Morgunblaðið - 04.10.1962, Blaðsíða 6

6
MORGU N BL ifílÐ
Fimmtudagur 4. okt. 1962
Aukin starfsemi Hand-
íða og IHyndlistaskolans
HANDÍÐA- og myndlista-
skólinn er nú að hefja starf-
semi sína á þessum vetri. —
Forstöðumaður skólans verð
ur í vetur, eins og í fyrra,
Kurt Zier. í vetur verður
brotið upp á ýmsum nýjung-
um. —
Undirbúningsdeild
Nú hefur verið tekinn upp sá
háttur, að allir nemendur, sem
fara í einhverja sérgrein, þurfa
áður að hafa loftið tveggja ára
námi í undirbúningsdeild. Þar
verður m. a. kennd teiknun
hluta og líkama, lita- og form-
fræði og listasaga.
Miðskólinn á
Selfossi settur
Selfossi 2. okt.
í DAG var miðskólinn hér settur
og verða í honum í vetur 110
nemendur í þremur bekkjum,
sem skiptast í sex deildir. Við
skólann starfa í vetur fjórir fasta
kennarar og þrír stundakennar-
ar. — Ó.J.
Fulltrúar á
ASÍ-þing
NÝL.EGA hafa verið kjörnir
eftirtaldir fulltrúar á þing ASÍ:
Verkalýðsfélag Austur-Eyja-
fjallahrepps: Sigurjón Guðmunds
son.
Bílstjórafélag Rangæinga: Hall
grímur Pétursson.
Verkalýðsfélag Akraness:
GuSm. R. Ólafsson, Herdís Ólafs
dóttir og Árni Daníelsson.
Verkalýðsfélagið Ví'kingur í
Vík: Sigurður Gunnarsson.
Verkalýðs- og sjómannafélag
Gerðahrepps: Sigurður Hall-
mannsson.
Verkalýðsfélag Patreksfjarðar:
Bjarni Finnbogason, Marteinn
Jónsson og Snorri Gunnlaugsson.
Bakarasveinafélag íslands:
Guðmundur Hersir.
Verkalýðsfélag Báran Eyrar-
bakka: Þórarinn Kristjánsson.
Verkalýðsfélag Vopnafjarðar;
Sigurjón Jónsson og Davíð Vig-
fússon.
Heybruni
# Hreppum
Selfossi 2. okt.
í MORGUN, er Jón bóndi Sig-
urðsson að Skollagróf í Hrepp-
um kom á fætur, varð hann þess
var að eldur var laus í hlöðunni.
Var þetta um klukkan hálf sjö í
morgun. Veður var gott og því
auðveldara að fást við eldinn.
Hringt var eftir hjálp á næstu
bæi og ennfremur kom slökkvi-
liðið frá Selfossi á vettvang. Um
2/3 hlutar heysins í hlöðunni
voru bornir út og heyið sett í
galta á túninu. Telur Jón að
tiltölulega lítið hafi skemmst af
heyi og hlaðan mun óskemmd.
Tókst því betur til en á horfðist.
— ÓJ.
Framhaldsgreinarnar
Framhaldsgreinarnar verða
að nokkru leyti þær sömu og
áður, frjáls myndlist, frjáls graf-
list, teiknikennaradeild, vefn-
aðarkennaradeild og listvefnað-
ur. í vetur verður svo hafin
kennsla í tveimur greinum, hag-
nýtri graflist og tízkuteiknun.
Umræðukvöld
1 vetur verður einnig byrjað
á umræðukvöldum, þar sem
ýmsir sérfróðir menn munu
flytja stutt erindi um ýmis list-
fræðileg efni og annað, er að því
lýtur. Með erindunum munu að
jafnaði verða sýndar skugga-
myndir og á eftir verður efnt til
frjálsra umræðna.
Umræðukvöld þessi verða ann
an hvern miðvikudag, það fyrsta
10. október, og eru allir nem-
endur skólans og aðrir áhuga-
menn velkomnir.
Skólinn undirbúningur
undir frekara nám erlendis.
Kurt Zier lagði að lokum á-
herzlu á, að æskilegt væri að
deildir skólans væru fleiri, en
því hamlaði bæði húsnæðis- og
kennaraskortur. Skólinn væri
nú að færast í það horf að vera
frekar undirbúningur undir
framhaldsnám við erlenda lista-
skóla.
