Morgunblaðið - 22.10.1965, Page 3

Föstudaguj 22. október 1965
MORCUNBLAÐIÐ
3

Myndin sýnir nokkra jassleikarana í Icelandic Modern jassseptet. T.v. Dan, Gunnar Ormslev,
Páll Einarsson, Björn R. Einarsson, Halldór PáLsson og Guðmundur Ingólfsson.
JASS
r
I
SiGTUNI
ÞAÐ var á öðrum tug þess
arar aldar, að orðið jass varð
til, og þá á heldur óskemmti.
legan hátt. Þegar fyrstu
hljómsveitirnar, sem léku
músik af þessu tagi voru að
leita fyrir sér um atvinnu í
Chicago, vöktu þær nefni-
lega síður en svo mikia hrifn
ingu meðal annarra hljóm-
listarmanna þar í borg og í
óvirðingarskyni við þessar
Pétur Östlund sýndi mikil til-
þrif í trommuleik sínum.
hljómsveitir, kölluðu þeir
þær „Jazz band", sem er
ákaflega niðrandi og merk-
ir eiginlega klámfengin
hljómsveit.
Já, svona voru móttökurn-
ar, sem jassinn hlaut fyrst í
stað í heimalandi sinu, þótt
ekki liði á löngu þar til þetta
breyttist. Smátt og smátt
fór jassinn að hrifa hugi og
hjörtu fólksins og um 1930
hafði hann lagt undir sig öll
Bandaríkin. Evrópuibúar, sem
þarna dvöldust á þessum tím
um, urðu ekki síður fyrir á-
hrifum frá hinni nýju músik
og báru því jassinn með sór
yfir Atlantsála. Hann hla.ut
þar líka heldur dræmar mót-
tökur í fyrstu, en svo endur-
tók sama sagan sig þar og
í Bandaríkjunum, og brátt
mátti heyra jassinn leikinn í
nær hverjum klúbbi í mikl-
um hluta Vestur-Evrópu. Öll
Norðurlöndin, að íslandi und
anskildu, voru fljót að inn-
leiðá jassinn, og nýtur hann
þar nú mikilla vinsælda.
En hvað um okkur íslend-
inga? Við héldum áfram að
þráast og höfum þráast fram
á þennan dag, að viðurkenna
jassinn, og af þeim sökum hef
ur hann lengst af átt hér
litlu fylgi að fagna. Jú, það
hafa að vísu alltaf verið til
hér nokkrir jassunnendur,
sem hafa gert það sem þeir
hafa getað til þess að kynna
okkur jass, en það hefur allt-
af farið út um þúfur.
Svo gerist það skyndilega
— það er eiginlega óhætt að
segja núna í ár‘— að mikið
fjör og líf fer að færast í
jassinn hér og aðdáendahóp-
urinn vex ört. í vor er svo
Jassklúbbur Reykjavíkur
stofnaður en hann hefur að
undanförnu gengist fyrir jass
kvöldum á hverjum mánu-
degi og hafa þau yfirleitt
verið ágætlega sótt. Auk þess
hefur skemmtistaðurinn
Glaiunbær alloft gengizt fyr-
ir jasskvöldum.
Og á mánudag sl. bættist
nýr aðili í hópinn, Jass-
klúbbur íslands, og efndi
hann þá til mikils og glæsi-
legs jasskvölds í Sigtúni, þar
sem nær tíu jasshljómsveitir
komu fram. Þarna voru
mættir flestir okkar beztu
jassleikarar og mun láta
nærri, að nær 20 hljóðfæra-
leikarar hafi þarna látið til
sín taka. Voru þeir mjög ó-
sparir á lögin, enda virtust
þeir fyrst og fremst leika
ánægjunnar vegna. Ekki er
heidur hægt að segja, að jass
unnendur hafi látið sitt eft-
ir liggja, því að fjölmenni
var mikið, og klöppuðu þeir
jassleikurunum óspart lof í
lófa.
Að öllum hljómsveitunum,
sem þarna komu fram, ólöst-
uðum, er ekki að efa, að sú
hljómsveit' sem mesta at-
hygli vakti, var „Icelandic
Modern Jassseptet", enda var
leikur hennar oft með af-
brigðum góður. Meðal jass-
leikara sem í henni voru, má
nefna, Gunnar Ormslev saxa-
fónleikara, Guðmund Ingólfs
son píanóleikara, Björn R.
Einarsson básúnuleikara og
Bandaríkjamanninn Dan Eli-
chek, sem lék á trompetinn,
auk þess sem hann hafði út-
sett lögin fyrir hljómsveit-
ina. Þegar hljómsveitin hafði
lokið leik sínum við mikinn
fögnuð áhorfenda, byrjaði
allsherja „jamsession" og
tóku flestir þeirra, sem
þarna höfðu komið fram,
þátt íhenni.
Stofnandi og forsvarsmaður
Jassklúbbs Islands er ungur
maður að nafni Jón Hjálm-
arsson og náðum við tali af
honum sem snöggvast þarna
um kvöldið.
— Hvað er langt síðan þið
fenguð hugmyndina að stofna
'þennan jassklúbb?
— Það má eiginlega segja,
að hugmyndin hafi orðið til
í sl. viku og við ákváðum þá
að framkvæma hana strax.
— Og er ætlunin að halda
svona jasskvöld í -framtíð-
inni?
— Já, það er meiningin að
halda jasskvöld einu sinni í
mánuði og hefur verið ákveð
ið að næsta jasskvöld verði
haldið hér í Sigtúni 15. nóv-
emiber. n.k.
— Mtinu þá svona margar
hljómsveitir koma fram?
—Já, við munum kapp-
kosta við að hafa sem flestar
hljómsveitir á þessum jass-
kvöldum, því að það er trú
okkar, sem að þessu stöndum
að með því móti verði þau
fjölbreyttari og skemmti-
legrL
— Ætlið þið að reyna að
fá einhverja erlenda jassleik-
ara?
— Já, það er mjög til at-
hugunar hjá okkur. Að visu
eru litlar sem engar líkur á
því, að það verði á næsta
jasskvöldi, en síðar gæti það
mjög vel komið til greina.
— Og að lokum, Jón. Hver
er tilgangur Jassiklúbbs ís-
lands?
— Fyrst og fremst er til-
gangur hans að kynna og
vekja áhuga fólks fyrir „mod
ern jass“, og einnig að gefa
islenzkum jassleikurum kost
á að leika jass oftar, en verið
hefur.
Þá ræddum við einnig
stundarkorn við Dan Elichek,
sem var aðalgestur kvöldsins,
og blés þarna bæði í tromp-
et og básúnu, auk þess sem
hann útsetti fyrir I.M.J. eins
og áður segir. Hann kvaðst
hafa dvalið hér nokkurn
tíma, enda væri kona sín
íslenzk. Hann sagðist hafa
leikið jass síðan hann var 12
ára og væri hann nú atvinnu
jassleikari. Hann kvaðst vera
mjög hrifinn af íslenzku jass-
leikurum og ánægður með
samvinnuna við þá. Þeir
hefðu flestir mikla hæfileika,
skorti aðeins taekifæri til
þess að fá oftar að reyna
sig.

