Morgunblaðið - 24.11.1957, Blaðsíða 23
Sunnudagur 24. nóv. 1957
MORGVWBL 4Ð1Ð
23
— Nafo-samskoiin
Framh. af bls. 1
þeim skilaboðum að sam-
bandsstjórn vesturþýzka lýð-
veldisins „hafi mikinn áhuga
á því, að veita íslandi lið á
sviði efnahags- og viðskipta-
mála.“
Málið rætt frekar eftir
kosningar
Síðar sama kvöldið margspurði
dr. Janz forsætisráðherra að því,
í margra manna viðurvist, hvaða
upphæð hann teldi íslendinga
þurfa. En Ólafur Thors svaraði
því til, að hann kynni ekki við
að ræða það mál nú þegar ráðu-
neytisstjórinn væri heiðursgestur
á boði ríkisstjórnarinnar. Hins
vegar ræddu cveir íslenzkir emb-
ættismenn málið við dr. Janz
þann 6. júní og nefndi hann þá
sjálfur ákveðna lánsupphæð. Is-
lendingarnar nefndu hins vegar
enga upphæð.
Strax og dr. Janz kom heim
til Þýzkalands barst svo utan-
ríkisráðuneyti Islands skeyti
dags. þann 22. júní, þar sem
segir að þess sé óskað að forsæt-
isráðherra Islands veiti forstöðu-
manni þýzka sendiráðsins 1
Reykjavík tafarlaust móttöku.
Var það auðvitað gert. Afhenti
hann þá Ólafi Thors skilaboð,
þar sem segir að dr. Adenauer
kanslari óski eftir að forsætis-
ráðherra Islands láti þýzku
stjórninni strax í té vitneskju um
óskir íslenzku stjórnarinnar um
lánsfé og nauðsynleg gögn í mál-
inu.
Þessu svaraði Ólafur Thors
tafarlaust þannig, að hann
væri sérstaklegá þakklátur
kanslaranum og mundi leyfa
sér að ræða máiið frekar eftir
alþingiskosningarnar, sem
fram ættu að fara þann 24.
júní. Frá þessu skýrði Ólafur
Thors hins vegar ekki fyrir
kosningarnar og mundi þó
margur hafa gert það.
400 millj. kr. lánstilboð
í bréfi, sem sendiherra íslands
í Bonn, dr. Helgi P. Briem, ritar
svo utanríkisráðuneyti Islands,
dags. 22. júní, segir hann, eftir
að hafa rætt við dr. Janz, sem
þá hefur talað að nýju við kansl-
arann, frá ummælum ráðuneytis-
stjórans á þessa leið:
„Kvaðst hann (dr. .Tanzi
ráðleggja mér að byrja með
100 millj. marka (eða tæpar
400 millj. ísl. kr)“
Af þessu, og fleiri gögnum
er það ljóst, að það er rangt
sem Tíminn segir, að Ólafur
Thors hafi gert þetta lánstil-
boð að kosningabeitu. Bm
það voru litlar eða engar upp-
lýsingar gefnar fyrir kosning-
arnar í fyrrasuma.
Það er auk þess ósatt, sem
Tíminn einnig segir, að Ólafur
Thors hafi fyrir kosningarnar
talið sig „hafa fengið vilyrði fyr-
ir því (láninu) fyrir sérstakan
velvilja og persónuleg afskipti
dr. Adenauers". Um þetta sagði
Ólafur Thors yfirleitt ekkert.
En Helgi P. Briem sendiherra
segir hins vegar í fyrrnefndu
bréfi: „Því er ekki að leyna að
kanslarinn, dr. Adenauer, er bak
við þeta lánamál og óvíst að það
hefði mikinn byr“ án hans.
Hvers vegna varð ekkert úr
lántökunni?
Kjarni málsins er þá sá, að
það er kanslarinn sjálfur, sem
fyrir einstakan velvilja og að
fyrra bragði hreyfir þessu máli.
Allar tilraunir núverandi stjórn-
ar íslands til að afsaka samskota-
beiðnir sínar til Atlantshafs-
bandalagsins með brigslyrðum í
garð Ólafs Thors eru þess vegna
gersamlega áhrifalausar.
Hins vegar væri æskilegt að
fá skýringar á því hjá mál
gögnum vinstri stjórnarinnar,
hvers vegna ekkert hafi enn
þá orðið úr töku stórláns í
Vestur-Þýzkalandi. Það er
sannað, að fyrrverandi ríkis-
stjórn átti þar kost á 400 millj.
kr. Iáni til rafveitufram-
kvæmda, sementsverksmiðju
og fleiri nauð'synjamála.
Brann ofan af sex
manna fjölskyldu
í GÆRMORGUN snemma vakn-
aði heimilisfólkið í húsinu Litii
Elliði á Seltjarnarnesi, við að
eldur var kominn upp í húsinu.
