Morgunblaðið - 19.06.1964, Page 27

Föstudagur 19. júní 1964
MORGUNBLADIÐ
27
Eldar í
90 olíu-
geymum
Niigata, Japan, 18. júlí. AP
SLÖKKVILIÐSMENN
unnu að því í dag að ráða
niðurlögum elda í olíu-
geymum, sem kviknaði í
við jarðskjálftann mikla,
sem hér varð sl. þriðjudag.
í dag tók og fólk, sem flú-
ið hafði horgina í skelfingu,
að streyma til hennar aft-
ur. Töldu slökkviliðsmenrv
að þeir myndu í nótt ráða
niðurlögum hins gífurlega
elds, sem geisað hefur í
olíugeymum við höfnina
allt frá því á þriðjudag, en
Niigata er niiðstöð olíuiðn-
aðarins í Japan.
Eldur gaus upp í 90 af þeim
300 stóru olíugeymum, sem
þarna eru, en um hádegi í
dag mátti greina að reykurinn
fór minnkandi eftir því sem
slökkviliðsmönnum tókst að
vinna á eldinum í hinum ýmsu
geymum. Notuð hefur verið til
þess kvoða, sem bandaríski
flugherinn lagði fram.
íbúar Niigata, sem líkt og
flestir Japanir eru vanir nátt-
úruhamförum af þessu tagi,
tóku að streyma til borgarinn-
ar aftur í dag og hyggja að
heimilum sínum, en alls er tal-
ið að 20,000 manns hafi flúið
borgina.
Ástandið er þó enn mjög al-
varlegt. Flóð eru enn víða á
láglendi vegna hinnar miklu
flóðbylgju, sem gekk á land.
Lögreglan segir að 1,158 hús
hafi eyðilagzt, 18,500 skemmzt
meira og minna og 11,000
fyllzt af vatni.
Enda þótt hér hafi verið um
að ræða mesta jarðskjálfta,
sem orðið hefur í Japan,
misstu tiltölulega fáir lífið. Er
talið að þar valdi miklu um,
að jarðskjálftinn varð að há-
degisverði loknum, og hafi því
hitunartæki og annað slíkt
ekki verið í notkun. Þetta hafði
sitt að segja, því nær engir
eldar kviknuðu í íbúðarhúsum
i borginni. Aðeins 25 manns
fórust og 11 er saknað, en tjón
ið er hins vegar metið til
margra milljóna dollara.
Svartan reykjamökk leggur af hinum brennandi oliugeymum i
Niigata. Takið eftir brúnoi fremst á myndinni,
Þessi mynd var tekin í Niigata á þriðjudag, skömmu eftir jarð-
skjálftann. Sýnir hún fólk, sem flúið hefur upp á hiis, til þess
að forða sér frá flóðbylg.junni, sem gekk á land.
— Hljómplata
Framh. af bls. 2
|>aið — Kiljan — Rímnalög
Eftirfarandi útgáfur eru nú
væntanlegar hjá „Fálkanum“:
1) Stór, hæggeng plata með
kafla úr skáldsögunni „Brekku-
kotsannáll", sem höfundur, Hall-
öór Laxness, les sjálfur. Á hinni
síðunni er upplestur Davíðs
Stefánssonar frá Fagraskógi.
Plata þessi er væntanleg á mark-
«ð í júlímánuði.
2) „íslenzk" rímnalög", stór,
hæggeng plata. Ýmsir helzu
kvæðamenn landsins hafa kveðið
inn á hana. Hún er væntanlega í
júlí.
3) í ráði er ag gefa út eina,
stóra, hæggenga plötu til við-
bótar í plötuflokknum „Gull-
öld íslenzkra söngvara“.
— Drukknun
Frh. af bls. 28
jngarlaus. Sigldi skipið þá áfram
til Reykjavíkur. Sjópróf vegna
siyss þess fara fram i dag.
Ari Jósefsson var fæddur 28.
égúst 1939 sonur hjónanna Jósefs
Indriðasonar, verkamanns, og
Soffíu Stefánsdóttur. Hann lauk
stúdentsprófi frá Menntaskól-
anum í Reykjavík 1961, stundaði
nám í íslenzku við Háskóla fs-
land og síðar nam hann róm-
önsk fræði á Spáni. Hann stund-
aði blaðamennsku um skeið, en
var sl. vetur við nám í Rúmeníu.
Árið 1961 kom út eftir hann
ljóðabókin „Nei“. Hann lætur
ettir sig unnustu og tveggja ára
son.
— Kanna þarf
Frh. af bls. 28
sú hefði orðið þróunin að því
er aðrar bæjarútgerðir snertir,
sem stofnaðar voru á sama tíma
og Bæjarútgerð Reykjavíkur. —
Þannig hefði um tíma verið starf
ar.di 9 útgerðarfélög bæjarfélaga
víðs vegar um landið utan Rvík-
ur, sem samtals hefðu átt 15
togara. Af þeim væri nú aðeins
eitt eftir, þ.e. Bæjarútgerð Hafn-
arfjarðar, sem ætti nú 3 togara
(átti 4 um tíma). Af þessu yæri
ljóst, að þróunin væri sú, að
bæjarútgerðirnar væru lagðar
niður eða þær stórlega dregnar
saman.
