Morgunblaðið - 30.04.1960, Blaðsíða 23

Laugardagur 30. apríl 1960
M ORGVNBL AÐ1Ð
23

Hjá afa og Ömmu
Frúin í Litlagarði
íímí
Tveir nýir togarar
Á ANNAN í páskum var að
fullu lokið smíði á skrokk
tveggja nýrra togara, Freys
og Sigurðar, og hefur þess
verið getið í fréttum blaðs-
ins. Þessi mynd er af Frey
og Sigurði, tekin skömmu
eftir að þeir runnu út úr
skipakvínni, þar sem þeir
voru smíðaðir, hlið við hlið.
Þessir togarar verða syst-
urskip og eru hvor 1000
tonna togarar. Þeir eru 64
metrar á lengd á milli lóð-
lina, rúmir 10 metrar á
breidd og dýptin yfir 5 m.
Togararnir verða með svo-
nefndri skiptiskrúfu og
verða það fyrstu stóru skip-
in hér búin slíkri skrúfu, að
Maí meðtöldum. Á skifti-
skrúfu er hægt að breyta
skurðskrúfunni eftir því,
sem við á, hvort heldur
skipið er á siglingu eða að
toga. Skírn skipanna fór að
sjálfsögðu fram með við-
höfn, og að loknum ávörp-
um Hölander forstjóra
Seebeck-stöðvarinnar og
eigenda skipanna, voru þau
■skírð upp úr kampavíni, en
þjóðsöngvar Þýzkalands og
íslands leiknir. Á eftir var
voru meðal þeirra Gísli
Jónsson alþm. og skipaskoð
unarstjóri, Hjálmar R. Bárð
arson, er flutti kveðjur og
árnaðaróskir sjávarútvegs-
málaráðherra. Meðal gesta
voru ýmsir frammámenn
þýzkir, t.d. bankastjórar
hinna þýzku banka er ann-
ast bankaviðskiptin vegna
togarakaupanna. — ísbjörn
inn hf. á Frey og skírði
hann kona Ingvars Vil-
hjálmssonar, útgerðar-
manns, en fsver hf. á Sig-
urð og skírði hann 10 ára
dóttir Einars Sigurðssonar,
útgerðarmanns.
Bílakaup komu piltunum
út á þjófnaðarb rautina
Bílstjórarnir þrír hafa á 6 mánuBum
stolið 160,000 krónum
RANNSÓKNARLÖGREGL-
AN skýrði blöðunum frá því
í gær, að lokið værí að mestu
lögreglurannsókn í máli bíl-
stjóranna þriggja, sem hand-
teknir voru á dögunum og
fjöldi innbrota hefur sannazt
á eða þeir játað á þeim sex
mánuðum, sem þeir hafa í
vaxandi mæli stundað inn-
brot og rán. Þeir hafa alls
rænt í reiðu fé um 160 þús-
und krónum. Hér var ekki
um að ræða neitt ölvunar-
æði, sem greip mennina. —
Það, sem steypti þeim í þessa
miklu ógæfu, var, að einn
þeirra réðst í það að kaupa
Bjúikk-bíl, er var dýrari en
það að hann fengi við ráðið
með atvinnutekjum sínum,
og þá var gripið til þess að
fremja innbrot, gagngert í
þeim tilgangi að stela pen-
ingum.
Ingólfur Þorsteinsson, yfirvarð
stjóri, skýrði frá rannsókn máls-
ims, en auk hans voru viðstaddir
Jón E. Halldórsson og Njörður
Snæhólm. Þessir rannsóknarlög-
reglumenn hafa unnið mest að
því að koma upp um þremenn-
ingana, þó það verk hafi verið
unnið af fleiri rannsóknarlög-
reglumönnum.
Tveir piltanna, sem eru tví-
tugir að aldri og einn 19 ára,
hafa brotizt inn á 46 stöðum
alls hjá yfir 50 fyrirtækjum.
