Morgunblaðið - 08.11.1959, Blaðsíða 12

Morgunblaðið - 08.11.1959, Blaðsíða 12
12 MORGVTSBL4Ð19 Sunnudagur 8. nóv. 1959 tmgttttMaHfr Útg.: H.í. Arvakur, Reykjavík. Framkvæmdastjóri: Sigfús Jónsson. Ritstjórar: Valtýr Stefánsson (ábm.) Bjarni Benediktsson. Sigurður Bjarnason frá Vigur. Matthías Johannessen. Lesbók: Arni Óla, sími 33045. Auglýsingar: Arni Garðar Kristinsson. Ritstjórn: Aðalstræti 6. Auglýsingar og afgreiðsla: Aðalstræti 6. Sími 22480. Askriftargald kr 35,00 á mánuði innamands. 1 lausasölu kr. 2.00 eintakið „SVIKAVÉLIN" Samkvæmt upplýsingum Tímans og Þjóðviljans stendur ekki á kommún- istum að hefja samninga við Framsókn um nýja vinstri stjórn. Kommúnistar voru m. a. s. svo gírugir til viðræðnanna, að Þjóðviljinn taldi trúlegt að þær „hæfust fljótlega", þó að hann vissi það eitt um afstóðu Alþýðu- flokksins, að kosningastefnuskrá hans hafi að sögn blaðsins sjálfs verið „mjög svo samhljóða" kosningastefnuskrá Sjálfstæðis- flokksins! Sama dag og Þjóðviljinn lýsti ákefð sinni í nýja samstjórn Framsóknar og kommúnista, sagði hann sannað „að yfirmenn hernámsliðsins hafa staðið að svikahring í þágu olíufélaga Framsóknarflokksins og þegið mútur fyrir". Áður hafði Þjóðviljinn lýst þessum „svikahring í þágu olíu- félaga Framsóknarflokksins" svo: „Komið var á laggirnar ís- lenzk-bandarískum afbrotahring, er falsaði faktúrur og yfirlýs- ingar til að tryggja smyglið". Einn daginn ræddi Þjóðviljinn um gjaldeyriseftirlitið undir yfir stjórn Vilhjálms Þórs og sagði: „Og hver veit, hvort öll kurl eru hér komin til grafar? Hver veit, hvort ekki hefur verið stol- ið undan milljónum króna í við- bót og þær upphæðir séu geymd- ar á nöfnum ráðamanna Olíufé- lagsins, Sambandsins og Fram- sóknarflokksins". Sama daginn birti Þjóðviljinn mynd af aðalfyrirsögn Tímans hinn 9. júlí sl., þar sem sagt var: „Ekki kunnugt, að rannsókn hafi leitt í ljós neitt misferli". Um þessa frásögn sagði Þjóðvilj- inn: „Logið að samvinnumönn- um", og er það sannarlega sízt ofmælt. 1 enn annað skipti fjölyrti Þjóðviljinn um „siðlausar afsak- anir Tímans" og sagði: „-------afsökunartilraunir Tím- ans sýna bezt, hversu samgróin sjálf forysta Framsóknar er spillingunni; hún er reiðubúin til að sýkna smyglara sína og lög- brjóta eftir pólitískum leiðum, hvað svo sem lög og réttur segja". Þannig hljóða nú daglega lýs- ingarnar á forystuliði Framsókn- ar, mönnum, sem kommúnistar eru ólmir í að semja við um stjórn íslands! Ekki er látið nægja að lýsa hinum væntanlegu samstarfsmönnum sem siðlaus- um svikurum, heldur er einnig tekið svo til orða: „-------veit öll þjóðin að engir hafa dekrað jafntaumlaust við hernámsstjórana og olíumenn Framsóknar. Þeir höfðu m. a. sérstaka einkaflugvél, sem fyrst og fremst var notuð til þess að selflytja yfirmenn hernámsliðs- ins í skemmtiferðir um landið. Þess var vandlega gætt að svika- vélina skorti ekki smurning". En það var einmitt þessi svika- vél, sem á dögum V-stjórnarinn- ar flutti forsætisráðherra henn- ar, Hermann Jónasson, frá lax- veiðum suður til Reykjavíkur, þegar mikið lá við og lífi stjórn- arinnar var sérstök hætta búin. „Svikavélin" má því teljast eins konar tákn eða lífgjafa vinstra samstarfsins. Svikin, sem V-stjórnin gerði sig seka um, eru svo mörg, að þau verða ekki talin í skjótri svipan. Sum hinna helztu eru og svo föst í hugum manna, að ó- þarfi er að minna á þau. Það eru heldur ekki hin ein- stöku svik, sem mestu máli