STAKSTFIIVAR
Sérstætt hlutverk
stjórnarandstöðúnnai
Visir birti siðastliðinn miðvika
dag forystugrein um ástand mála
í flckkum stjórnarandstöðunnar,
og þar segir m.a.:
„Svo sem kunugt er, standa
yfir mikil átök innan Framsókn-
arflokksins milli vinstri armsins
og hins hægri. Er ástandið nú
orðið svo alvarlegt, að við klofn-
ingi liggur, og samkomulagið í
þessum herbúðum orðið svipað og
hjá kommúnistum, en þar hefnr
hver höndin verið uppi á móti
annarri og allt logað í ófriði um
langan tíma.“
Blaðið ræðir síðan hina öflugu
vinstri kliku í Framsóknarflokkn
um og segir síðan:
„Þannig er þá ástandið í flokk-
um stjórnarandstöðunnar, harð-
vítug valdabarátta innan beggja.
Forystumennirnir sitja á svik-
ráðum hver við annan og svífast
einskis, ef því er að skipta, allra
sizt kommúnistabroddarnir í
Framsókn“.
Slæmt ástand hjá
st j órnarandstöðunni
„Þess er þvi varla að vænta,
að nokkur jákvæð stefna komi
fram hjá stjórnarandstöðunni,
sem er sjálfri sér svona sundur-
þykk. Hinsvegar tekst henni
furðuvel að standa saman um
óþurftarverkin, enda eina stefnu-
mál hennar að koma núverandi
ríkisstjórm á kné. Hitt er svo
sennilega ofvaxið skilningi
flestra, og þar á meðal stjórnar-
andstæðinga sjálfra, hvernig
þeir ættu að geta stjómað land-
inu saman. Framsóknarflokkur-
inn hefur aldrei getað stjórnað
landinu, stjórnarforusta hans
hefur alltaf endað með skelfingu,
og þegar hann fór að reyna það
með kommúnistum, varð endir-
inn hvað verstur, svo sem vænta
mátti“.
Standa saman um
óþurftarverkin
Og Vísir heldur áfram: „Það
þekkist óvíða nema hér á Is-
landi, að stjórnarandstaða telji
það hlutverk sitt að vera andvíg
öllu, sem ríkisstjórnin gerir,
spilla . fyrir árangri þjóðnauð-
synlegra ráðstafana og reka
skemmdarstarfsemi á sem flest-
um sviðum gegn hagsmunum
lands og þjóðar. Þetta er að
sönnu háttur kommúnista víð-
ast hvar, enda em þeir andstæð-
ingar lýðræðisins og vilja það
feigt. Framsókn, sem vUl teljast
ábyrgur lýðræðisflokkur, ætti
ekki að ástunda slika iðju eins
og hún hefur gert mörg síðustu
árin. Stefna Viðreisnarinnar er í
meginatriðum hin sama og hvaða
lýðræðisstjórn sem væri, yrði að
marka og fylgja. Og væm Fram-
sóknarmenn í ríkisstjóm nú,
mundu þeir að flestu leyti þurfa
að fara sömu leiðir og núverandi
stjórnarflokkar, ef allt ætti ekki
að keyra um þverbak aftur“.
Full ástæða er til fyrir þá
Framsóknarmenn sem vilja reka
ábyrga stefnu að íhuga gang
mála í þeirra eigin flokki, sem
varla getur verið þeim mjög að
skapi. Lýræðissinnaðir menn
hvar í flokki sem þeir standa
hljóta einnig að lita það alvar-
legum augum, þegar annar
stærsti flokkur þjóðarinnar tek-
ur upp jafn mikla hentistefnu-
pólitík og Framsóknarflokkurinu
hefur valið. Astandið innan
Framsóknarflokksins er slæmj
og á vafalaust eftir að versna.