Þeir hafa ekki aðeins verið
að verki hér í Reykjavík held-
ur og í Hafnarfirði, þar sem
þeir frömdu 4 innbrot, tvö í
Kópavogi og eitt vestur á Sel-
tjarnarnesi. Og Ingólfur Þor-
steinsson hélt áfram að lesa
tölur um innbrotin.
Þeir byrjuðu fyrst tveir saman,
og annar þeirra, sem mest hefur
komið við sögu, hefur tekið þátt
í 42 innbrotum, annar í 27 og sá
þriðji í 22. Við þrjú innbrot, ekk-
ert meiriháttar peningaþjófnaðar
innbrot voru þeir allir þrír.
• Hægt af stað
Þeir fóru sér hægt fyrstu þrjá
mánuðina, frömdu fjögur inn-
brot í október, fimm í næsta mán
uði og fjögur í desember. Það
var í janúar, sem þeir juku af-
köstin og frömdu þá innbrot á 11
stöðum, fjórum í febrúar, 16 í
marz og tvö í apríl Það var ein-
mitt aðfaranótt páskadags, sem
þeir voru handteknir vestur við
skipasmíðastöð Daníels Þorsteins
sonar.
Fé það, sem þremenningarn-
ir hafa stolið er um 160.000
krónur. En verðmæti þess
varnings, tækja og áhalda,
sem þeir hafa stolið. svo og
skemmdarverk þau og spjöll
er líklega kringum 160 þús. kr.
# Fryst fé.
Þá hefur þjófnaður mann-
anna á bankabókum valdið
því, að fyrirtækin hafa orðið
að frysta hundruð þúsunda
króna, allt upp í sex mánaða
tíma. Ávísanir og verðbréf,
sem þeir stálu, skiptu tugum
þúsunda. T. d. í kössum þeim
sem sagðir eru liggja í leðju-
botni Tjarnarinnar eru banka
bækur að sögn þjófanna, sem
Mjólkursamsalan átti, en í
þeim eru um 200.000 krónur,
sem enn eru frystar.
Og spurningunna um það í
hvað peningarnir hafi farið, þ.
e. a. s. allt það reiðu fé, sem þeir
stálu, er það um að segja, að því
eyddu þeir í skemmtanir og bíla-
útgerð. Tveir bílar voru í út-
gerð þremenninganna en hverf-
andi lítið fór í áfengiskaup. því
mennirnir eru reglusamir í þeim
efnum. Nokkuð af þýfinu fannst
aftui í vörzlu þeirra.
Misskilningur er að þeir hafi
notað logskurðartæki til að opna
þá peningaskápa, sem þeir námu
á brott. Einn hafði yfirráð yfir
bílskúr vestur í bæ og þar voru
skáparnir skornir upp og til
þess notaður meitill.
Blöðin hafa þegar getið allra
hinna helztu innibrota sem þre-
menningarnir hafa á sig játað,
en að auki má geta þess að það
voru þeir, sem brutust inn í Laug
ardalsleikvanginn, í allmörg fyr-
irtæki í Hamarshúsinu, og í sund-
höll Hafnarfjarðar. og hjá ís-
birninum á Seltjarnarnesi.
Þremenningarnir sitja enn í
varðhaldi. Mál þeirra hefur orð-
ið eitt hið allra umfangsmesta
þjófnaðarmál, sem rannsóknar-
iógreglan hefur upplýst síðan
hún tók til starfa fyrir rúmlega
20 arum.
— Ankara
Framh. af bls. 1.
að einn særðist til ólífis, en nokkr
ir minna. Útgöngubann var sett í
Ankara í nótt. Algert samkomu-
bann hefur og verið sett á, en
það nær þó ekki til erlendra
sendimanna. Útkoma nokkurra
blaða hefur verið stöðvuð.
