Morgunblaðið - 29.12.2002, Blaðsíða 51

MORGUNBLAÐIÐ SUNNUDAGUR 29. DESEMBER 2002 51
DAGBÓK
Samkvæmisklæðnaður
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Upledger höfuðbeina- og
spjaldhryggjarmeðferð
Námskeið á vegum Upledger stofnunarinnar
á Íslandi fyrir árið 2003 er eftirfarandi:
- Kynningarnámskeið á Upledger höfuðbeina- og spjaldhryggjar-
meðferð verður haldið 17.–18. janúar í Reykjavík.
- Námskeiðið CSTI verður haldið 1.–4. mars.
- Námskeiðið CSTII verður haldið 23.–26. maí.
- Námskeiðið Energy Intergration verður haldið 17.–20. maí.
- Námskeiðið SERI verður haldið 18.–21. október.
- Nánari upplýsingar má sjá á www.craniosacral.is/næsta
námskeið
Upplýsingar og skráningar í síma 566 7803, Erla, og í síma 864 1694, Birgir.
Jóga hefst í Kirkjuhvoli
í Garðabæ 6. janúar
Mán. og mið. kl. 6:45-7:45 framhaldstímar.
Þri. og fim. kl. 18-19:15 framhaldstímar.
Þri. og fim. kl. 19:30-20:45 byrjendanámskeið.
Anna Ingólfsdóttir,
Kripalujógakennari,
sími 565 9722 og 893 9723.
STJÖRNUSPÁ
eft ir Frances Drake
STEINGEIT
Afmælisbörn dagsins:
Þú býrð yfir mikilli hæfni til
samskipta. Þess vegna ertu
oft leiðtogi. Þar sem þú hef-
ur einlægan áhuga á fólki
áttu oft gott með að um-
gangast aðra. Þú hefur mik-
ið skopskyn og getur
skemmt öðrum. Komandi ár
felur í sér nýtt upphaf.
Hrútur
(21. mars - 19. apríl)

Þú skalt standast þá freistingu
að fara að rífast í dag. Þér mun
farnast betur ef þú endurskoð-
ar gildi þín og breytir viðhorfi
þínu. Trúðu mér!
Naut
(20. apríl - 20. maí) 
Þú finnir til óvenju mikils ör-
yggis í samskiptum við maka
þinn í dag. Þar sem málamiðl-
unin vill oft ganga of langt er
gott fyrir aðra að vita ná-
kvæmlega hvað þér finnst.
Tvíburar
(21. maí - 20. júní) 
Þú hefur sterkar rómantískar
langanir í dag. Þú veist hvað
þú vilt og þú munt bera þig eft-
ir því.
Krabbi
(21. júní - 22. júlí) 
Aukin þátttaka á heimilinu er
óumflýjanleg. Það er líklegt að
samskiptin þar verði stirð.
Þess vegna skiptir miklu að
sýna öðrum góðvild og tillits-
semi.
Ljón
(23. júlí - 22. ágúst) 
Þig langar til að leggja hart að
þér í heilabrotum í dag. Þar
sem andleg orka þín er mikil
núna muntu verja hugmyndir
þínar og afstöðu af kappi.
Meyja
(23. ágúst - 22. sept.) 
Ekki falla í þá gryfju að álíta
að fjárhagsstaða þín segi eitt-
hvað um það hversu mikils
virði þú sért sem manneskja.
Sumt af efnaðasta fólki heims
býr yfir mikilli andlegri fá-
tækt.
Vog
(23. sept. - 22. okt.) 
Þú berst fyrir rétti þínum í
dag. Takist þér að virkja þessa
orku til vinnu muntu afkasta
miklu.
Sporðdreki
(23. okt. - 21. nóv.) 
Ótti þinn varðandi aðra hefur
náð tökum á þér. Aðrir geta í
raun ekkert gert þér. Þú ræð-
ur yfir þér.
Bogmaður
(22. nóv. - 21. des.)
Biðji vinir þinn þig um lán
skaltu veita það. Fáir þú pen-
ingana ekki endurgreidda áttu
vininn eftir sem áður. Fáir þú
peningana aftur áttu bæði pen-
inga og vin.
Steingeit
(22. des. - 19. janúar)

Metnaðargirni gæti hleypt í
þig of mikilli framsækni. Það
er oft betra að reyna að fá sitt
fram með góðu.
Vatnsberi
(20. jan. - 18. febr.) 
Nú er gott að færa fram-
tíðardrauma í tal við einhvern.
Það sem hann eða hún hefur
um málið að segja gæti fengið
þig til að sjá hlutina í réttu
ljósi.
Fiskar
(19. feb. - 20. mars) 
Þú átt auðvelt með að hafa
áhrif á aðra. Þú gæti nýtt þér
þetta til að nálgast eitthvað
sem þig langar í.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
SEX lauf er einfalt og fljót-
spilað spil, en fimm lauf er
flóknari samningur. Og það
er ekkert dularfullt við það.
