Þjóðmál - 01.12.2013, Blaðsíða 80
Þjóðmál VETUR 2013 79
Davíð á ríkisstjórnarfund
Vegna veikinda Ingibjargar Sól rún ar Gísladóttur, formanns Sam fylk ingar-
innar, svilkonu sinnar og utanríkisráð-
herra, hlaut Össur fyrir tilviljun meira
hlut verk en honum hafði í raun verið ætlað
þegar fjármálakerfið hrundi í september og
október 2008 . Hann leit á þetta sem pólitíska
óskastund, hann skyldi nýta sér hana til
fullnustu . Össur beitti sér ekki aðeins út á
við sem starfandi utanríkisráðherra, hann
varð innsti koppur í búri eins og hann lýsir
sjálfur .
Í dagbók sinni frá mánudegi 23 . apríl
2012 segir Össur:
Ég stóð vil hlið Geirs [H . Haarde], í hópi
fjögurra ráðherra, sem stýrði þjóðinni
gegnum holskeflu bankahrunsins þegar
hún reið yfir . Í veikindum Sólrúnar var
ég fulltrúi Samfylkingarinnar, og átti þátt
í öllum ákvörðunum dagana og næturnar
örlagaríku þegar holskeflan reið yfir .
Upplifði allt, sá allt, tók þátt í öllu, man
allt . Geir var ekki alltaf ánægður með
mig . Það var gagnkvæmt . Fyrir aðalatriði
málsins skiptir það hins vegar engu .
Össur var í hópi þeirra ráðherra sem
brugðust verst við eftir að Davíð Oddsson
seðlabankastjóri kom á ríkisstjórnarfund í
boði Geirs H . Haarde forsætisráðherra 30 .
september 2008 og gerði grein fyrir sýn
sinni á stöðunni .
Mörgum hefur orðið tíðrætt um þennan
fund síðan . „Ég held að það hafi ekki verið
skynsamlegt að bjóða Davíð inn á þennan
fund . Honum var augljóslega mikið niðri
fyrir og það smitaði út frá sér,“ segir Árni
M . Mathiesen, þáv . fjármálaráðherra, í
bók sinni Frá bankahruni til byltingar
(2010) . Björgvin G . Sigurðsson, þáverandi
viðskiptaráðherra, ræðir einnig um komu
Davíðs á þennan mikilvæga fund í sinni bók
sinni Stormurinn — reynslusaga ráðherra
(2010): „Það var rafmagni og spennu
hlaðið augnablik þegar Davíð gekk inn í
ríkisstjórnarherbergið . Hann var greinilega
undir miklu álagi og virkaði lítt hvíldur og
tættur útlits .“
Össuri var mikið í mun að leggja orð
Davíðs út á þann veg að hann vildi ríkis-
stjórn ina feiga og þjóðstjórn kæmi í hennar
stað . Boðskapur Davíðs var hins vegar þess
eðlis að ekki var í sjálfu sér neitt athugavert
við að hugmynd um þjóðstjórn vaknaði,
sameina þyrfti alla stjórnmálakrafta til að
komast að skjótri og skynsamlegri lausn .
Hugmyndin var í sjálfu sér ekki frumleg . Í
bókinni um Steingrím J . Sigfússon kemur
fram að þjóðstjórnarhugmyndin var honum
og vinstri-grænum ofarlega í huga allt þar
til þeir tóku þátt í minnihlutastjórninni 1 .
febrúar 2009 .
Frá hinum örlagaríka ríkisstjórnarfundi
fyrir rúmum fimm árum hef ég oft velt fyrir
mér hvers vegna hann olli slíku uppnámi
meðal ráðherranna sem sátu hann . Vissulega
var Davíð á annarri bylgjulengd, megi orða
það svo, en ríkisstjórnin að því er varðaði
vanda bankanna . Hann gerði sér mun betur
grein fyrir hættunni sem að steðjaði og lýsti
Frá hinum örlagaríka ríkis-stjórnarfundi fyrir rúmum
fimm árum hef ég oft velt fyrir mér
hvers vegna hann olli slíku uppnámi
meðal ráðherranna sem sátu hann .
Vissulega var Davíð á annarri
bylgjulengd, megi orða það svo, en
ríkisstjórnin að því er varðaði vanda
bankanna . Hann gerði sér mun
betur grein fyrir hættunni sem að
steðjaði . . .