skipta. Hugarfarið, sem undir býr, ræður í sjálfu sér méira. V-stjórnin gat ekki blessazt, af því að hún var byggð á svikum frá upphafi. Þátttakendur henn- ar vildu að vísu njóta valdanna, en þeir sátu stöðugt á svikráð- um hver við annan og komu sér aldrei saman um neitt, sem horfði til þjóðarheilla. Lýsingar Þjóðviljans á Fram- sóknarbroddunum þessa dagana sanna, að hugarfarið er enn óbreytt. Samvinna manna, sem slíkan hug bera hver til annars, getur aldrei blessazt. Málefna- ágreiningur er erfiður, en erfið- ara er, ef maður með réttu eða röngu er sannfærður um, að hann sé að vinna með siðlausum afbrotamönnum, svo sem Þjóð- viljinn lýsir Framsóknarbrodd- unum nú. ATHYGLISVERÐ GJÖF Eitt af stærstu og kunnustu fyrirtækjum bæjarins, Egill Vilhjálmsson hf., átti 30 ára starfsafmæli nýlega. Vöxtur þess og viðgangur sýnir, að það hefur verið rekið af dugn- aði og hagsýni. Sérstök ástæða er til að minn- ast afmælisins vegna þeirrar gjafar, sem fyrirtækið gaf í til- efni 30 ára afmælisins. Þá ákvað félagið að gefa 70 sús. kr. í náms styrk fyrir efnalítinn og efnileg- an stúdent í viðskiptafræðum hér við háskólann, sem ljúki prófi hér innan eins árs og prófi í sömu fræðum við erlendan há- skóla á næstum þremur árum. I Bandaríkjunum er það lög- fest, að innan vissra marka mega menn skattfrjálst gefa til þjóð- nytja. Engin slík almenn heimild er í ísl. lögum. Greiða verður fullan skatt af þeim tekjum, sem í slíku skyni er varið. Ragnhild- ur Helgadóttir hefur á Alþingi vakið athygli á því, að þessu þyrfti að breyta. Sjálfsagt er að reisa rammar skorður gegn mis- beitingu, en því verður ekki neitað að hugmyndin sjálf er harla athyglisverð. SMkar frjálsar gjafir einstakl- inga tryggja meiri fjölbreyttni og frjálsræði, en þegar allir eiga undir högg að sækja hjá ríkis- skipuðum nefndum. Hér er því vissulega um eitt þeirra atriða að ræða, sem vert er að hafa í huga við endurskoðun skattalög- gjafarinnar. En því meiri ástæða er til að meta þær gjafir, sem gefnar eru á meðan skattalöggjöfin er óbreytt. Því ber að fagna, þegar miklir athafnamenn sýna skiln- ing sinn á aukinni menntun æskulýðs. Framtíð þjóðarinnar er undir fáu fremur komin en því, að íslendingar verði ætíð meðal bezt menntuðu þjóða í heimi. UTAN UR HEIMI *\ Yogakennari lækn- ar áfengissjúklinga I KAUPMANNAHÖFN starfar kennari nokkur í Yoga, Paul Kofod að nafni. Hann hefir mik- ið að gera — og starfið eykst hröðum skrefum. Það gerist sem sé æ tíðara, að læknar þar í landi, svo og læknar í Svíþjóð og Finnlandi, sendi til hans á- fengissjúklinga. — Kofod beitir sefjun við sjúklingana — og honum hefir tekizt að bjarga mörgum, sem langt voru leiddir af ofnotkun áfengis. ? Yogakennarinn hefir sjálfur sagt frá því, sem helzta afreki sínu, að honum tókst fyrir nokkru algerlega að lækna sænskan mann, sem áður virtist heyja gersamlega vonlausa bar- áttu við vínhneigð sína. Þegar verst gegndi drakk þessi maður yfir 1 lítra af hreinum spíritus á sólarhring — að sögn „læknis- ins". — Hann kveðst ekki láta sjúklinga sína falla í dásvefn, heldur beiti hann léttri sefjun og „sálfræðilegum samtölum", eins og hann nefnir það. Þegar sjúklingarnir eru farnir að ná sér nokkuð á strik, fer hann svo að kenna þeim ýmsar Yogaæf- ingar. Takmarkið með þessu öllu er eitt og hið sama — að styrkja viljann. • + Allir vita, að það fylgir sum um stöðum að þurfa oft að taka þátt í ,,kokkteil"-boðum og hvers kyns veizlum. Þetta verður