu og maður sér
ekkert athugavert við það
að Crowe leggi allt undir til
þess að fá notið hennar á
ný. Þrír sjóaðir jálkar lyfta
síðan myndinni enn frekar
með nærveru sinni. Daniel
Stern (Home Alone) eldist
mjög vel og Liam Neeson er
pottþéttur í smáhlutverki en
rúsínan í pylsuendanum er
Brian Dennehy sem fer þegj-
andi í gegnum sín atriði með
dásamlegri dýpt.
The Next Three Days er
mannleg og hlý spennumynd
um það sem skiptir mestu
máli í lífinu. Svona mynd
fyrir þroskað fólk og lengra
komna. Þórarinn Þórarinsson
Allt fyrir ástina
bíódómur: the next three dAyS
The Next Three Days er mannleg
og hlý spennumynd um það sem
skiptir mestu máli í lífinu.
Trekkarar horfa til
Star Wars
Star Trek-mynd J.J. Abrams frá því
í fyrra var vel heppnuð endurlífgun
sem blés nýju lífi í þennan fornfræga
sjóvarpsþátta- og bíómyndabálk.
Handritshöfundarnir Roberto Orci og
Alex Kurtzman eru nú sestir við skriftir
og glíma við handrit næstu myndar en
þeir hafa einnig verið með puttana í
Transformers og Cowboys & Aliens sem
er væntanleg í bíó á næsta ári. Þá hafa
þeir einnig skrifað Fringe-sjónvarps-
þættina fyrir J.J. Abrams. Í samtali við
Los Angeles Times útiloka þeir ekki að
þeir muni horfa til The Empire Strikes
Back, hins myrka framhalds Star Wars,
og láta þess getið að það væri ekki ónýtt
að geta leitt þá saman í einvígi, Kirk
skipstjóra og Svarthöfða.
The Rock er í
hefndarhug.
Dwayne Johnson, sem er ekki síður þekktur sem
The Rock, leikur glæpamanninn Driver í myndinni
Faster sem er frumsýnd um helgina. Gaurinn sá
hefur mátt dúsa síðastliðin tíu ár í fangelsi eftir mis-
heppnað rán þar
sem bróðir hans
var drepinn.
Þegar hann fær
loksins langþráð
frelsið er hann
aðeins með eitt
mál á dagskrá:
að hefna bróður
síns. Hann fær þó
lítinn frið til þess
að sinna þessu
hugðarefni sínu
þar sem hann er
með gamalreynda
löggu á bakinu
og til þess að
bæta gráu ofan
á svart hefur
ungur og drjúgur
leigumorðingi á uppleið í lífinu brennandi áhuga á
að komast í náin kynni við hann. Á meðan Driver
gengur á listann yfir þá sem hann telur bera ábyrgð
á dauða bróðurins þarf hann að verjast árásum úr
öllum áttum.
The Rock er vanur maður á þessu sviði og gerði
svipaða tiltekt hjá glæpahyski í smábæ í Walking Tall
fyrir nokkrum árum. Í Faster deilir hann tjaldinu
með eðalfólkinu Billy Bob Thornton og Carla
Gugino sem hefur tekið góða spretti í Spy Kids, Sin
City, Watchmen og svo einmitt með The Rock í Race
to Witch Mountain.
Aðrir miðlar: Imdb: 7,5/10, Rotten Tomatoes: 43%,
Metacritic: 41/100
Kletturinn leitar hefnda
– gerir lífið bjartara
...skrifborðslampar, útiljós, breytiklær, flúrljós,
ljósa perur, dyrabjöllur, vírar, kaplar, rafhlöður, borð
viftur, spenn u breytar, fjöltengi, framlengingar
snúrur, símavörur, raflagnaefni, verkfæri og minni
heimilistæki.
Framtíðin er björt
Ármúla 19 · Sími 568 1620 · www.gloey.is · gloey@gloey.is
Verð
kr. 15.890,