Fréttatíminn - 03.12.2010, Blaðsíða 64

64 jólakræsingar Helgin 3.-5. desember 2010
F lestir hafa ákveðnar skoðanir á því hvaða léttvín henti best í ákveðn-um tilvikum; rautt með lambinu,
hvítt með fiskinum, kampavín til að
skála í og svo mætti lengi telja. Færri
hafa hins vegar skoðanir á sætvínum
eða desertvínum eins og þau eru einnig
kölluð. Margir hafa jafnvel aldrei keypt
slíkar veigar. Það er þó að breytast, sem
sést best á því að salan á þessum vínum
hefur nær tvöfaldast á síðustu fimm
árum hér á landi. Þekktustu sætvínin
koma frá Sauternais í Frakklandi og To-
kaj-Hegyalja í Ungverjalandi. Ungverjar
eru einmitt frumkvöðlar í framleiðslu
þessarar tegundar vína og hafa fram-
leitt þau frá 17. öld þegar þau fóru að ná
vinsældum meðal yfirstéttar Evrópu.
Loðvík fimmtándi kallaði þessa tegund
vín konunga og konung vínanna. Sætvín
er hinn fullkomni félagi andalifrar (foie
gras) og ýmissa eftirrétta eða geta staðið
ein og sér sem eftirréttur eða með kaffi
í stað líkjörs enda sæt og góð. Nú þegar
hátíðarnar nálgast og margir gefa sér
meiri tíma við matargerð er vissulega til-
efni til að íhuga þessi vín því sum þeirra
eru vægast sagt meiriháttar. Ekki spillir
heldur fyrir að sum þeirra smellpassa
við hinar ýmsu kökur og eru frábær
með ís, sér í lagi möndluís, og geta verið
frábær með mygluostum.
Sætt sætara sætast
Fréttatíminn smakkar á skemmtilegum sætvínum í tilefni jólanna.
Oremus Tokaji
Late Harvest, Ungverjaland 2003
13,5%
Verð fyrir 375 ml 2.485 kr.
Ungverskt eðalsætvín frá Tokaj,
sem er eitt elsta og þekktasta
sætvínshérað heims þar sem
hin ungverska, sjaldgæfa og
einkar heppilega
sætvínsþrúga
furmint vex.
Vínið er fallega
gyllt á litinn með
góðu jafnvægi
sýru og sætu og
flauelsmjúkri fyll-
ingu. Sambland
af ferskju og
hunangi í
bragðinu.
Glæsilegt vín
sem gott er
að drekka
eitt og sér
eða með
myglu-
ostum.
Torres Floralis
Moscatel Oro, Spánn
15%
Verð fyrir 500 ml 1.999 kr.
Þaulreynt og gott sætvín frá
spænska framleiðandanum
Torres. Þetta vín hefur góða
blómaangan, er þétt og ríkt,
bragðmikið en
samt mjúkt með
karamellukeim
og múskati.
Jólalegt vín sem
hentar með sætum
eftirmat og passar
eflaust vel við
dökka súkkulaði-
köku.
Concha y Toro
Late Harvest sauvignon blanc,
Chile 2007
12%
Verð fyrir 375 ml 1.350 kr.
Áberandi ljóst sauvignon blanc
sætvín frá chilenska framleiðand-
anum Choncha y Toro. Það kemur
á óvart hve sætt það er miðað
við litinn. Bragð
af þrosk-
uðum ávexti,
þurrkuðum
apríkósum
og ferskju og
hefur mjúka
fyllingu. Vín
sem passar vel
með tertum og
möndlu-
skálinni.
Montes
Late Harvest Gewürstraminer,
Chile 2008
12%
Verð fyrir 375 ml 1.799 kr.
Gyllt sætvín frá framleiðandanum
Montes í Chile sem unnið hefur
til verðlauna fyrir þetta vín. Það
er blómleg angan af þessu víni
og það er létt
sírópskennt
með smá
ananas og
hunangi. Vín
sem gæti
farið vel með
marsípani,
biscotti og
möndlum
og
eflaust
líka
með
vellög-
uðu
kaffi.
Morandé
Late Harvest sauvignon blanc,
Chile 2007
12%
Verð fyrir 375 ml 1.995 kr.
Enn eitt sætvínið frá Chile. Þetta
er frá framleiðandanum Morandé
í Casablanca-dalnum. Fallega
gyllt á litinn með líflegri blóma-
lykt og angan
af þurrkuðum
ávexti. Mikil
sýra sem er í
ágætu jafnvægi
við sætuna og
vanillukeimur.
Ágætt með
flestum
eftirréttum
og sér-
staklega
blámyglu-
ostum.