SunnudagsMogginn - 13.06.2010, Blaðsíða 12

12 13. júní 2010
Sunnudagur
Skarphéðinn Guðmundsson „Það
er ógeðslega kúl að það séu tvær
hliðar á plötu.“ 10 ára sonurinn
loksins að uppgötva töfra vínylplöt-
unnar!
Mánudagur
Árni Helgason Er hægt að ætt-
leiða Ray Allen?
Þriðjudagur
Gerður Kristný Það
var að renna upp fyrir
mér rétt í þessu að í
dag eru 9 ár síðan ég
gekk upp að altari
Dómkirkjunnar með
bláa gerberu í annarri og höndina
hans Kristjáns míns í hinni.
Miðvikudagur
Marsibil Sæmundardóttir Er að
pakka saman dótinu á skrifstof-
unni minni í Tjarnargötu og kveð
stjórnmálin í sálinni með bros á
vör yfir því sem tekur við á skrif-
stofunni og hjá mér …
Fimmtudagur
Sigurbjörg Þrast-
ardóttir fær tak í
nára þegar þulurinn
segir: „Útvarp
Reykjavík, klukkan er
sex.“
Sú mynd sem blasti við ferða-
þjónustunni eftir að Eyjafjalla-
jökull hóf að gjósa var að bók-
anir flugfélaganna urðu 25% af
því sem venjulegt er á þessum
árstíma, símar hljóðnuðu og
netpóstar hættu að berast til
fyrirtækjanna. Þegar bókanir í
ferðaþjónustu hrynja á helsta
bókanatíma ársins er fátt til
ráða. Það má bíða og sjá hvað
gerist og það má bretta upp
ermar, hvetja alla hagsmunaaðila til sam-
starfs og hefja markaðsátak og til þess
bragðs var tekið nú í vor.
Þetta er ekki í fyrsta skipti sem farið er í
markaðsátak hér á landi. Munurinn á stöð-
unni núna og áður er sá að nú er mikilvæg-
ast að koma réttum upplýsingum til fólks
um víða veröld, fólks sem heldur að hér á
landi sé allt á kafi í ösku og að stórhættulegt
sé að ferðast hingað. Slíkum upplýsingum
er ekki hægt að koma á framfæri nema með
miklu átaki. Ísland var miðpunktur ham-
faranna.
En þá spyr fólk gjarnan um hugsanlegan
árangur. Síðasta stóra markaðsátakið hér
var eftir hryðjuverkin í Bandaríkjunum árið
2001 sem leiddi til gríðarlegs samdráttar í
ferðaþjónustu úti um allan heim. Íslenska
markaðsátakið á þeim tíma var nokkuð
ólíkt þessu en næstu misserin margfaldaði
ríkisstjórnin framlög sín til markaðsmála og
greinin setti a.m.k. sömu upphæð á móti. Í
kjölfarið fjölgaði erlendum ferðamönnum
mjög mikið til Íslands og er það mál manna
að við séum enn að njóta þess.
Reynslan segir okkur því að
slík samvinnuverkefni séu lík-
leg til árangurs.
Markaðsátakið Inspired by
Iceland er mjög fjölbreytt, það
hafa verið haldnir upplýsinga-
fundir víða erlendis, fengnir
blaðamenn til landsins, sam-
félagsvefir notaðir með ýms-
um hætti, auglýsingaherferð
er í 8 löndum og síðast en ekki
síst var gerð heimasíða átaks-
ins www.inspiredbyicel-
and.com sem hefur vakið mikla athygli og
30 þúsund manns heimsækja nú daglega og
ekki síst myndbandið með „Jungle drum“
laginu sem þar er að finna og þjóðin hefur
nú sent um allan heim. Alls hafa rúmlega
þrjár milljónir manns hlaðið niður mynd-
böndunum á heimasíðunni. Það eru um-
ræðuþættir um íslenska markaðsátakið á
útvarps- og sjónvarpsstöðvum um allan
heim, það hefur því vakið mikla athygli.