Varð fólkið að flýja á nærklæð-
unum út um glugga hússins. —
Maðurinn, sem þarna bjó, Hörð-
ur Haraldsson, hafði vaknað og
orðið eldsins var. Reyndi hann
að komast fram á ganginn en
varð frá að snúa og breiddist
eldurinn svo skjótt út, að hann
varð að flýja með konu og fjögur
börn sín út um gluggann, án
þess að geta tekið með sér nokk-
urn hlut. Brann allt sem brunnið
gat í húsinu, sem var hlaðið stein-
hús frá styrjaldarárunum og
Bretar höfðu byggt.
Húsið átti Kristján Elíasson
skreiðarmatsmaður. Allt innbú
Harðar var óvátryggt. Er tjón
hans því mjög tilfinnanlegt.
Fyrir svo sem viku síðan kom
eldur upp í þessu sama húsi en
skemmdir urðu þá smávægilegar.
H. C. Hansen og dr. Aden-
auer rœða um stoðvar
fyrir fjarstýrð skeyti
Sinfóníuhljómsveit íslancL
TÓNLEIKAR
n.k. þriðjudagskvöld 26. þ.m. kl. 8,30 e.h.
Stjórnandi:
WILHELM SCHLEUNING
Einsöngvari:
GUÐRÚN Á. SÍMONAR
Viðfangsefni eftir Schubert, Mozart, og Weber
Aðgöngumiðar seldir í Þjóðleikhúsinu
Seldir aðgöngumiðar að tónleikum sem halda átti 29.
október verða endurgreiddir eða teknir í skiptum.
Innilegustu þakkir til allra þeirra nær og fjær, sem á
einn eða annan hátt sýndu mér vinsemd á sjötugsafmæli
mínu þann 17. þ.m.
Guð blessi ykkur öll.
Jón Sveinsson,
Hátúni, Eskifirði.
Talið að Danir synji tilmælunum
PARÍS 23. nóv. — í gær ræddu
þeir H. C. Hansen, forsætisráð-
herra Danmerkur og dr. Adenau-
er, forsætisráðherra Vestur-
Þýzkalands, um þau tilmæli
Bandaríkjamanna að fá stöðvar
fyrir fjarstýrð kjarnorkuskeyti í
Vestur-Evrópu.
í fréttastofufregnum er talið,
að Danir muni ekki verða við
þessum tilmælum, en hins vegar
sé vestur-þýzka stjórnin enn óráð
in í því, hvað gera skuli.
Talið er sennilegt, að vestur-
þýzki utanrikisráðherrann, von
Brentano, muni ræða þessi mál
við Dulles, en von Brentano
kom til Washington í dag.
Mörg mál lögð fyrir
L.Í.Ú.-fund í gœr
EINS og skýrt var frá í fréttum
blaðsins í gær frá aðalfundi
Landssambands ísl. útvegsmanna
átti fundurinn að hefjast þá kl.
10 árdegis. Fundinum var þá
frestað til kl. 2 síðdegis, þar eð
nefndum hafði ekki unnizt tími
til að ljúka störfum sínum fyrr
en þá.
Er fundurinn hófst byrjuðu
nefndir að skila álitum, en þó
vannst ekki tími til að afgreiða
nema fá mál. Var því ákveðið,
að fresta fundarstörfum til kl.
2 síðd. á morgun (mánudag).
Þegar blaðið frétti síðast, var
vitað um mörg þau mál, sem lögð
yrðu fyrir fundinn m. a. um af-
stöðu íslendinga til fiskveiða við
Grænland, dragnótarveiðar í til-
raunaskyni á takmörkuðum svæð
um innan fiskveiðitakmarkanna,
ísfiskútflutning á vélbátum,
vaxtakjör og lánamál, bóta-
skyldu Hlutatryggingarsjóðs
bátaútvegsins vegna reknetja-
veiða, bætta fyrirgreiðslu í sam-
bandi við innflutning véla til
fiskiskipa og afnám aðflutnings-
gjalda af þeim, auk margs annars
þ. á. m. tillögu um lausn þess
vandamáls, sem skapazt hefur í
sjávarútveginum vegna skorts á
fiskimönnum. Þá var og von á
endanlegum tillögum um þýðing-
— Foringjarnir
Framh. af bls. 1
að taka völdin einir í sínar hend-
ur — án byltingar.
Á
í gærkvöldi var skýrt frá því
í Belgrad, að kommúnistaleiðtog-
ar frá ýmsum löndum hefðu hald
ið með sér annan fund í Kreml
16.—19. þ. m. — og að honum
loknum hafi fundarmenn, sem
voru fulltrúar 64 kommúnista-
flokka víðs vegar um heim, und-
irritað yfirlýsingu þar sem skor-
að var á þjóðir heims að vinna
ötullega að eflingu friðarins í
heiminum á þeirri braut, sem
Ráðstjórnarríkin hefðu markað.
