Tíminn - 24.05.1962, Page 3

Salan dæmdur til dauða?
NTB—París, 23. maí. Ríkis-
saksóknarinn við réttarhöldin
yfir Salan, fyrrverandi hers-
höfðingja óg leiðtoga OAS-
manna, sem nú fara fram í
dómhöllinni í París, krafðist
þess í dag í lok sóknarræðu
sinnar, að ákærður yrði dæmd
ur til dauða fyrir að hafa stað-
ið að hershöfðingjauppreisn-
inni í Alsir í fyrra og fyrir
starfsemi sína í hryðjuverka-
samtökum OAS.
Réttarhöld í máli Salans stóðu
yfir í allan dag í Palais de Justice,
en herdómstóll, skipaður níu hers
höfðingjum, fer með málið.
Saksóknarinn í málinu, Andre
Gavalda, flutti tveggja klukku-
stunda ræðu í dag og krafðist
dauðarefsingar, þar sem sakborn-
ingur hefði gerzt sekur um að
stofna öryggi Frakklands í hættu
' með þátttöku sinni í herforingja-
uppreisninni í Alsír í fyrra og
með því að hafa stjórnað hryðju-
verkasamtökum OAS í Alsír og
víðar.
í ræðu sinni kom saksóknari
víða við og rakti glæpaferil' Sal-
ans og beindi að síðustu orðum
sínum beint til hans og sagði
m. a.:
Salan. Þér voruð leiðtoginn.
Skipunarvaldið var í yðar hönd-
um. Fólk fylgdí yður í blindni.
Það var á yðar valdi að draga úr
æsingunni í Alsír, gefa fyrirskip-
anir um að vopnahléð yrði haldið
og viðurkenna yfirsjón yðar. Þér
hefðuð geta komið í veg fyrir
rán og manndráp. Ekkert af þessu
gerðuð þér samt, og þess vegna
krefst ég nú, að þér sætið afleið-
ingum gerða yðar. Ég krefst
dauarefsingar.
Salan, sem nú er 62 ára gam-
all, sat grafkyrr milli tveggja lög
regluvarða á meðan á sóknarræð-
unni stóð, og ekki var hægt að
greina nein svipbrigði á andliti
hans, þegar saksóknarinn bar fram
dómkröfu sína.
Fyrsti verjandi Salans, Menu.et,
minnti á það, að ákærði hefði
þjónað Frakklandi í 43 ár. Hann
hefði tekið að sér stjórn OAS
vegna þeirrar sannfæringar sinn-
ar, að stefna de Gaulle í Alsír-
málinu væri röng.
Annar verjandi, Goutermanoff,
sem er frá Alsír, sagði, að það
væri dómsmorð, ef Salan yrði
dæmdur til dauða.
Verjandinn skírskotaði- mjög til
tilfinninga manna og urðu áheyr-
endur sýnilega hrærðir. Sjálfur
brast Salan í grát, er hann hlýddi
á verjanda sinn. Ræðu sinni lauk
Goutermanoff með þessum orð-
um: Vertu sæll, Salan, og þakka
þér fyrir, hershöfðingi.
Aldarafmæli:
Tómas Tomasson
100 ára er í dag Tómas Tóm-
asson, Helgamagrastræti 4, Ak-
ureyri. Tómas hefur enn fóta-
vist og er furðu ern, þótt hann
hafi verið blindur í tuttugu ár
og heyrnin sé farin að bila, svo
að hann á nú erfitt með að
hlusta á útvarp, sem lengi stytti
honum dimma daga.
Tómas ólst upp í mikilli fá-
tækt og fer ekki dult með það,
að hann hafi sjálfur verið fá-
tækur alla ævi, en á elliárun-
um hefur hann notið frábærr-
ar umhyggju og atlætis á heim-
ili Elíasar sonar síns, fyrst á
Ifrauni í Öxnadal og síðar á
Akureyri og átt ástríki að fagna
hjá börnum sínum, barnabörn-
um og barnabarnabörnum, en
iWMWmMW*
niðjahópur Tómasar er orðinn
stór, alls um 100 afkomendur.