Suður gefur; AV á hættu.
Norður
♠ 843
♥ 92
♦ 9432
♣K1032
Suður
♠ Á
♥ ÁK
♦ KD65
♣ÁDG986
Vestur Norður Austur Suður
– – – 2 lauf *
Pass 2 tíglar * Pass 3 lauf
Pass 4 lauf Pass 4 tíglar
Pass 5 lauf Allir pass
* Alkrafa og afmelding.
Vestur spilar út trompi og
austur fylgir lit. Hvernig er
best að spila?
Í sex laufum verður tíg-
ulásinn að vera annar eða
þriðji í austur, svo ekki er um
annað að ræða en spila tígli
tvívegis að hjónunum. Ein-
falt. En í fimm laufum má
gefa tvo slagi á tígul og þá er
verkefnið fyrst og fremst að
glíma við verstu hugsanlegu
legu, sem er ÁG10x í vestur.
Ef sagnhafi spilar beint af
augum, fær vestur þrjá slagi
á þennan tígullit.
En það er til nánast 100%
leið til að vinna spilið, hvern-
ig sem tígullinn liggur. Sagn-
hafi tekur spaðaás í öðrum
slag. Notar síðan innkomurn-
ar tvær á K10 í laufi til að
trompa spaða tvisvar. Þegar
því er lokið er tígulkóngnum
spilað að heiman:
Norður
♠ 843
♥ 92
♦ 9432
♣K1032
Vestur Austur
♠ D752 ♠ KG1096
♥ D654 ♥ G10873
♦ ÁG108 ♦ 7
♣4 ♣75
Suður
♠ Á
♥ ÁK
♦ KD65
♣ÁDG986
Það er sama hvað vestur
gerir. Ef hann drepur og spil-
ar tíguláttu (sem er best),
lætur sagnhafi níuna. Gosann
mun hann auðvitað drepa og
spila tígli að níunni. Ef vestur
dúkkar tígulkónginn, spilar
sagnhafi næst litlum tígili og
fær þá slag á drottninguna.
Þetta var í slæmu legunni,
en hitt breytir engu þótt
austur hafi byrjað með
ÁG10x. Ef hann drepur tíg-
ulkónginn og spilar litlum
tígli, hleypir suður á níuna og
tryggir spilið.
„Næstum 100% leið,“ var
sagt. Eina hættan er sú að
spaðaásinn sé trompaður í
upphafi, en líkur á því eru
einhvers staðar langt innan
við 1%.
BRIDS
Umsjón Guðmundur Páll
Arnarson
Í FRÉTTABLAÐINU 14.
þ.m. var viðtal við unga
konu, sem vinnur í félagi,
þar sem faðir hennar hefur
komið mjög við sögu.
Blaðamaður kemst þá m.a.
svo að orði, að það „gæti
hvarflað að fólki að það geti
verið erfitt fyrir mæðgin að
vinna svo náið saman allan
ársins hring.“ – Sýnt er, að
blaðamanninum er ekki
ljós merkingin í no. mæðg-
in. Því miður er hann trú-
lega ekki einn um þetta og
ruglar þá saman svonefnd-
um frændsemis- eða skyld-
leikaorðum. Svipaður mis-
skilningur kom upp hjá
blaðamanni fyrir átta árum
og varð mér þá að umræðu-
efni. Raunar var um að
ræða no. mæðgur og
mæðgin. Er því sjálfsagt að
minnast enn á merkingu
þessara orða í von um, að
menn átti sig á réttri notk-
un. Í íslenzku höfum við
sérstök frændsemis- eða
skyldleikaorð, þ.e. feðgar
um föður og son og feðgin
um föður og dóttur; mæðg-
ur um móður og dóttur og
mæðgin um móður og son.
Um langan aldur og allt
fram á þennan dag eru
þessi fleirtöluorð notuð
þannig í máli okkar. Hins
vegar er í grannmálum
okkar og eins t.d. í ensku
talað um föður og son, móð-
ur og dóttur o.s.frv. í þessu
sambandi. Þar þekkist ekki
eitt orð um þetta. Í ofan-
greindu viðtali kom því
ekki annað til greina en
tala um feðgin, þar sem
verið var að tala um sam-
vinnu föður og dóttur. Um
orðið feðgin er það að
segja, að það var haft að
fornu um foreldra. Þá var
no. foreldrar haft í merk-
ingunni forfeður. Um siða-
skiptin á 16. öld var no. for-
eldrar hins vegar tekið upp
í þeirri merkingu, sem við
leggjum í það orð nú á dög-
um. Feðgin, þ.e. faðir og
dóttir. Eru elztu dæmin í
O.H. frá um 1860 úr Þjóð-
sögum Jóns Árnasonar.
Sjálfsagt er að halda vel að-
greindum þessum merk-
ingum og rugla þeim ekki
saman. – J.A.J.