Itrekaði borgarfulltrúinn það,
að hann teldi nauðsynlegt að
rannsaka gaumgæfilega, hvort
Reykjavíkurborg gæti ekki hætt
þessum atvinnurekstri. Til þess
þyrfti verulegt átak, og margs
þyrfti að gæta í því sambandi,
og því þyrfti mál þetta itarlega
athugun.
— Á 3. jbús. manns
- Framh. af bls. 3
Hauks Guðlaugssonar. Leikþátt,
Skiptar skoðanir, sýndu Þorvald
ur Þorvaldsson og Sólrún Yngva
dóttir. Skemmtiþátt flutti Ævar
R. Kvaran. Einsöng og tvísöng
sungu Eygió Viktorsdóttir og Er-
lingur Vigfússon undir leik
tveggja hljómsveita. Var síðan
dansað til kl. 2 e.m. — Eitthvað
á þriðja þúsund manns sótti há-
tíðina, er flest var.
— Krúsjeff
Framhald af bls. 1
Krúsjeff og fjölskyldur þeirxa
komu út í hallargarðinn viðFred
ensborg, þyrptust að þeim 200—
300 blaðamenn og ljósmyndarar,
og lauk svo að lögreglan varð að
slá hring um konung og Krúsjeff
til þess að verja þá ágengni. Ingi-
ríður drottning, Nína Krúsjeff og
Krag, forsætisráðherra, höfnuðu
hins vegar í miðri þvögunni.
Á miðvikudaginn sagði Jens
Otto Krag, að viðræður dönsku
stjórnarinnar og Krúsjeffs hefðu
einnig tekið til flugmála, en Dan-
ir æskja þess að mega fljúga yfir
sovézk landssvæði á flugleiðinni
til Japan. Forsætisráðhei'rarnir
komust og að samkomulagi um
að setja á stofn sérstaka nefnd
sérfræðinga til þess að kanna
möguleika á auknum viðskiptum
landanna. Tók nefndin þegar til
starfa á miðvikudag.
„ENGIN HÆTTA ÚR
AUSTRI"
í kvöldverðarboði dönsku
stjórnaiinnar um kvöldið flutti
Krúsjeff síðan aðalræðu sína í
Danmerkurheimsókninni. Kvað
hann Dani mega treysta því að
Sovétríkin væru „trúverðugur og
áreiðanlegur bandamaður í bar-
áttunni fyrir friði.“ Þá hældi
Krúsjeff Dönum fyrir að hafa
ekki viljað hafa kjarnorkuvopn í
landi sínu og sagði: „Ég vil leggja
áherzlu á, að Danmörku og Norð
urlöndum stafar engin hætta úr
austri. Að leita hættunnar þar,
er að sóa tímanum til einskis."
Ræða sovézka forsætisráðherr-
ans er yfirleitt talin vinsamleg og
aðeins einu sinni vék hann að
vandamálum Austurs og_Vesturs
— Þýzkalandsmálunum.
Danskir embættismenn hafa
látið í ljós þá skoðun, að erfið-
leikarnir í vegi aukinna viðskipta
milli landanna stafi fyrst og
fremst af tregðu Sovétmanna á
að auka vörukaup sín í Dan-
mörku. Skýring Krúsjeffs var
hins vegar sú, að Danir kaupi
einkum landbúnaðarvarning og
hráefni í Sovétríkjunum.
GULLKLÓSETT
Krúsjeff fléttaði að vanda
„bröndurum“ í ræðu sína og
sagði m.a. að kapítalistar heimt-
uðu alltaf að Sovétríkin „greiddu
allt í gulli. En við getum ekki
eytt öllu gullinu okkar í þetta.
Þið vitið að Lenin sagði einu
sinni við okkur, að þegar við
hefðum fullbyggt kommúnism-
ann, væri næsta verkefni að
byggja salerni og gullhúða þau.
Hvernig gætum við staðið aug-
liti til auglitis við Lenin, ef við
ættum ekkert gull til að skreyta
klósettin þegar uppbyggingu
kommúnismans er lokið innan
skamms? Á þennan hátt,“ bætti
Krúsjeff við, „sýndi Lenin fyrir-
litningu sína á gulli og hina
miklu virðingu, sem hann bar
fyrir manninum. En þið viliið
ekki skilja það. En þið skiljið
það kannski síðar."
Áður en Krúsjeff settist að
borðum í Kristjánsborgarhöll á
miðvikudagskvöld, dró hanp
Krag forsætisráðherra afsíðis, tók
síðan upp litla öskju og úr henni
örsmáan hlut. Lýsti hann því síð-
an yfir að hér væri komið
minnsta útvarpstæki veraldar.
Festi hann því í hnappagat Krags
og stakk heyrnartækjum upp í
eyru hans. „Það er gott að hafa
þetta þegar manni leiðist," sagði
Krúsjeff síðan.
