Ljóðormur - 01.07.1988, Síða 36

34 Wolfgang Schiffer
Síðan ég taldi á mér hendumar
fætuma, eyrun, augun,
munninn, og skildist að
þeim fjölgar ekki lengur
læri ég setningar utanað
kvæði sögur
því gegn eldinum
sem hrekur okkur burt
þegar þakið brotnar
yfir höfði okkar
stendur aðeins aldingarðurinn
í höfði okkar.
Dóttir mín
Enn dansar þú.
Setur stút á munninn
og sendir mér fmgurkoss.
Þú veist raunar ekki
hve hljóðan ást þín gerir mig
hve ég þarfnast hennar, finn hana upp.
Enn veist þú fátt:
enn dansar þú
á þessari deyjandi kúlu.