Kurt Zier benti að lokum á,
hversu sjálfsagt væri að nem-
endur lærðu sem mest hér
heima, áður en þeir færu utan,
í stað þess að eyða miklum tíma
í að læra undirstöðuatriði list-
greinarinnar erlendis.
Datt og hrygg-
brotnaði
Akureyri 2. okt.
KLUKKAN átta í morgun er
menn voru að vinna við að
byggja ofan á aðra hæð hússins
nr 33 við Eyrarveg hér í bæ,
vildi svo .1 að einn smiðanna,
Björn Sigurðsson, Fjólugötu 20,
féll niður um stigaop og niður á
gólf á næstu hæð. Var hann
þegar fluttur í sjúkrahús og við
athugun reyndist hann vera
hryggbrotinn. Björn er ekki tal-
inn í lífshættu og mun líðan
hans sæmileg eftir atvikum. —

Leiklistarskóli
Þjóðleikhúss-
ins settur
LEIKLISTARSKÓLI Þjóðleik-
hússins var settur sl. mánudag.
Inntökupróf í skólann fóru fram
fyrir n-okkru og stóðust 12 nem
endur prófið og hefja þeir nú
nám í skólanum. Námstími er
tvö ár.
Kennarar við skólann eru leik
ararnir: Haraldur Björnsson,
Gunnar Eyjólfsson, Klemenz
Jónsson, Jón Sigurbjörnsson
Krisfcín Magnúsdóttir og Baldvin
Halldórsson, en auk þeirra
kenna við skólann prófessorarn
ir Steingrímur J. Þorsteinsson
og Símon Jóh. Ágústsson. Skóla
stjóri skólans er Guðlaugur Rós
inkranz þjóðleikhússtjóri.
Þrír líflátnir
Key West, Florida,
2. október — AP.
ÚTVARPIÐ 5 Havana skýrði frá
því í morgun, að þrír menn, sem
staðið hafi að samsæri gegn
stjórninni, hafi verið teknir af
lífi í Las Villas héraði — og
aðrir hafi verið handteknir. Út-
varpið skýrði ekki frá nánari til-
drögum, né hvenær aftökurnar
hefðu verið framkvæmdar.
ÞESSI rr.ynd er tekin nú fyrl
ir helgina af myndarlegum
stafla af hitaveiturörum, sem
ætluð eru í verk þau, sem
verið er nú að vinna á vegum
Hitaveitu Reykjavíkur í Laug
arneshverfi og Hlíðahverfi.
Hér er aðeins um að ræða
hluta þess mikla efnis, sem
þarf til framkvæmdanna,
þetta eru stærstu rörin og
í staflanum eru 569 rör, sem
alls vega 228% tonn og kosta
í innkaupi rúmar 2,5 milljón
ir króna. En alls þarf í þessi
verk rör, sem kosta 6—l millj.
króna. Ljósrr.. Mbl ÓI K M
Þorbjörn Þórðar-
son opnar sýningu
SÍÐASTLIÐINN laugardag opn-
aði Þorbjörn Þórðarson mál-
verkasýningu í Bogasal Þjóð-
minjasafnsins. Á sýningunni er
21 Olíumálverk. Þorbjörn er húsa
málari og lauk prófi í þeirri iðn
í Kaupmannahöfn árið 1926. —
Síðan hefur hann verið málari
og málarameistari í Reykjavík,
þar til fyrir tveimur árum, er
fór til Kaupmannahafanar til
náms í málaralist. Hann hefur
síðan helgað sig þessu gamla
hugðarefni sínu. Hann var einnig
við nám síðastliðinn vetur, þá í
París. Myndirnar eru allar málað
ar á þessum tveimur árum ýmist
heima eða erlendis. Sýningunni
lýkur næstkomandi sunnudags-
kvöld.
Yfirlýssng
ÞAR sem flest dagblaðanna léta
þess getið við nýafstaðið full-
trúakjör til Alþýðusambands-
þings í Múrarafélagi Reykjavík-
ur, að þrír félagsmenn hefðu
kært kosninguna og talið að fé-
lagið hefði valið of marga full-
trúa, þá þykir stjórn félagsins
rétt að taka nú fram eftirfar-
andi:
1. Kjörstjórn félagsins úrskurð-
aði samdægurs þessa kæru ó-
gilda og var sú bókun undir-
rituð fyrirvaralaust af kjör-
stjórn og fulltrúum beggja
framboðslista.