ýms- um að falli — þeir verða um síð- ir of handgengnir vínguðinum. — Yogakennarinn hefir bjargað mörgum slíkum „fölinum engl- um" — og í mörgum tilfellum standa fyrirtæki þau, sem slík- ir menn vinna hjá, að því að þeir leita til Kofods — því að oft er að sjálfsögðu um að ræða ágæta starfskrafta, sem fyrir- tækin vilja ekki sjá fara'í súg- Grefa enn.... Menn velta því nú fyrir sér, hvort hin dularfulla Greta Garbo muni aftur birtast í sviðsljós- inu eftir um það bil 20 ára hvíld. Vitað er til að margir hafa lagt Greta Garbo myndafélög boðið henni háar upp fast að henni að byrja að leika á ný, m.a. Churchill, og kvik- Jb e $ s i )Sterkur M A X Hartmann heitir hann, þessi kraftakarl — og þýzkur er hann í húð og hár. A dögunum sýndi hann krafta sína í Frank- furt — hélt föstum tveim Mercedes-Benz bílum. — Eins og þið sjáið á mynd- inni, voru kaðlar bundn- ir í aftur-„stuðara" híl- anna, en- endunum vaf ði Hartmann um handlegg- ina. Hinir kraf tmiklu bíl- ar heittu síðan öllu sínu vélaafli til þess að kom- ast af stað, en hreyfðust varla hársbreidd —- „spóluðu" bara á sléttri götunni. — Sá sterki leit út eins og hann hefði tvo litla kjölturakka í bandi. hæðir, en árangurslaust. En fyrir skömmu birtist Garbo ásamt vini sínum George Schlee í París og talaði þar við franska kvikmynda framleiðendur, en ekki er vitað hver niðurstaðan varð. Mikið hefur verið um það rætt, hve mannfælin Greta sé og erfitt að ná af henni ljósmyndum. — Fréttamaður blaðs eins sá hana hins vegar í París og gekk góða stund á eftir henni eftir götum borgarinnar. — Aðeins einstaka maður, sneri sér við og horfði á eftir leikkonunni. Svo kannske er all- ur leyndardómurinn í kringum þessa frægu leikkonu orðum auk- inn. FRETTASTOFAN Ass- ociated Press flytur fregnir af merkilegu „antibiotisku" lyfi, sem nýlega hefir verið tek- i3 í notkun. Nefnist það „griseofulvin". — í fregninni er talað um þetta nýja lyf sem ein- hvern merkasta áfang- ann í framsókn lækna- visindanna, siðan pen- icillin kom til sögunn- ar á sinum tíma. if Griseofulvin er not að til lækningar á ýms- um húðsjúkdómum, og þá sér í lagi sveppa- sjúkdómum — og eftir fyrrgreindum fregnum að dæma, er það ein- mitt hið merkasta við þetta nýja lyf, þar sem Nýtt afrek í læknavísindum ekkert annað hinna I „antibiotisku" lyfja er virkt gegn sveppasjúk- dómum. — Griseofulvin er gefið sem töflur — og lyfið er yfirleitt mjög fijótvirkt. Segir t.d. í fyrrnefndum heimild- um, að tekizt hafi með því að latkna ýmsa húð sjúkdóma jafnvel á fá- um dögum — sjúkdóma sem menn höfðu ekki áður fengið neina end- anlega bót á. ic AP-fréttastofan — skýrir frá því, að lækn- ar frá Bandaríkjunum og 11 öðrum löndum hafi nýlega rætt um lyf þetta og árangurinn af þvi á læknaráðstefnu í Miami — og hafi þeir flestir verið sammála um það, að griseofulvin væri eitthvert merkasta afrek læknisfræðinnar siðan penicillinið kom fram. — Þá segir, að dr. J. L. Pipkin við háskól ann í Miami hafi gefið mönnum griseofulvin- töflur í fyrsta skipti fyr ir ári — og síðan hafi honum tekizt að lækna 30 sjúklinga, sem áður höfðu reynt margs kon- ar lyf, án þess að fá bót meina sinna. •fr G r ise of ulvin er mjög dýrt — enn sem komið er a.m.k., og er því ekki orðið verulega útbreitt — en læknar, sem hafa fengið að kynnast því, eru yfir- leitt sammála um ágæti þess, að því er segir í fyrrgreindum fregmum Asociated Press.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.