Tíminn - 09.06.1961, Blaðsíða 12

12
TIMINN, föstudaginn 9. júní 1961.
RITSTJORI HALLUR SIMONARSON
Á sunnudaginn, 11. júní,
eru liðin 50 ár frá því íþrótta-
völlurinn á Melunum tók til
starfa, og verður þessa afmæl-
is minnzt á veglegan hátt á
sunnudaginn. Á síðunni á
morgun verður saga Melavall-
arins rakin í stórum dráttum,
en blaðamenn sátu í gær fund
með vallarstjórn.
Á sunnudaginn kl. 2 verður af-
mælisins minnzt með knattspyrnu
leik mílli úrvalsliðs Reykjavíkur
gegn úrvalsliði annarra lands-
hluta á Melavellinum og má búast
við að það geti orðið skemmtileg
ur leikur. í leikhléi verður frjáls-
íþróttakeppni.
Knattspyrnuráð Reykjavíkur
valdi úrvalslið Reykjavíkur og er
það þannig skipað: Björgvin Her
mannsson, Val, Hreiðar Ársælsson,
KR, Árni Njálsson, Val, Garðar
Árr.ason, KR, Rúnar Guðmanns-
son, Fram, Helgi Jónsson, KR,
Guðmundur Óskarsson, Fram,
Gnnnar Felixson, KR, Þórólfur
Bock, KR, Ellert Schram, KR, og
Gunnar Guðmannsson, KR, sem
jafnframt er fyrirliði.
Landsliðsnefnd Knattspyrnusam
bands íslands valdi úrvalslið lands
byggðarinnar, sem aðallega er
skipað leikmönnum frá Akureyri
og Akranesi. Það er þannig:
Helgi Daníelsson, Akranesi, Jón
Stefánsson, Akureyri, Helgi Hann
esson Akranesi, Sveinn Teitsson,
Akranesi, Kristinn Gunnlaugsson,
Akranesi, Magnús Jónatansson, Ak
ureyri, Steingrímur Björnsson, Ak
ureyri, Skúli Ágústsson, Akureyri,
Ingvar Elísson, Akranesi, Björn
Helgason, ísafirði . og Þórður
Jónsson, Akranesi.
Varamenn liðanna eru þessir:
Reykjavfk: Heimir Guðjónsson,
KR, Þorsteinn Friðþjófsson, Val,
Hörður Felixson, KR, Ragnar Jó-
hannesson, Fram, Guðjón Jónsson,
Fram og Björgvin Daníelsson, Val.
Landið: Einar Helgason, Akur-
eyri, Hörður Guðmundsson, Kefla
vík, Einár Sigurðsson, Hafnarf.,
Högni Gunnlaugsson, Keflavík,
Ásgeir Þorsteinsson, Hafnarfirði
og Hólmbert Friðjónsson, Kefla-
vík.
Dómari verður hinn kunni al-
þjóðadómari, Guðjón Einarsson,
Víking, en línuverðir, Ingi Ey-
vinds, Val og Þorlákur Þórðarson,
Víking.
Keppt í hlaupum
í leikhléi verður eins og áður
segir, keppt í frjálsíþróttum. Þrjár
sveitir frá KR, ÍR og Ármanni
keppa í 4x200 metra boðhlaupi,
Svavar Markússon, Agnar Leví,
Reynir Þorsteinsson og Kristleif-
ur Guðbjörnsson, allir 1 KR,
keppa í 800 metra hlaupi, og Friðr
ik Friðriksson, ÍR, Valur Guð-
mundsson, ÍR og Þorvarður Björns
son, KR, í 800 m hlaupi drengja.
Þessi hlaup ættu að geta orðið
skemmtileg, og sjá um, að enginn
„dauður" tími verði við hátíða-
höldin. Á síðupni á morgun mun-
um við svo rekja sögu Melavall-
arins.
Friðrik vann banda-
ríska stðrmeistarann
í sjöundu umferð á skák-
mótinu í Moskvu tefldi Friðrik
Ólafsson við bandaríska stór-
meistarann Bisguier, og er það
í fyrsta sinn, sem þeir mætast
við skákborðið. Friðrik hafði
svart og fór skákin í bið eftir
40 leiki, en þegar hún var
tefld áfram vann Friðrik og
var því einn efstur á mótinu
eftir sjö umferðir, með fimm
vinninga.
f áttundu umferðinni, sem tefld
var í fyrrakvöld, tefldi Friðrik við
Vasjúkoff, Sovétríkjunum, og fór
sú skák í bið eftir 40 leiki. í þeirri
umferð vann Smyslov, Sovétríkjun-
um, landa sinn Tulush, og Portisch,
Ungverjalandi, vann Bukulin,
Sovétríkjunum. Öðrum skákum
lauk með jafntefli.
Eftir þessar átta umferðir hefur
Smyslov 5% vinning, en Friðrik
5 vinninga og biðskák. f 3. sæti
er Aronin, Sovétr. með 5 vinn-
inga, 4.—5. eru Bronstein, Sovétr.
og Portisch með 4% vinning.
Vasjúkoff hefur 4 vinninga og
biðskák. Þar næst koma Pack-
mann, Tékkóslóvakíu, Gufeld, Sov
étr. og Bisguier með 4 vinninga
hver. 10. er Rabar, Júgóslavíu
með 3 vinninga, 11. Tolush með
2 vinninga og 12 Bakúlín með l’/z
vinning.
Friðrik teflir við Tolush í 9.
umferð, Rabar í 10. umferð, en
mætir Smyslov í þeirri 11. og síð-
ustu og hefur þá svart.
Þórólfur Beck skorar
þriðja mark urvalsins
íslenzkir knattspyrnuáhugamenn urSu vitni aS því í fyrsta skipti
í fyrrakvöld, aö sjá erlent knattspyrnulið tapa meö miklum mun
á Laugardalsvellinum. Og sannarlega kunnu hinir ágætu, skozku
gestir að tapa eins og efri myndin sýnir. Leikmennirnir stilltu sér
upp eftir leikinn og klöppuðu íslenzku leikmönnunum lof í lófa,
þegar þeir héldu til búningsklefanna. Það sýnir sanna íþrótta-
mennsku, og ekki er víst, að alllr hefðu getað leikið það eftir Skot-
unum. Á neðri myndinni sést Þórólfur Beek skora þriðja mark ís-
lenzka úrvalsliðsins í leiknum. Hann fékk knöttinn í erfiðri stöðu
— eins og myndin sýnir vel — en tókst þó að spyrna knettinum
í markhornið án þess að skozka markverðinum Brown tækist að
verja, en litlu munaði. Wilson, bakvörður, stendur fyrir aftan
markvörðinn, en Ingvar Elísson fylgist spenntur með Þórólfi, en
hjá honum byrjaði upphlaupið, sem markið kom úr. (Ljósm.: G.E.).
Gunnar Felixson, KR
skoraði 3 mörk gegn Skolunum
Iþrónavöllurinn á
melunum fimmtíu ára
Verftur minnzt á sunnudaginn meS knattspyrnu-
keppni milli landsbyggSarinnar og Reykjavíkur,
og frjálsíþróttakeppi í hléinu.

Skotarnir kunnu að tapa