Síðari fregnir frá Ankara
herma, að mikill fjöldi stúdenta
hyggist láta berast fyrir i há-
skólanum í nótt. Var þeim gefinn
15 mínútna frestur til að yfirgefa
bygginguna, áður en útgöngu-
bannið gekk í gildi, en þeir
hreyfðu sig ekki.
Yfir 10 stúdentar slösuðust
í dag og einnig margir lög-
regluþjónar. í Istanbul kom
til átaka sama eðlis og í An-
kara, og neyðarástandi hefur
verið lýst í borginni. Lögregl- '
an hefur stöðvað umferð um
margar götur í miðborginni.
ÚT ERU komnar hjá Almenna
bókafélaginu bækur mánaðarins
fyrir apríl og maí. Eru þær Hjá
afa og ömmu, eftir Þórleif Bjarna
son, og Frúin í Litlagarði eftir
hollenzka skáldkonu, Maria Der-
mout. Hefur Andrés Björnsson
þýtt þá bók.
Hjá afa og ömmu er sjötta bók
Þórleifs Bjarnasonar, en allar
fyrri bækur hans hafa vakið
mikla athygli, eins og kunnugt
er. Þessi nýja bók er bernsku-
minningar höfundar frá Hælavík
í Sléttuhreppi á Hornströndum,
en þar ólst hann upp hjá afa
sínum og ömrnu, Guðna Kjartans
syni og Hjálmfríði ísleifsdóttur.
Er þetta sérlega skýr frásögn af
sálarlifi sveitadrengs og samlífi
hans við fólk, dýr og hina dauðu
náttúru, sem hann lifir sig svo
inn í, að fjöll og steinar fá mál
í vitund hans. Inn í þetta flétt-
ast glöggar lýsingar á fólkinu
umhverfis hann, heimilisfólkinu
í Hælavík, einkum afa hans og
ömmu, og einnig þeim, sem þang
að koma eða hann hittir, svo sem
Betúel í Höfn, Jóni lækni Þor
valdssyni, séra Magnúsi Jóns-
syni að ógleymdum Árna Sig-
urðssyni í Skáladal, sem lesand
inn fær af glögga mynd í stuttu
samtali.
Sléttuhreppurinn er nú í eyði,
og meiri hluti þess fólks, sem
lesandinn kynnist hér, kominn
undir græna torfu. En Þórleifur
Bjarnason hefur reist því fagra
bautasteina í minningabók sinni.
Maria Dermout (frb. Dermát),
höfundur Frúarinnar í Litla-
garði, er roskin kona, sem ól
aldur sinn fram yfir sextugt
austur á Indlandseyjum. Hún
hóf ritstörf 63 ára að aldri. Frú-
in í Litlagarði kom fyrst út
1955, og var höfundur hennar þá
67 ára. Hefur sagan síðan komið
út fjórum sinnum í Hollandi og
auk þess verið þýdd á fjölmörg
önnur mál. Nú nýlega hefur sag-
an verið kvikmynduð.
Frúin í Litlagarði gerist á
Moluccaeyjum í IndóneSíu og
og segir frá evrópskri konu, allt
frá bernsku hennar og fram á
elliár, og því margvíslega fólki,
sem hún umgengst. Er sagan 1
senn einkennileg og spennandi
og fær á sig sérkennilegan, dul-
rænan blæ, sem stafar sumpart
af stöðugri nálægð liðins tíma,
sumpart af hinu óvenjulega um-
hverfi, sem höfundurinn leiðir
lesandann í.
Bækurnar verða sendar um-
boðsmönnum Almenna bókafé-
lagsins út um land um þessa
helgi, en fyrir félagsmenn í
Reykjavík eru þær til afgreiðslu
í skrifstofu útgáfunnar að Tjarn
argötu 16.
— Grimsby
Framh. af bls. 1
Norðlendingur með um 170 tonn.
Allur er þessi afli veiddur á
heimamiðum og er aðallega
þorskur og ýsa.
