Þjóðmál - 01.12.2013, Blaðsíða 94

Þjóðmál VETUR 2013 93
Þeir sem meiða aðra með umtali enda
sjálfir í pólitísku gifsi . Grasrótin metur
alltaf að verðleikum — að lokum .
Í [utanríkis]ráðuneytinu bý ég mig jafn-
an undir glímur með því að draga fyrst
upp mynd af því versta sem gæti gerst og
styrki stöðuna út frá því . Haustið færir
mér ný áhlaup eins og í öllum prófkjörum .
Ég bý mig undir allt en er fullviss um að
ég kemst af .
Í Samfylkingunni er ég „survivor“
dauð ans .“
Össur náði markmiði sínu í prófkjörinu en
hvorki í ESB-málinu né kosningunum 27 .
apríl 2013 . Þá talaði hann um „hamfarir“
Samfylkingarinnar . Nú eru sögusagnir um
að hann vilji vingast við sjálfstæðismenn .
Bækurnar
Hver þessara þriggja bóka er með sínu sniði og ekki unnt að leggja þær að
jöfnu . Þær eru þó allar skrifaðar til að kynna
eða verja menn og málefni .
Jónína Leósdóttir lýsir óvenjulegu ástar-
sambandi á persónulegan og oft tilfinn-
ingaríkan hátt . Bókin er skrifuð til að árétta
hve mikið hefur áunnist í réttindabaráttu
samkynhneigðra og til að blása kjarki í þá
sem standa í sömu sporum og þær Jóhanna .
Af bókinni má ráða að hún á erindi víða um
lönd . Jónína er þjálfaður rithöfundur og
blaðamaður og þess vegna kemur nokkuð á
óvart hve opinber umræða gengur oft nærri
henni . Það er galli á frágangi bókarinnar
(279 bls .) hjá útgefanda hennar, Máli og
menningu, að þar er hvorki efnisyfirlit né
nafnaskrá .
Björn Þór Sigbjörnsson, höfundur bók-
arinnar um Steingrím J ., var blaðamaður á
Fréttablaðinu og skrifaði meðal annars um
stjórnmál . Hann ræðir við söguhetjuna og
nálgast viðfangsefni sitt ekki á gagnrýninn
hátt heldur í því skyni að árétta þá mynd
sem Steingrímur J . vill sjálfur að dregin sé
af sér, hann hafi fórnað sér fyrir íslensku
þjóðina á hættustundu og ekki hlotið dóm
að verðleikum, sé meira metinn erlendis
en meðal eigin þjóðar . Þetta er ekki
sannfærandi boðskapur heldur í ætt við
pólitískan spuna . Steingrímur J . braut allar
brýr að baki sér til að öðlast völd sem hann
notaði í þágu sósíalískrar stefnu heima fyrir
og krafna erlendra lánardrottna út á við .
Textinn er áferðarfallegur en ristir ekki alltaf
djúpt . Bókin (288 bls .) er gefin út af Veröld
og hefur þann kost að hafa bæði efnisyfirlit
og nafnaskrá .
Össur Skarphéðinsson segir í formála
bók ar sinnar að „burðargrindin að sögu
dagsins“ hafi yfirleitt verið skrifuð eftir
mið nætti . Hann hafi hripað niður texta um
póli tíska atburði, pólitíska framvindu, ör-
sögur, eftirminnileg svör . Össuri fer vel að
skrifa þennan texta og hann sýnir að hann
er „að eðlisfari lífsglaður stjórnmálamaður“ .
Þetta er þó öðrum þræði sorgarsaga vegna
þess hve illa Össuri gengur að vinna að
framgangi helsta áhugamáls síns um aðild
Íslands að ESB . Hann leggur sig í líma
við að tala vel um alla en honum er þó
greinilega í nöp við marga og bókin sannar
kenningu Geirs H . Haarde frá janúar 2009
um að Samfylkingin er flokkur „í tætlum“ .
Bókin (378 bls .) er gefin út af Sögum,
skortur á nafnaskrá er mikill ljóður á henni .
Þetta er einmitt bók þar sem slík skrá er
bráðnauðsynleg öllum sem vilja nota hana
til athugana .
Hér hefur einn þáttur úr stjórnmálasög-
unni sem snertir efni þessara bóka einkum
verið kannaður með þær sem leiðarvísi .
Líklega eru fleiri en ég þeirrar skoðunar að
sagan um stjórnarslitin 26 . janúar 2009 og
stjórnarmyndunina 1 . febrúar 2009 hafi
ekki enn verið sögð á viðhlítandi hátt þótt
mikið hafi verið skrifað um hana .