2. Kærendur sendu þá afrit
kæru sinnar til miðstjórnar
ASÍ með ósk um rannsókn á
lögmæti kæru sinnar.
3. Að lokinni rannsókn þar til
kjörinna trúnaðarmanna mið-
stjórnar ASf hefur félaginu í
dag borizt bréf frá miðstjórn-
inni þar sem niðurstaðan er
orðrétt þannig í lok bréfsins:
„1 samræmi við þetta telur
miðstjórnin að Múrarafélag
Reykjavíkur hafi átt rétt á
að kjósa þrjá fulitrúa á 28.
þing ASl eins og það gerði“.
Reykjavík, 2. október 1962.
Virðingarfyllst,
Stjórn
Múrarafélags Reykjavíkur.
• Ekki gert ráð fyrir
gluggatjöldum
Ég kom um daginn í
splunkunýja íbúð. Þetta var á-
kaflega falleg íbúð að sjá, allt
nýmálað og pússað og fólkið
var að flytja inn.
Þegar ég kom inn í stofuna,
sá ég hvar húsmóðirin stóð
uppi á stól, kófsveitt eftir að
hafa straujað marga metra af
gluggatjöldum, og var hún að
hengja þau fyrir. En það var
bara einn galli á gjöf Njarðar.
Húsið var alls ekki gert fyrir
gluggatjöld. Þar voru gluggar,
mikil ósköp, náðu næstum yf-
ir heila veggi. En arkitektinn
eða byggingarmeistarinn ætl-
uðust sýnilega ekki til að fyr-
ir þeim væru höfð gluggatjöld.
Já, hvernig á að hengja
gluggatjöld fyrir, þegar hvergi
er naglafestingu að fá í nánd
við gluggann. Ekkert tréverk
er lengur kringum glugga,
eins og í þá góðu gömlu daga,
þegar gluggakarmar voru smíð-
aðir. Og það sem verra var í
þetta sinn. Veggurinn, sem átti
að festa nagla, skrúfur eða
einhverja aðra festingu í, var
múrhúðaður og undir einangr-
un úr plasti.
Reynt var að setja tappa í
boruð göt, en þeir höfðu ekki
meiri festu en það, að þeir
komu bara út aftur undan
þunga gluggatjaldanna. Og
kona, sem þarna var viðstödd,
kvaðst hafa heyrt að ekki
gengi betur þar sem múrhúð-
að væri á korkeinangrun.
• Tæknileg framför?
Ég býst við að þetta nýja
fyrirkomulag sé „tæknileg
framför", eða svo hlýtur að
vera, úr því það er upp tekið.
En hefur ekki einhverjum sér-
fræðingi í húsbyggingum eða
fagmanni láðst að athuga sinn
gang.
Ekki þykist ég þess umkom-
inn að segja þeim vísu mönn-
um fyrir verkum í þeirra eigin
sérgrein. En mér dettur t. d. í
hug, að úr því ekki er nagla-
festing fyrir gluggatjaldasteng-
ur, þá megi leggja tré í steypu-
mótin undir múrhúðun á þeim
stöðum, sem þarf að hengja
upp gluggatjöld. Það þarf ekki
mikið ímyndunarafl til að
láta sér detta í hug að nýju
íbúarnir vilji hafa gluggatjöld,
og hvar þeir muni hengja þau
upp. Gluggatjöld hafa verið
notuð í aldaraðir og ættu ekki
að vera nokkrum manni ó-
kunnug.
• Bera ábyrgð á göllunum
Hlutir sem þessir eru
nokkuð, sem ætti ekki að geta
hent fólk, er gerir sér það að
starfi og nemur til að byggja
hús sem á að búa í á hefð-
bundinn hátt. Hvernig væri að
menn væru látnir bera svo-
litla ábyrgð á hlutunum. Mér
er kunnugt um að í Frakklandi
bera arkitektar, undir sumum
kringumstæðum a. m. k., á-
byrgð á því ef hús þeirra eru
á einhvern sannanlegan hátt
óþægileg að búa í. T. d. ef hurð
opnast þannig að óþægindi eru
að, þá verður arkitektinn, eft-
ir að þar til kvaddur aðili hef-
ur kveðið upp sinn úrskurð,
að breyta henni á sinn kostn-
að. En slíkar kröfur fyrnast á
ákveðnum tíma, t. d. 3 mánuð-
um eftir að flutt er í húsið.