í þessari yfirlýsingu eru brigzl-
yrði í garð Vesturveldanna ekki
jafnfjölskrúðug og ekki lögð jafn
mikil áherzla á traust bönd kom
múnistaflokksdeilda um allan
heim við Kreml. Fulltrúi júgó-
slavneska kommúnistaflokksins
undirritaði þessa yfirlýsingu.
armesta mál fundarins, sem er
rekstrargrundvöllur fiskiskip-
anna á næsta ári. Mun fundurinn
í aðalatriðum marka þá stefnu,
sem sambandsstjórn skuli fylgja
í viðræðum við ríkisstjórnina um
það mál.
Eins og áður segir, var upphaf-
lega ætlunin, að fundinum lyki í
gær, en það getur ekki orðið fyrr
en á morgun. Lýkur honum með
kosningu sambandsstjórnar, verð
lagsráðs og stjórnar innkaupa-
deildar sambandsins.
í gær sátu fundarmenn sídegis-
boð sjávarútvegsmálaráðherra.
— Sálfræbingar
Framh. af bls. 2
verndarráð og fá umsögn þess
um málið.
Ósennilegt er, að málið komi
til dóms í Hæstarétti á þessu ári.
Börnin hafa bæði um nokkurt
skeið verið á heimili frú Sigríðar
og Bjarna að Hurðarbaki í Reyk-
holtsdalshreppi í Borgarfirði.
Dagskrá Alþingis
Efri deild Alþingis mánudag-
inn 25. nóv. kl. 1%.
jFyrningarafskriftir, frv. —
1. umr.
Neðri deild Alþingis mánudag-
inn 25. nóv. kl. 1%.
Umferðarlög, frv. — 1. umr.
Ef leyft verður.
EGGERT CLAESSEN og
GÚSTAV A. SVEINSSON
hæstaréttarlögmcnn.
Þérshamri við Templarasund.
SKIPAUTÚCRÐ RÍKISINSi
V.s. HERMÖÐUR
fer til Hornafjarðar eftir helg-
ina. — Vöruinóttaka a mánudag-
inn. —•
Vinna
Hreingerningar
og alls konar viðgerðir. Vanir
menn. Fljót og góð vinna. Simi
23039. — ALLI.
Þökkum af hjarta samúðina, er við urðum aðnjótandi
við fráfall og jarðarför
ÓSKARS ÁRNASONAR
rakarameistara, og heiðurinn, sem sýndur var minningu
hans.
Gu-ðný Guðjónsdóttir
Haukur Óskarsson
Friðþjófur Óskarsson
Hulda Óskarsdóttir
Guðný S. Óskarsdóttir
Þórunn Petersen
Sasselja Þorstednsdóttir
Þorbjörg Magnúsdóttir
Kristjana Jósefsdóttir
Aðalsteinn Jóhannsson
Baldur Pálmason
Guðrún Árnadóttir.
Þökkum innilega sýnda samúð við fráfall og jarðarför
eiginmanns míns.og föður okkar
KRISTJÁNS TORFASONAR
bankafulltrúa
Sesselja Ottesen Jósafatsdóttir
og synir.
Jarðarför móður okkar
HELGU JÓNSDÓTTUR
fer fram miðvikudaginn 27. þ.m. og hefst með bæn að
heimili hennar Hringraut 90 kl. 1.15. Jarðað verður frá
Fríkirkjunni og athöfninni þar útvarpað.
Sylvía Halldórsdóttir,
Fanney Halldórsdóttir.
Kveðjuathöfn vegna fráfalls föður okkar
GUÐMUNDAR GUÐMUNDSSONAR
frá Vestra Fíflholti fer fram að Elli- og hjúkrunarheim-
ilinu Grund mánud. 25. nóvember klukkan 11 árdegis.
Jarðsett verður að Akurey í Vestur-Landeyjum þriðju-
daginn 26. þ.m. kl. 1. Blóm afbeðin, en þeim, sem vildu
minnast’hins látna, er bent á líknarstofnanir.
Bílferð verður frá Bifreiðastöð íslands kl. 9 f. h.
Börn hins látna.
%
Útför systur minnar
GUÐLAUGAR JÓNSDÓTTUR
er lézt 14. þ.m. fer fram þriðjudag 26. þ.m.. Hefst með hús
kveðju frá Vestri-Skógtjörn, Álftanesi kl. 1 e.h.
Útvarpað verður frá Bessastaðakirkju.
F.h. vandamanna.
Auðbjörg Jónsdóttir.
Bróðir okkar
GUÐMUNDUR GUÐMUNDSSON
fyrrum bóndi í Þjóðólfshaga, andaðist í Elli- og hjúkrunar-
heimilinu Grund 21. þ.m.
Jarðarförin ákveðin síðar.
Systkinin.
Dóttir mín
ELfN GÍSLADÓTTIR
verður jarðsungin frá Fossvogskirkju þriðjudaginn 26. þ.m.
kl. 1.30 e.h.
Fyrir hönd vandamanna.
Valgerður Grímsdóttir,
frá Óseyrarnesi.