Þess má að lokum geta, að á-
stæðan til þess hve margir Is-
lenzkir togarar sigla nú með afla
sinn á Bretlandsmarkað er sú,
að undanfarið hefur fengist ó-
venjugott verð fyrir íslenzkan
fisk þar ytra eins og kunnugt er.
— Knattspyrnan
Framh. af bls. 22.
velli við Chelsea, Burnley leikúr heima
við Fulham og Tottenham leikur gegn
Þar sem Burnley á eftir 2 leiki, leik-
ur n.k. mánudag við Manchester City,
þá þarf liðið þrjú stig til að vera
öruggt um sigur í keppninni. Er al-
mennt reiknað með að öll þessi þrjú
lið sigri í dag og mun þá leikurinn nk.
mánudag milli Burnley og Manchepter
City skera úr um væntanlega sigur-
vegara.
Burnley hefur ekki sigrað í deildar-
keppninni síðan 1921, en Wolverhamp-
ton er núverandi meistari.
Með sigrinum yfir Söúthend hefur
Norwich tryggt sér sæti í II. deild
næsta keppnistímabil ásamt Sout-
hampton.
Félagslíl
Tennnis og Badmingtonfél, Rvik.
Samæfing verður laugard. 30.
apríl fyrir meistarafl. í KR-hús-
inu kl. 2—5_ fyrir 1. fl. í Valshús-
inu kl. 3.3CÍ—7. Frestur til þátt-
tökutilkynninga í íslandsmótið
útrunninn 1. maí.
Skíða- og gönguferð á Skarðs-
heiði sunnud. kl. 8 frá BSR. —
Guðmundur Jónasson.
Ferð í Raufarhólshelli kl. 10
sunnud. frá BSR.
Guðmundur Jónasson.
Ferð á Reykjanesvita og
Grindavík kl. 10 sunnud. frá
BSR. —
Guðmundur Jónasson.
KR knattspyrnudeild
3. og 4. fl. — Áríðandi fundur
verður í kvöld kl. 7,45 í félags-
heimilinu. — Rætt verður um
væntanlega Skotlandsferð o. fl.
— Þjálfararnir.
KAFFISALA
Kristniboðsfélag kvenna í
Reykjavík efnir til sinnar árlegu
vinsælu kaffisölu sunnudaginn
1. maí í Kristniboðshúsinu Bet-
anuí, Laufásveg 13, kl. 3 e. h.
Þar verður á boðstólum kaffi
með heimabökuðum kökum,
tertum og smurðu brauði og flat-
kökum. — Góðir Reykvíkingar!
— Styrkið gott málefni. Drekkið
síðdegis og kvöldkaffi hjá okk-
ur. — Allur ágóði rennur til ísl.
kristniboðsstöðvarinnar í Konso.
— „Drottinn gleður glaðan gjaf-
ara“. — Verið hjartanlega vel-
komin. — Stjórnin.
I. O. G. T.
Barnastúkan UNNUR nr. 38.
Fundur í fyrrmálið kl. 10,15.
Gæzlumaður.
VILHELMÍNA KRISTJÁNSDÓTTIR
sem lézt á Elliheimilinu Grund 25. apríl verður jarðsett
frá Fossvogskirkju mánudaginn 2. maí kl. 3.
Vandamenn.
Beztu þakkir öllum þeim sem vottuðu vináttu og samúð
við andlát og jarðarför
ÖNNU GUÐMUNDSDÓTTUR
Skaftahlíð 38.
Vandamenn.
Jarðarför fósturmóður okkar
JÓHÖNNU VILBORGAR JÓNSDÓTTUR
Efra-Langholti,
sem andaðist 25. apríl, fer fram að Hruna mánudaginn
2. maí kl. 2 eftir hádegi. — Ferð frá B.S.Í. kl. 11,30.
Sveinn Kristjánsson, Jóhann Einarsson.