Tómas Tómasson fæddist 24.
maí 1862 að Tyrfingsstöðum í
Skagafirði og voru fareldrar
hans Tómas Egilsson, eyfirzkur
að ætt, ög Ástfríður Jónsdóttir
af Steingrímsætt í Skagafirði.
Foreldrar Tómasar höfðu lengst
af ekkert jarðnæði fyrir sig, en
unnu í húsmennsku á ýmsum
bæj-. í í Skagafirði, Öxnadal og
Þelamörk. Hraktist Tómas því
víða í bernsku og átti ærið mis
jafna ævi eins og títt var um
börn fátækra foreldra á þeim
tímum. Svo missti hann föður
sinn á 12. ári, og móðir hans dó
6 áíum síðar. Öll systkini hans
dóu á ungum aldri. og náðu að
eins tveir bræður fullorðins-
aldri, Tómas og Stefán, sem
fluttist fulltíða maður til Kan-
ada og varð þar gildur bóndi.
Er hann nú látinn fyrir all
löngu. Fleira ættfólk Tómasar
Tómassonar fluttist til Ame-
ríku, og má þar m.a. nefna Sig-
trygg Jónasson og Baldvin Bald
vinsson, sem báðir voru fyrir-
menn íslendinga í Vesturheimi
á sinni tíð og með kunnustu
landnemum í Kanada. Voru
þeir og Tómas systkinasynir.
Framan af ævi var Tómas
vinnumaður á ýmsum stöðum,
og eftir að hann giftist árið
1885 voru þau hjón í hús-
mennsku í 12 ár, en settu þá bú
saman að Þverbrekku í Öxna-
dal. Kons.íCóniRáar var Jóhanna
Sigurgeirsdóttir, af eyfirzkum
og húnvetnskum ættum. Bjuggu
þau á Þv'erbrekku 3 ár, síðar 2
ár í Bakkaseli, 3 ár á Egilsá í
Skagafirði, aftur í Bakkaseli
frá 1909—1915 og loks á Auðn-
um í Öxnadal til 1923, er þau
hættu búskap og fluttu fyrst í
Hraun og síðar til Akureyrar,
þar sem Jóhanna andaðist árið
1928. Fór Tómas þá til Elíasar
sonar síns og hefur dvalizt með
honum æ síðan, sem fyrr segir.
Tómas Tómasson var hinn
mesti gleðimaður fyrr á árum,
hafði ánægju af hestum og
hvers kyns ferðalögum og var
ágætur tamningamaður. Kann
hann frá mörgu að segja frá
langri ,ævi og man vel gamla
viðburði. í lífi hans hafa að
sönnu skipzt á skin og skúrir,
ástvinamissir, fátækt og hrakn-
ingar á einu leiti, en á hinu á-
nægja og gleði af samfylgd
margra góðra félaga og ástriki
nánustu vandamanna, sem hann
má vera og er þakklátur fyrir.
Börn Tómasar og Jóhönnu
voru þessi: Rósa, f. 1885, d.
1957, kona Kristjáns Gíslason-
ar, lengi búsett á Akureyri; Eg
ill, f. 1890, d. 1960, kvæntur
Sigríði Jónsdóttur, lengst af bú
settur á Akureyri; Elías, f. 1894,
fyrrv. bóndi í Hrauni, síðar
bankagjaldkeri á Akureyri, áð-
ur kvæntur Róslín Jóhannesdótt
ur (látin) og síðar Sigrúnu Jóns
dóttur; Aðalsteinn, f. 1900, nú
búsettur á Akureyri, kvæntur
Steinunni Guðmundsdóttur.
Á aldarafmælinu munu marg
ir verða til þess að minnast
hins hára öldungs og heiðurs-
manns, ekki sízt hinir fjölmörgu
niðjar og vandamenn, sem áreið
anlega munu fjölmenna heim
að Helgamagrastræti 4 í dag til
þess að hylla hann á þessum
merkisdegi ævi hans.
Ingvar Gíslason.
SALAN
Geimfarið á
loft í dag
NTB—Kanaveralhöfðá, 23. mal.
Lokið er nú undirbúningi að geim-
ferð Bandaríkjamannsins, Scott
Carpenters, sem fyrirhugað er að
fari þrjá hringi umhverfis jörðu
í geimfari sínu á morgun.