HÚSDÝRSKODUÐ
Deginum í gær varði Krúsjeff
í ferð til Fjóns, þar sem hann
kom í heimsókn á dönsk bænda-
býli, skoðaði nautgripi, átti í erj-
um við ljósmyndara, hitti Erik
Eriksen að máli og flutti loks ó-
undirbúna ræðu, utan dagskrár,
i landbúnaðarskólanum í Dalum.
Fór Krúsjeff og föruneyti flug-
leiðis til Fjóns frá Kaupmanna-
höfn.
Fréttir herma ad mestan hluta
dagsins hafi Krúsjeff staðið í því
að hasta á fréttamenn og einkum
ljósmyndara, sem virtust fara
mjög í taugarnar á honum. Er
hann kom á einn bæinn, kallaði
hann fréttamenn skærlingja
(barbara).
Fyrsti bærinn, sem heimsóttur
var, er eign landbúnaðarmálaráð
herra Dana, Karl Skytte. Virtist
Krúsjeff þá enn í góðu skapi,
þótt brátt tæki að syrta í álinn.
Nokkru síðar hitti hann Erik
Eriksen, fyrrum ráðherra„og átti
stutt tal við hann á býli hans.
Spurði Krúsjeff um ýmislegt
varðandi búskapinn. Er Erik við
urkenndi að hann gæti ekki svar-
að öllu því, sem sovézki forsætis-
ráðherrann spurði um, svaraði
Krúsjeff spurningum sínum sjálf
ur. Er nokkuð var liðið á tal
þeirra, tók Eriksen fram vodka-
flösku, en Krúsjeff afþakkaði
drykkinn kurteislega og sagði:
„Þér hafið lesið of margar sögur
í blöðum Vesturlanda um að við
Rússar séum fyllibyttur. Það er
ekki satt. Við drekkum ekki mik
ið, og einkum ekki þegar heitt er
í veðri.“ Eriksen hélt að honum
flöskunni engu að síður, og var
smálögg hellt í glas Krúsjeffs,
sem enn hafnaði boðinu. Var þá
ávaxtasafa hellt í annað glas, og
þáði hann það.
Er Krúsjeff og föruneyti voru
að fara frá húsi Eriksens, greip
sá fyrrnefndi gildan göngustaf í
hönd, og sagði: „Þessi væri góður
á ljósmyndarana."
Gengu þeir Eriksen þessu næst
út á engi skammt frá, þar sem
Eriksen hugðist sýna Krúsjeff
nokkuð af kúm sínum, og var
það við þetta tækifæri, að Krús-
jeff reiddist fréttamönnum mest.
Er út á engið kom horfði hann
með yglibrún um stund á hóp
ljósmyndara, sem biðu hans þar
og kallaði síðan til þeirra að
koma sér í burtu. „Þessir skræl-
ingjar myndu stugga við sjálfum
Satan,“ sagði hann síðan. Er
ljósmyndararnir færðu sig lítið
eitt á brott kom ókyrrð að kún-
um, og þá sprakk blaðran.
„Farið ekki svona nærri, þið
hræðið kýrnar. Skiljið þið ekk-
ert, djöflarnir ykkar." Eftir þetta
hægðist um, og Krúsjeff lýsti því
yfir að fyrsta starf hans hefði
verið kúasmölun, og hafi hann
þá fengið þrjár rúblur yfir sum-
arið.
Loks heimsótti Krúsjeff bæ
Jens nokkurs Andersen, og versn
aði þú skapið enn. Lauk svo að
er Krúsjeff og bóndi voru að
skoða korn á akri, og ljósmynd-
arar voru komnir inn á akurinn,
að Krúsjeff sagði: „Það er víst
bezt að ég komi mér héðan áð-
ur en þeir traðka allt niður. Þetta
eru skrælingjar, sem ekki skilja
neitt.“ ,
Var síðan haldið til landbún-
aðarskólans í Dalum, og þar
flutti Krúsjeff ræðu, sem ekki
hafði verið ráðgerð. Hann bað
Dani gæta sín á því, að van-
meta ekki sovézkan landbúnað
og hélt því fram, að í framtíð-
inni þyrftu Sovétríkin ekki á
kornkaupum frá Vesturlöndum
að halda. Þá kvaðst Krúsjeff
vilja benda Dönum á Austur-
Þýzkaland og Tékkóslóvakíu sem
markaði fyrir danskar landbún-
aðarvörur. Loks lýsti hann því
yfir, að Sovétríkin myndu auka
enn framleiðslu sína á tilbúnum
áburði.
Formaður danska landbúnað-
arráðsins, Anders Andersen, af-
henti Krúsjeff síðan bronslíkan
af kálfi, en frú Nína fékk að gjöf
postulínskú. Er frúnni var af-
hentur gripurinn sagði Krúsjeff:
„Það skilyrði fylgir, að þú mjólk
ir hana sjálf.“
„Við setjum engin skilyrði,"
sagði þá Andersen.
— Oddur.
Unglingsstúlka
getur fengið atvinnu í sumar við innheimtu. —
Viðkomandi verður að hafa hjól. — Ekki þýðir öðr-
um að sækja um þetta starf en þeim, sem hafa góð
meðmæli. — Tilboð auðkennt: „Rösk — 4994“ send
ist afgr. Mbl.