Morgunblaðið - 27.09.1964, Blaðsíða 4

MORGUNBLAÐIÐ
Sunnudagur 27. sspt. 1964
ÞÁ er laxveiðitíminn
enda fyrir nokkru, og um
þessar mundir hverfa flug
ur og hjól inn í skápa og
hirzlur til geymslu þar til
næsta „vertíð“ hefst. Trú-
legt er þó, að er líður á
vetur læðist margur mað-
urinn fram í geymslu,
tíni þar til eitt og annað,
raði flugum í box, smyrji
línur o.s.frv. og láti hug-
ann reika til ævintýra lið-
ins sumars og þeirra, sem
í vændum eru á sumri
komanda. Þótt misjafn-
lega hafi menn veitt í
sumar. eiga þó allir endur-
Noröurá i Borgarfirði, séð upp að Laxfossi. Ain er þarna í svipuðum
mikla fékkst í henni í sumar. Myndin er tkein 1963.
vexti
veiðin
Fengu á 12. hundrað pund
af laxi á þremur dögum
Spjallað við Guðmund J. Krist-
jánsson um eftirminnilega
veiðiferð í sumar
minningar frá veiðiferð-
um sínum. Ekki er þó víst
að allar séu þær jafn
skemmtilegar og þær, sem
Guðmundur J. Kristjáns-
son og félagar hans eiga
frá þriggja daga vist við
Norðurá í júlílok, en þá
fengu þeir 211 laxa, þar
af 137 á flugu. Samtals
voru þessir laxar 1164
pund að þyngd og eru
það ekki undur, þótt ein-
um félaganna yrði að orði,
þessu sinni. Við höfum hald-
ið hópinn í fjölmörg ár, og
munum vera eitt elzta
„hollið“ í Norðurá.
— Varla hafið þið veitt
jafnvel á hverju sumri o>g í
ár?
— Nei, því verður víst
ekki neitað. í fyrra tókst
okkur þó vel upp, því þá
fengum við á þremur dögum
87 laxa, þar af 72 á flugu eða
nær 81%. Það mun víst vera
hæsta hlutfallsveiði á flugu,
sem nokkur veiðimannahóp-
ur hefur náð við Norðurá.
Samlagningarstrimillinn varð
æöi langur, er við lögðum
saman þyngd laxanna, sem
hópurinn veiddi á þremur
dögum.
Guðmundur J. Kristjánsson,
með einn vænan úr Norðurá.
er hann leit yfir veiðina:
,,Þetta gerist víst ekki
nema einu sinni á öld!“
Mbl. hitti Guðmund J. Krist-
jánsson að máli nú í vikunni,
og spurði hann um þessa
minnisverðu veiðiferð. Svo
sem kunnugt er gegnir Guð-
mundur formennsku í Lands-
sambandi ísl. stangaveiði-
manna, og er ötull baráttu-
maður í öllu er lýtur að hags-
munum stangaveiðimanna og
hugðarefnum.
— Við vorum átta saman í
þessari ferð, Víglundur Möll-
er, ritstjóri Veiðimannsins,
Bjarni R. Jónsson, forstjóri,
Gunnar Jónasson, forstjóri,
Jón Gunnarsson, flugvirki,
Þorstéinn Guðmundsson, hús-
gagnasmíðameistari, Valde-
mar Valdemarsson, verzlunar-
maður, Benedikt Gröndal,
verkfræðingur og ág. Bene-
dikt var nú í fyrsta sinn í
þessum veiðimannahópi eða
„holli“, í stað Ófeigs Ólafs-
sonar, húsgagnasmíðameist-
ara, sem var fjarverandi að
Suna hvar rennt var
— En hvað um veiðina
miklu í sumar?
— Þetta var nánast eitt
ævintýri. Það var eiginlega
sama hvar maður bleytti færi,
alltaf var lax á. Af þessum
211 löxum, sem við fengum
27.—30. júlí voru 137 á flugu.
Sjálfur fékk ég samtals 41
lax, þar af 32 á flugu. Valde-
mar fékk samtals 3-4 laxa, en
næstur í fluguveiðinni varð
Víglundur Möller með 26
laxa. Daginn 29. júli fékk
hann 16 laxa á flugu, alla á
Black Doctor nr. 2.
— Hvaða flugu notaðir þú
einkum?
— Ja, það er ekkert leyndar
mál. Ég notaði mest Sweep
nr. 4 og nr. 6, enda var yfir-
leitt skýjað þessa daga. Ann-
ars veiddist einnig ágætlega
á Black Doctor, Blue Charm
og einnig nokkrir laxar á
Thunder & Lightning og Jock
Scott.
— Hvernig var vatnið 1
ánni?
— Áin var all rosaleg, þeg-
ar við komum að henni fyrsta
daginn, i miklum vexti og
mórauð. Þann dag þýddi ekki
að reyna neitt nema maðk,
en á hann fékkst lika vel. Ég
fékk þá t.d. 9 laxa á maðk, og
Benedikt Gröndal 5. Meira
fékk ég ekki á maðk, enda
var hann harla lítið notaður
Óvenju mikill lax í Norðurá.
— Það hefur verið mikið af
laxi í ánni.
— Jú, það virtist óvenju
mikið af laxi í Norðurá
frammi á Dal. Þykir mér ekki
ósennilegt að hér sé veru-
lega farið að gæta laxarækt-
unar þeirrar, sem Stanga-
veiðifélag Reykjavíkur hefur
beitt sér fyrir í samvinnú við
veiðiréttareigendur við ána.
Það kann líka að hafa valdið
miklu, að flóð voru mikil i
Hvítá og aðstaða netamanna
til veiða þar var því erfið.
Þessa tel ég að hafi einnig
gætt verulega varðandi Þverá,
en þar var mjög góð veiði í
sumar, svo sem kunnugt er,
sagði Guðmundur Kristjáns-
son að lokum.
Þess má að lokum geta, að
við fengum lánaða veiðibók-
ina í Norðurá og lögðum
saman í samlagningarvél
þyngd laxanna, sem þeir fé-
lagar veiddu þessa eftirminni
legu daga. Strimillinn, sem út
úr vélinni valt, varð meters-
langur eða svo, og þyngdin
reyndist 1164 pund. Margur
hefur komið slyppari úr veiði
ferð! ___— h.
Falleg veiði úr Norðurá.
eftir þetta, því morguninn
eftir var áin farin að minnka
og hreinsa sig, og brjálaður
flugufiskur um allt. Þó kom
einn 16 punda lax á maðk hjá
Jóni Gunnarssyni eftir þetta.
Stærsti flugulaxinn minn var
hinsvagar 15 pund, fenginn á
Sweep nr. 4 á Grjótunum.
Sex félagar úr veiðimannaliópnum ásamt konum sínum
(myndin var tekin í fyrra). Frá vinstri sjást Þorsteinn Guð-
mundsson, Víglundur Möller, Ófeigur Ólafsson, Valdemar
Valdemarsson, Bjarni R. Jónsson og Jón Gunnarsson (sonur
Gunnars Jónassonar). Á myndina vantar Gunnar Jónasson,
Guðmund J. Kristjánsson og Benedikt GröndaL
(Ljósm. G. Jónasson).