Forvitin rauð - 01.05.1978, Blaðsíða 15

1
©-------------------------------------------------
menntunar og fullkomnari getnaðarvarnir
valda því að konur fara í ríkum mæli < að
leita út af heimilunum, en þurfa þó að
sinna þörfum fjölskyldna sinna. Þessi mót-
sögn hlaut að leiða til uppkomu hinnar
nýju kvenfrelsishreyfingar.
Frelsun
Kvenfrelsishreyfingin nýja á upptök sín
í stúdentauppreisnunum og þeirri víðtæku
róttæknisþróun sem átti sér stað í kringum
1968. Tilurð hennar átti sér forsendur
í sívaxandi framþróun kapítalískra fram-
leiðsluhátta upp úr seinni heimsstyrjöld-
inni. Hin víðtæka vitundarvakning kvenna,
uppreisn þeirra gegn ríkjandi gildismati,
gegn karlveldi og barátta þeirra fyrir
ýmiss konar umbótum er öðru fremur merki
um félagslega kreppu borgaralegs samfélags.
Vitundarvakning kvenna hefur átt sér
stað við mismunandi skilyrði og hjá mis-
munandi þjóðfélagshópum kvenna. Þannig
hefur misjafn skilningur verið lagður í
vandamál kvenna og hinir ýmsu hópar hafa
sett sér ólík markmið. Ýmsir hópar borg-
aralegra femxnista hafa beint baráttu
sinni gegn karlmönnum jafnvel alitið lausn
vandamálsins felast í valdatöku kvenna.
Þeir hafa einskorðað baráttuna við hug-
myndafræðilega þætti og sumir hverjir hafa
lokast inni í hópum sem fást við sjálfs-
uppeldi.
Byltingarsinnaðir femínistar telja það
rangt að takmarka baráttuna við einstök
afmörkuð mál. Kvenfrelsisbaráttan er þvert
á móti ákaflega víðfeðm, markmið hennar
eru gagngerar þjóðfélagslegar breytingar.
HÚn setur fram kröfur um fé3agslega á-
byrgð á uppeldi barna, hún setur fram
kröfur um félagslega þjónustu sem miðast
við að afnema einkahúshald, hún krefst
umráðaréttar kvenna yfir eigin líkama og
möguleika á heilbrigðari samskiptum fólks
en fjölskyldan býður upp á í núverandi
formi.
Um leið og við berjumst fyrir framkvæmd
mála sem stuðla að kvenfrelsi, berjumst
við hugmyndafræðilegri baráttu á öllum
vígstöðvum. Við berjumst gegn afturhalds-
sinnuðum hugmyndum um stöðu kvenna, karl-
rembu (male chauvinism), gegn öllum við-
horfum sem stuðla að innbyrðis samkeppni
kvenna, gegn öllum tilraunum til þess að
gera konur að markaðsvöru.
öll þessi markmið leiða okkur inn á
braut byltingarsinnaðrar baráttu. Þau eru
andstæð hagsmunum auðvaldsins og vega að
þeim. Þannig á kvenfrelsishreyfingin sam-
leið með verkalýðsstéttinni í hagsmunabar-
áttu hennar. Stytting vinnudagsins, al-
15
menn barnagæsla, hærri laun, atvinnuöryggi
- allt eru þetta hagsmunamál vinnandi
fólks sem stuðla jafnframt að kvenfrelsi
og eru til þess fallin að rjúfa einangr-
un kvenna inni á heimilunum.
Það er á sama hátt hlutverk okkar að
berjast gegn karlrembuhugmyndum innan
verkalýðsstéttarinnar og gera karlmönnum
ljóst að frelsun kvenna er einnig hags-
munamál þeirra. Það myndi stuðla að ein-
ingu verkalýðsstéttarinnar ef hún tæki
þessi mál upp, ef hún gerði baráttumál
kvenfrelsishreyfingarinnar að sínum. Kver>-
frelsisbaráttan er byltingarsinnuð barátta
barátta fyrir sósíalískri umsköpun. Þetta
felur ekki aðeins í sér sameign allra á
framleiðslutækjunum þar sem framleiðslan
ræðst af þörfum fólksins og er stjórnað
af því sjálfu á lýðræðislegan hátt. Sá
sósíalismi sem við stefnum að felur einnig
í sér samábyrgð á barnauppeldi, að heim-
ilisstörf séu unnin á félagslegum grund-
velli (góðar matstofur, almenningsþvotta-
hús, húsnæði sem gefur möguleika á ýmiss
konar sambýlisformum o.þ.h.), möguleika
allra fullorðinna til atvinnu og afnám
hlutverkaskiptingar kynjanna í atvinnu-
og einkalífi.
Við gerum einkalífið að pólitísku máli.
Það verður enginn raunverulegur sósíalismi
án kvenfrelsis, það verður ekkert raun-
verulegt kvenfrelsi án sósíalisma.
Svava Guðmundsdóttir, Dagný Kristjáns-
dóttir, Ingibjörg Rán Guðmundsdóttir,
Kristín Jónsdóttir.