ORÐABÓKIN
Feðgin – mæðgin
LJÓÐABROT
AÐ KVÖLDI
Í morgun þegar sól af fjallsbrún flaug
og felldi úr rauðum vængjum gullinn dún
á daggarblámans djúpu himinlaug,
dvergaskip smá með stöfuð segl við hún,
sveif ég af dulu draumahafi: leið
dagur um nakta jörð og gliti sló
á stálgrá virki, höfgan hangameið,
hungurföl börn á dreif um sviðinn skóg.
– – –
Snorri Hjartarson
Árnað heilla
90 ÁRA afmæli. 31. des-ember verður níræð
Ingibjörg Svava Helgadótt-
ir frá Hlíðarenda í Fljóts-
hlíð. Hún tekur á móti gest-
um á Dvalarheimilinu
Lundi, Hellu, kl. 13.30–15 á
afmælisdaginn.
70 ÁRA afmæli. Í dag,sunnudaginn 29. des-
ember, er sjötugur Garðar
Finnbogason, Sólvangi,
Hafnarfirði. Hann tekur á
móti ættingjum og vinum í
dag kl. 16 á Flatahrauni 29,
(Stangveiðifélag Hafnar-
fjarðar).
70 ÁRA afmæli. Ámorgun, mánudag-
inn 30. desember, verður
sjötugur Matthías Frí-
mannsson, fyrrverandi
kennari við Fjölbrautaskól-
ann í Breiðholti og víðar. Af
því tilefni býður hann
vandamönnum, vinum og
kunningjum til kaffiveitinga
á afmælisdaginn milli kl. 17–
19 í Lionsheimilinu Lundi,
Auðbrekku 25-27, 2. hæð,
Kópavogi.
50 ÁRA afmæli. 1. jan-úar nk. verður fimm-
tugur Níels Sigurður Ol-
geirsson, formaður
MATVÍS. Af því tilefni mun
hann og eiginkona hans,
Ragnheiður Valdimarsdótt-
ir, taka á móti gestum í
Glæsibæ milli kl. 17 og 20 á
afmælisdaginn.
1. e4 c5 2. Rf3 Rc6 3. c3 Rf6 4. e5
Rd5 5. d4 cxd4 6. cxd4 d6 7. Bc4 Rb6
8. Bb5 dxe5 9. Rxe5 Bd7 10. Rxd7
Dxd7 11. Rc3 e6 12. O-O Be7 13. Dg4
O-O 14. Bxc6 bxc6 15. Bh6 Bf6 16.
Hfd1 Hfd8 17. Re4 De7 18. Hac1
Hac8 19. Hc3 Kh8 20. Bg5 Bxg5 21.
Rxg5 h6 22. Rf3 Rd5 23. Hc4 f5
24. Dh4 Dxh4 25. Rxh4 Rb6 26.
Hcc1 c5 27. Rg6+ Kh7 28. Rf4
cxd4 29. Rxe6 Hxc1 30. Hxc1
Hd6 31. Rc5 d3 32. Hd1 d2 33.
Kf1 Rc4 34. Ra4 Re5 35. h3 g5
36. b3 Kg6 37. Rb2 Ha6 38. Ra4
Hd6 39. f3 Kf6 40. Rc3 Hc6 41.
Rd5+ Ke6 42. Hxd2 Hc1+ 43.
Ke2 f4 44. Rb4 a5 45. Rc2 Rg6
46. Rd4+ Ke5 47. Kd3 Rh4 48.
Rc2 Hg1 49. He2+ Kd5 50. Re1
Kc5 51. a3 Kb5 52. He5+ Kc6
53. He2 Kb5 54. Kc3 Kc5 55.
He5+ Kb6 56. He6+ Kc5 57.
Rd3+ Kd5 58. Hxh6 Hxg2
Staðan kom upp á heims-
meistaramóti 20 ára og yngri
sem lauk fyrir skömmu í Goa í Ind-
landi. Tatiana Kosintseva (2427)
hafði hvítt gegn Leonie Helm
(2235). 59. Hxh4! og svartur gafst
upp enda verður hann manni undir
eftir 59... gxh4 60. Rxf4+. Skelj-
ungsmótið hefst kl. 13.00 í dag, 29.
desember. Teflt verður í höfuðstöðv-
um Skeljungs á Suðurlandsbraut og
taka margir af sterkustu skákmönn-
um þjóðarinnar þátt. Áhorfendur
eru hjartanlega velkomnir.
SKÁK
Umsjón Helgi Áss
Grétarsson
Hvítur á leik.
HINN 26. nóvember sl. komu hinir hressu krakkar í
7. ÁM í Langholtsskóla í heimsókn á Morgunblaðið.
Þau höfðu þegar unnið ýmis verkefni með eintökum
af Morgunblaðinu í skólanum og voru hingað komin
til að fylgjast með vinnslu á raunverulegu dagblaði. Hópurinn var fróð-
leiksfús í meira lagi og Morgunblaðið vonar að krakkarnir hafi orðið ein-
hvers vísari um leið og við þökkum þeim kærlega fyrir komuna.
Morgunblaðið/Golli
FRÉTTIR