Orð og tunga - 01.06.2014, Page 105

Ari Páll Kristinsson og Haraldur Bernharðsson
íslenska og enska í íslensku
háskólastarfi
1 Inngangur
Þessi grein er ávöxtur af samnorrænu verkefni. Arið 2011 styrkti
Norræna ráðherranefndin samstarfsverkefni 18 norrænna fræði-
manna um að safna saman og vinna úr upplýsingum um notkun
ensku annars vegar og viðkomandi þjóðtungu hins vegar í norræn-
um háskólum.1 Markmið samstarfsverkefnisins var m.a. að finna og
benda háskólayfirvöldum á gagnlegar leiðir til að ná hinu tvíþætta
markmiði að styðja rannsóknir og þekkingarmiðlun heima fyrir,
á þjóðtungunni, jafnframt því sem háskólarnir laða til sín stúdenta
og fræðimenn hvaðanæva, veita framúrskarandi menntun og birta
rannsóknarniðurstöður sem eiga erindi við alþjóðlegt rannsóknar-
samfélag. Leiðarljós í samstarfsverkefninu er sameiginleg yfirlýsing
um markmið á sviði tungumála sem menntamálaráðherrar Norð-
urlandanna undirrituðu 2006 (Yfirlýsing um málstefnu Norðurlanda).
Yfirlýsing þessi er þó ekki lagalega bindandi fyrir aðildarþjóðirnar.
Þótt framkvæmd meginmarkmiða yfirlýsingarinnar geti verið breyti-
leg frá einu landi til annars ber samþykktin með sér að fulltrúar
allra Norðurlandaþjóðanna eru uggandi um stöðu þjóðtungnanna
gagnvart ensku í háskólakennslu og rannsóknum. 1 yfirlýsingunni er
mælt með því að háskólarnir móti sér stefnu um samhliða notkun
1 Netværk for parallelsproglige mal pá Nordens intemationaliserede universiteter,
http://nordiskparallelsprogsnet.blogs.ku.dk/. Auk höfunda þessarar greinar
tók Ástráður Eysteinsson prófessor þátt í starfinu af Islands hálfu, sbr. Ástráð
Eysteinsson (2012).
Orð og tunga 16 (2014), 93-122. © Stofnun Árna Magnússonar í íslenskum
fræðum, Reykjavík.