Það er von og reyndar vissa ferðaþjónust-
unnar að markaðsherferðin beri góðan ár-
angur, margir merkja hann nú þegar en það
er of snemmt að meta hann að fullu þar sem
við erum í miðju átaki. Þetta er ekki aðeins
söluátak heldur líka ímyndarátak og það
tekur oftast lengri tíma að koma ímyndinni
á framfæri. Jafnvel þótt megintilgangurinn
hafi verið að bjarga sumrinu verður lang-
tímaárangur vafalaust mikill. Á þeim tíma
sem eldgosið stóð fékk Ísland gríðarlega at-
hygli um allan heim og því er nauðsynlegt
að fylgja henni eftir með upplýsingum um
landið og stöðuna hér.
MEÐ
Erna Hauksdóttir,
framkvæmdastjóri Samtaka
ferðaþjónustunnar.
Var þörf fyrir markaðsátakið Inspired by Iceland?
Líklegt til árangurs
Ég hef fengið mig full-
saddan af tilraunum Ís-
lendinga til að byggja upp
„ímynd“ sína. Markaðs-
átök eru skiljanleg þegar
fólk vill selja eitthvað –
fyrirtæki eða atvinnu-
greinar – en að gera það í
nafni þjóðarinnar, á
kostnað þjóðarinnar,
finnst mér einfaldlega
bjóða hættunni heim á of-
látungsskap og blekkingum.
Sporin hræða: Skýrsla sú sem tekin
var saman árið 2008 að tilhlutan for-
sætisráðuneytisins undir stjórn Geirs
H. Haarde og ber yfirskriftina „Ímynd
Íslands. Styrkur, staða, stefna“, er
sláandi áminning um hvers konar
ógöngur ráðamenn koma sér í þegar
ætlunin er að sýna þjóðina í „réttu“
ljósi. Nefndina skipuðu áhrifamiklir
einstaklingar í samfélaginu auk þess
sem 130 manna hópur var kallaður til
vegna vinnslu hennar. Nefndinni var
falið að taka sér fyrir hendur að draga
fram hver sjálfsmynd Íslendinga væri
með það að markmiði að henni væri
hægt að hampa. Niðurstaðan vakti
mikla athygli og ánægju flestra enda
var Íslendingum og gjörðum þeirra
meðal annars lýst með eftirfarandi
orðum: Aðlögunarhæfni, þrautseigja,
sköpunargleði, óbilandi bjartsýni, úr-
ræðagóðir, framkvæma hið ógerlega,
kraftmikil atvinnusköpun, tjáning-
arfrelsi, öryggi og frelsi til
athafna, agaleysi, djörf og
óútreiknanleg hegðun,
náttúrulegur kraftur.
Þrátt fyrir ánægju margra
með þessa einkunnagjöf
var til sá hópur sem botn-
aði ekkert í upphrópunum
sem þarna var safnað
saman. Friður, kraftur og
frelsi voru hugtök sem
notuð voru sem kjörorð
eða kjarni verkefnisins en
hljómuðu frekar eins og
slagorð í jeppa- eða bankaauglýsingu.
Þessi kynningu átti svo að nýta til að
vinna lönd á erlendum vettvangi;
kynna Ísland í réttum anda.
Óþarft er að ræða þá minnimátt-
arkennd sem hefur einkennt mál-
flutning forseta Íslands, Ólafs Ragn-
ars Grímssonar, þegar hann hefur
ausið þjóðina lofi; svo áhugasamur
hefur hann verið að koma sjálfum sér
og málstað „okkar“ á framfæri er-
lendis.
Í landinu er ólga – ef til vill reiði –
sem kraumar undir yfirborðinu og
beinist meðal annars að fólkinu sem
hefur sóst eftir að leiða lýðinn. Það
veldur mér áhyggjum að þetta sama
fólk skuli nota almannafé til að slá
ryki í augu útlendinga með því að láta
eins og hér sé allt í lukkunnar vel-
standi. „Inspired by Iceland“ er af-
káraleg birtingarmynd hugmynda
sem eiga sér litla stoð í raunveruleika
venjulegra Íslendinga.
Á MÓTI
Sigurður Gylfi Magnússon
sagnfræðingur.
Sporin hræða
Fésbók
vikunnar flett