Þjóðmál - 01.12.2013, Blaðsíða 11
10 Þjóðmál VETUR 2013
III .
Í lok hringferðarinnar um landið lét Morg unblaðið gera fyrir sig könnun á
fylgi flokka í sveitarstjórnum víða um land .
Þegar þetta er skrifað vekur mesta athygli
hve illa Sjálfstæðisflokkurinn stendur í
Reykjavík . Fylgisleysi flokksins þar minnir
helst á neyðaróp manns um borð í sökkvandi
skipi . Könnunin í Reykjavík var að vísu
gerð á óheppilegum tíma þegar tekist var á
um skipan lista flokksins .
Nýr maður, Halldór Halldórsson, fyrr-
verandi bæjarstjóri á Ísafirði, bauð sig
fram í fyrsta sæti og hlaut sigur . Að fyrr-
ver andi bæjarstjóri í öðru sveitarfélagi
skyldi sjá tækifæri til að sigra í prófkjöri
sjálfstæðismanna í Reykjavík segir mikla
sögu um veika stöðu sveitarstjórnarmanna
flokksins .
Þátttaka í prófkjörinu þótti ekki mikil .
Við hverju mátti búast miðað við aðdrag-
andann?
Innan Varðar, fulltrúaráðs sjálfstæðis-
manna í Reykjavík, var tekist á um hvort
efnt skyldi til svonefnds „leiðtogaprófkjörs“,
það er að kjörinn yrði sá sem ætti að leiða
flokkinn og verða borgarstjóraefni hans .
Hugsunin að baki þessari hugmynd er
meðal annars sú að ákveði þingmaður að
láta reyna á styrk sinn til að leiða listann
geri hann það í slíku prófkjöri . Tapi hann
situr hann áfram sem þingmaður eins og
ekkert hefði í skorist . Flóknara er fyrir
slíkan mann að taka þátt í hefðbundnu
prófkjöri . Nái hann ekki fyrsta sæti þar en
þó einu af efstu sætunum er erfitt að hverfa
á brott .
Eftir að tillagan um leiðtogaprófkjörið
var felld reiddust flutningsmenn hennar
og lögðu til að ekki fengju aðrir að taka
þátt í prófkjörinu en þeir sem hefðu greitt
félagsgjald . Var það samþykkt í einhverjum
uppreisnaranda án þess að hafa hagsmuni
flokksins sem opins, lýðræðislegs vettvangs
að leiðarljósi . Var rækilega skýrt frá þessari
samþykkt í fjölmiðlum en hitt fór ekki
jafnhátt að samþykktin varð að engu þegar
í ljós kom eftir nánari athugun að hún var
óframkvæmanleg .
Prófkjörið varð að lokum opnað öllum
flokksbundnum sjálfstæðismönnum . Hins
vegar var ákveðið að þeir sem tækju þátt í
því fengju ekki að velja fleiri en sex á list-
ann . Þessi tilhögun gefur kjörnefnd meira
svigrúm en ella væri til að raða þeim tiltölu-
lega ofarlega á lista sem henni eru að skapi .
Ákvarðanir kjörnefndar í Reykjavík fyrir
þingkosningarnar 2013 báru þess merki að
þar réð geðþótti nefndarmanna meiru en
atkvæði kjósenda í prófkjörinu .
Það sem lýst er hér að ofan má fella
undir orðið uppdráttarsýki, það er að
eitthvað sé að veslast upp . Miðað við fylgi
sjálfstæðismanna í öðrum sveitarfélögum á
suðvesturhorni landsins á þetta einkar vel
við um stöðu flokksins í Reykjavík . Nú ætti
að vera höfuðkappsmál flokksforystunnar
í Reykjavík, þeirra sem leiða flokksstarfið
þar, að finna rót sjúkdómsins og ráðast
að henni . Hvað er það sem veldur hruni
Sjálfstæðisflokksins í höfuðborginni? Þessi
Nú ætti að vera höfuð-kappsmál flokksforystunnar
í Reykjavík, þeirra sem leiða
flokksstarfið þar, að finna rót
sjúkdómsins og ráðast að henni .
Hvað er það sem veldur hruni
Sjálfstæðisflokksins í höfuð-
borginni? Þessi spurning ætti að
brenna á vörum allra sem vilja efla
og styrkja flokkinn .