Ritið : tímarit Hugvísindastofnunar - 01.10.2012, Page 111

111
tíma líða og kannaði hversu oft hann
þyrfti að hafa listana yfir að nýju til
að geta á ný rifjað þá upp villulaust.
Rannsóknir Ebbinghaus sýndu að
gleymskan er í upphafi mjög hröð
en síðan hægir á henni. Niðurstöður
Ebbinghaus birtust í ritinu Über das
Gedächtnis, sígildu riti í sögu minn-
isrannsókna.23
Þegar Rubin var kominn til Gött-
ingen fékk Müller honum það verk-
efni á sviði minnisrannsókna að
kanna minni fólks á „merkingarlaus-
ar myndir“, myndir sem voru hugs-
aðar sem hliðstæður við hinar merk-
ingarlausu samstöfur Ebbinghaus.
Rubin hófst handa af kappi og
útbjó aragrúa af slíkum myndum
en sýnishorn af þeim sést á mynd 2.
Hann var samt ekki ánægður með
verkefnið og skrifaði frænda sínum
Niels Bohr vorið 1912: „Það sem
ég sýslaði með á síðasta misseri var
blindgata; ég hafði það á tilfinning-
unni þó ég hafi kannski ekki gert mér
það vel ljóst … En nú er ég byrjaður
á öðru sem mun örugglega leiða til einhvers og jafnvel verður unnt að
byggja á því áfram.“24 Rubin segir ekki frekari deili á þessu en ætla má að
hér sé hann að vísa til aðgreiningar fígúru og grunns sem hann uppgötvaði
eftir að hafa fengist við sjónminnistilraunirnar um skeið.
Í minnistilraununum varpaði Rubin myndunum – sem voru skornar úr
pappa – á einsleitan bakgrunn í til þess gerðu tæki. Hann tók fljótt eftir
því að myndirnar áttu það til að breytast fyrir sjónum hans, það sem var
hugsað sem fígúra varð að grunni en það sem áður hafði birst honum sem
23 Hermann Ebbinghaus, Über das Gedächtnis, Leipzig: Verlag Von duncker & Hum-
blot, 1885.
24 Edgar Rubin til Niels Bohr, 15.5/1912. Niels Bohr Arkivet, Kaupmannahöfn, þýð.
mín.
„SÁLARFLEYIð MITT SKELFUR“
Mynd 2. Merkingarlausar myndir af
því tagi sem Rubin útbjó fyrir rann-
sóknir sínar á myndaminni. Myndirnar
voru hugsaðar sem hliðstæður við merk-
ingarlausar samstöfur sem Hermann
Ebbinghaus hafði notað í sígildum
rannsóknum á minni árið 1885.