Þjóðmál - 01.09.2011, Blaðsíða 67

Þjóðmál HAUST 2011 65
Höfundur þessarar greinar er ekki haldinn spádómsgáfu umfram aðra,
og þess vegna má ekki líta á eftirfarandi
sem tilraun til spádóms . Hér er fremur á
ferðinni tilraun til framsetningar á því, sem
höfundur telur æskilega þjóðfélagsþróun og
gerlegt að ná um miðjan nýhafinn annan
áratug nýrrar aldar .
Utanríkismál
Er þetta er ritað, snemmsumars 2011, eru að hefjast formlegar viðræður á milli
Íslands og Evrópusambandsins (ESB) um
aðildarskilmála Íslands að ESB . Ekki þarf
að hafa mörg orð um aðdraganda þessara
viðræðna, svo ógæfulegur sem hann var .
Í raun má segja, að Alþingi hafi verið
blekkt af ríkisstjórn Samfylkingar og
Vinstri hreyfingarinnar græns framboðs til
að samþykkja umsókn um aðild á fölskum
for sendum . Málflutningur talsmanna
þessara stjórnmálaflokka sumarið 2009
ein kenndist af þokukenndu hjali um
könn unarviðræður, þar sem ganga skyldi
úr skugga um það, sem á boðstólum væri
Íslandi til handa í Brüssel . Þetta var aldrei
í spilum framkvæmdastjórnar ESB, eins
og margsinnis var bent á, og það hefur s .k .
rýnivinna síðan leitt í ljós . Einnig var slegið á
þær nótur, að með viðræðunum væri brotizt
út úr stjórnmálalegri einangrun Íslands, sem
gert var töluvert úr í kjölfar bankahrunsins
í október 2008 . Þessi málflutningur sló
tóninn fyrir það, sem koma skyldi, en þingi
og þjóð hefur verið haldið óupplýstum um
gang viðræðnanna, og skipulag þeirra virðist
hafa verið mjög losaralegt, því að þingmenn
koma ekki að mótun samningsmarkmiða,
og hagsmunamál Íslands, t .d . í sjávarútvegi
og landbúnaði, virðast liggja í láginni . Utan-
ríkisráðherra virðist ætla að smygla landinu
inn í ESB, eins og kerlingin kom sálinni
hans Jóns síns inn fyrir Gullna hliðið .
Ísland var í raun sett í aðlögunarferli að
lögum og reglum ESB með umsókninni
samkvæmt reglum ESB, sem sniðnar voru við
Austur-Evrópuríkin . Meirihluti Alþingis er á
móti því að leggja fé og fyrirhöfn í þetta ferli
og meirihluti þjóðarinnar sömuleiðis . Blasir
við nú, árið 2011, að þessum fjármunum er
kastað á glæ, því að aðild Íslands að ESB er
steinbarn Samfylkingarinnar og nokkurra
meðreiðarsveina hennar .
Árið 2015 munu þing og þjóð hafa
kveðið upp úr um þetta í atkvæðagreiðslu .
Samfylkingin og taglhnýtingar hennar í
VG og í öðrum stjórnmálaflokkum verða
þar með gerðir afturreka með aðaláhugamál
sitt, sem hentar eylandi í Norður-Atlants-
Bjarni Jónsson
Ísland árið 2015