Lögmannablaðið - 01.12.2005, Blaðsíða 36

36 < LÖGMANNABLAÐIÐ – 4 / 2005
Af skikkjum og skápum
Eins og flestum lögmönnum mun
vera kunnugt um hafði LMFÍ milli-
göngu um að láta sauma nýjar skikkjur
á lögmenn. Saumastofan Eðalklæði
tók að sér saumaskapinn en rúmlega
50 lögmenn hafa nýtt sér tilboðið. Ef
Fréttir frá félagsdeild
Starfsemi félagsdeildar LMFÍ er
sem fyrr bundin við námskeiðahald
félagsins og Lögmannablaðið sem er
óvenju glæsilegt í þetta sinn í tilefni
áratugar útgáfu. Það fer að hljóma eins
og gömul tugga að segja að þátttaka í
námskeiðum hafi verið mikil og góð
en það er staðreynd að lögmenn eru
sérstaklega virkir í endur- og sí-
menntun. Um 250 manns sækja nám-
skeið félagsins árlega en reynt er að
hafa úrvalið sem fjölbreyttast og
sömuleiðis að hafa námskeið sem
höfða til ritara lögmanna. Á öðrum
stað í blaðinu eru myndir frá heim-
sókn 40 ritara til Héraðsdóms Reykja-
víkur og Sýslumannsins í Reykjavík
þar sem endað var á kynningu á LMFÍ
sem heppnaðist afar vel.
Á hverju ári taka um þrjátíu manns
að sér kennslu á námskeiðum félagsins
og flestir eru lögmenn þótt það sé að
sjálfsögðu ekki skilyrði. Félagið hefur
það markmið að fá helstu sérfræðinga
á hverju sviði til að halda námskeið og
veita fyrst og fremst góða þjónustu
fyrir félagsmenn sína. Námskeiðs-
gjöldum er stillt í hóf og námskeið
haldin ef þau standa undir sér. Með
þetta að leiðarljósi hefur aðsókn nám-
skeiðanna verið svo góð sem raun ber
vitni en því er einnig tekið fagnandi ef
félagsmenn koma með óskir um
ákveðin námskeið.
Fréttir frá félagsdeild
Eyrún Ingadóttir
Bókasafn LMFÍ
Enn er verið að skrá inn þann bóka-
kost sem kom frá bókasafni Auðar
Auðuns, sem sagt var frá í síðasta
blaði, en að auki hafa bæst við bækur
frá Ólafi Walter Stefánssyni. Hann
færði félaginu bækur sem gefnar hafa
verið út í tilefni Norrænu lögfræðinga-
þinganna. Félagið færir honum bestu
þakkir fyrir gjöfina. Ekki ber á öðru en
að lögmenn séu ánægðir með þær
breytingar sem gerðar voru á skrán-
ingu safnsins, þ.e. að það sé nú kom-
inn undir www.gegnir.is eins og önnur
bókasöfn. Með þessum sameiginlega
grunni geta lögmenn leitað á einum
stað að upplýsingum um bækur og
fengið upp hvort þær séu til hjá LMFÍ,
í Þjóðarbókhlöðu, HÍ, HR og jafnvel
annars staðar á landinu.
svo
ólíklega
vill til að einhver
hefur látið þetta tækifæri
ganga sér úr greipum þá verður
hægt að panta á ný eftir áramót.
Félagið lét einnig setja upp skápa í
húsakynnum Héraðsdóms Reykja-
víkur sem lögmenn hafa tekið á leigu.
Félagsdeild óskar lesendum
gleðilegra jóla og farsæls
komandi árs.