Mikil eftirvænting ríkir í Banda-
ríkjunum og raunar víðar um
heim, vegna geimferðarinnar, ekki
sízt þar sem útlit er fyrir, að
bandarískir sjónvarpsnotendur
geti fylgzt með, því öflug sjón-
varpstæki eru i geimfarinu.
Kínverskt flótta-
fólk til U.S.A.
NTB—Washington, 23. maí.
Kennedy, Bandaríkjaforseti,
lýsti yfir því á blaðamanna-
fundi í kvöld, að Bandaríkja-
menn myndu taka við mörg
þúsund kínverskum flótta-
mönnum, sem hingað tii hafa
leitað hælis í Hongkong.
Skýrði forsetinn frá því, að
bandar. sendiráðinu í Hong-
kong hefði verið tilkynnt um
ákvörðun þessá, sem sam-
þykkt hafði verið af þinginu.
Fá flóttamennirnir landvist-
arleyfi með sömu skilyrðum
og flóttamenn frá Ungverja-
landi og Kúbu . . .
Nýstofnu'ð nefnd í Bandaríkjun
um, sem hefur það að markmiði
að aðstoða flóttamenn frá kín-
j verska alþýðulýðveldinu, hafði
fyrr um daginn sent áskorun til
Kennedys Bandaríkjaforseta um
að hann léti breyta lögunum um,
erlenda flóttamenn á þann veg,
að kínverskir flóttamenn mættu
leita hælis í Bandarikjunum með
sömu skilyrðum og ungverskt
flóttafólk.
Margir þekktir Bandaríkja-
menn tóku undir áskorun nefnd-
arinnar, þar á meðal Paul Dougl-
as, öldungadeildarþingmaður,
William Douglas, hæstaréttar-
dómari og Walter Judd, þingmað-
ur.
Hin nýstofnaða nefnd beindi
einnig þeim tilmælum til hinna
ýmsu hjálparstofnana í Banda-
ríkjunum, að þær veittu flótta-
fólkinu í Hongkong liðsinni með-
(Framhald á 15 siðui
Brezkt flugliB
til Thailands
NTB—Bangkok, 23. maí.
Tilkynnt var í Thailandi í dag,
að stjórn Nýja Sjálands muni
innan tíðar senda hersveitir
til Thailands, en þar eru nú
fyrir herflokkar frá Bandaríkj
unum og Ástralíu. Þá berast
þær fréttir frá Lundúnum, að
brezka stjórnin muni senni-
lega gefa út yfirlýsingu á
morgun um það, að brezkar
flugvélar verði sendar til Thai-
lands.
í útvarpstilkynningu Thailands-
stjórnar í dag var sagt, að mikil
ánægja ríkti meðal fólks, vegna
ákvörðunar stjórnar Nýja-Sjálands
um að senda her til Thailands.
Vopnahlésbrot
Bandarísk hernaðaryfirvöld í
Vientíane sögðu, að nú væri svo
komið, að hersveitir Pathet Lao-
manna gætu á fáeinum vikum lagt
undir sig Laos, ef þær kærðu sig
um.
Útvarp vinstri manna í Laos
fullyrti, að Nosavan, hershöfðingi
og foringi hægri manna, héldi á-
fram hernaðaraðgerðum, og
skeytti engu um vopnahléð. Sagði
útvarpið, að hægrimenn hefðu ráð-
izt á Ban Pho í Luang Prabang
fyrir þrem dögum síðan, en verið
stökkt á flótta.
Kosningagetraun B-listans
LL._i_v .. .
KOSNINGAGETRAUNIN er i fullurn gangi. Getraunaseðlar fást» á
hverfaskrifstofunum, Tjarnargötu 26, og afgr. Tímans, Bankastræti.
SÁ, SEM FER NÆST um kosningaúrslitin í Reykjavík, fær veglegan
vinning, flugfar fyrir 2 til Noregs, Danmerkur og Þýzkalands með
skrúfuþotum Flugfélags íslands.
Kosningagetraun B-listans
T í M I N N, fimmtudagurinn 24. maí 1962.
3