Morgunblaðið - 11.11.1967, Blaðsíða 14

14
MORGUNBLAÐIÐ, LAUGARDAGUR 11. NÓV. 1967
'Opvh'
Hér sjást nokkrir af hinum 10 þátttakendum, sem kepptu tii úrslita í síðustu bökunarkeppni
árið 1964. Þarna hafa þær lo kið við að baka og eru að hre ssa sig á góðum kaff isopa.
Kanntu brauð að baka?
ÞAÐ ER ekki oft sem íslenzk-
um konum gefst tækifæri til að
spreyta sig á að taka þátt í
keppnum eins og tíðkast víða
erlendis. En nú stendur fyrir
dyrum mikil bökunarkeppni á
vegum Pillsbury Best hveitifyr-
irtækisins í Bandaríkjunum og
umboðsmanna þeirra hér á landi,
O. Johnson & Kaaber hf. Til
þessarar bökunarkeppni hefur
verið efnt í Bandaríkjunum
mörg undanfarin ár, hún er orð-
in vel þekkt víða, og munu marg
ar íslenzkar húsmæður kannast
við hana. Fyrsta bökunarkeppn-
in, sem efnt var til hér á landi,
fór fram árið 1964, þá bárust 400
uppskriftir, og þar af fengu 10
konur verðlaun, fyrstu verðlaun
hlaut frú Elín Guðjónsdóttir.
Þau verðlaun voru flugfar með
Loftlei'ðum til New York og síð-
an til Miami Beach á Florida,
dvöl þar meðan á bökunarkeppn
inni stóð auk þess dvöl í boði
Pillsbury nokkra daga í New
York, og síðan flugfar aftur
heim með Loftleiðum. Þær 10
konur, sem kepptu til úrslita,
hlutu í verðlaun Sunbeam hræri-
vél ásamt ýmsum smávinning-
um. Það voru margir, sem
hjálpuðust að við að gera hinum
íslenzka sigurvegara dvölina
ánægjulega í Bandaríkjunum,
Húsráð
Gúmmísólar skilja oft eftir
ljóta bletti á gólfdúkum. Ráða
má bót á því að væta klút í
terpentínu og nudda blettinn
fast. Á hann þá að hverfa sam-
stundis.
eins og sagt var frá á sínum
tíma. Auk gestgjafa, Pillsbury,
buðu General Motor fyrirtækið,
McCall tímaritið o.fl. til ferða-
laga, sýninga, matarboða og jafn
vel til þátttöku í sjónvarpsþætti.
Sérstakar móttökur voru fyrir
yngri þátttakendur og ýmislegt
gert til að stuðla að kynnum
milli þátttakenda frá hínum
ýmsu löndum.
Af framantöldu sést, að sigur-
vegari getur átt í vændum hinn
skemmtilegasta tíma. Það er al-
kunna, að íslenzkar konur eru
mjög vel að sér í öllu, er lýtur
að bakstri, má reyndar segja,
að hér sé snillingur í kökugerð
í hverju eldhúsi. Ætti konum
því ekki að verða skotaskuld úr
því að taka þátt í keppni sem
þessari og senda einhvers konar
uppskrift af kaffibrauði, kemur
þar margt til greina, smákökur,
kex, skonsur, brauð, formkökur
o. fl.. en alls ekki ætlazt til, að
þetta sé aðeins brauð, sem not-
að er við meiriháttar tækifæri.
Frestur til a'ð skila uppskrift-
um rennur út 20. nóv. n. k., og
ber að senda þær til O. Johnson
& Kaaber, box 1436, Reykjavík.
Þátttakendur utan af landi frá
greiddan ferðakostnað til Reykja
víkur og frá, ef þær komast í
úrslit. Að þessu sinni er aðal-
vinn.ingurinn flugferð með Loft-
leiðum til Dallas í Texas, þar
sem sigurvegarinn verður heið-
ursgestur Pillsbury fyrirtækisins
og fær þar að fylgjast með
stærstu bökunarkeppni í heimin-
um, dagana 18.—20. febrúar 1968.
Dvalið verður á fyrsta flokks
hóteli og mun sigurvegarinn fá
nokkurn eyðslueyri, hótelvist og
allar máltíðir ókeypis. Síðan er
flugferð heim aftur með Loft-
leiðum. íslenzka konan, sem fer
utan, mun ekki taka þátt í
bandarísku bökunarkeppninni,
heldur verða eins og fyrr segir,
sérstakur heiðursgestur Pills-
bury.
Nauðsynlegt er að vélrita, eða
skrifa með prentstöfum á sér-
stakt blað allt, sem viðkemur
uppskriftinni og merkja vand-
lega. Það sem þarf að athuga
er þetta:
Nákvæmt mál eða vigt.
Bökunartími og hitastig.
Nafn á uppskriftinni.
Festið síðan uppskriftina við
eyðublað méð nafni og heimilis-
fangi og sendið til O. Jóhnson
& Kaaber, Reykjavík. Þetta verð
ur að vera sett í póst ekki síðar
en 20. nóv. Allar uppskriftirn-
ar verða eign Pillsbury fyrir-
tækisins, og ekki hægt að fá
þær endursendar eða gera til-
kall til þeirra á annan hátt.
Eftirtalin skilyrði verður að
uppfylla:
— að uppskriftin innihaldi a. m.
k. hálfan bolla af hveiti (ekki
kökuhveiti eða kökudufti),
— að uppskriftin innihaldi ekki
áfenga drykki,
— að uppskriftin innihaldi hrá-
efni, sem venjulega eru fáan-
leg I nýlenduvöruverzlunum,
— að fullgera megi framlei'ðsl-
una á einum degi.
Tíu þátttakendur verða valdir
til þess að keppa til úrslita á
sama stað. 26. nóv. verður til-
kynnt, hverjir muni keppa til
úrslita. Fargjald verður greitt
fyrir þá, sem koma utan af landi
til úrslitakeppninnar. Keppnin
mun síðan fara fram 1. desember
1967.
Allir, sem eru 19 ára eða
eldri 1. janúar 1968, geta tekið
þátt í keppninni (Starfsfólk O.
Johnson & Kaaber hf. og makar
eða börn þeirra, starfandi hús-
mæðrakennarar og lærðir brytar
eða bakarar geta þó ekki tekið
þátt í keppninni). Tveir hús-
•mæðrakennarar munu dæma um
gildar umsóknir í keppninni og
munu aðallega taka til greina
almenn gæði, hversu aúðvelt og
fljótt er verið að baka kökuna
og nýbreytni eða óvenjuleg ein-
kenni. Þrír kunnir borgarar
munu síðan bragða kökurnar og
dæma um bragð þeirra og út-
lit.
Úrslitin í bökunarkeppninni
munu verða bundin við 10 þátt-
takendur. Þeir útbúa kökur sín-
ar án aðstoðar.
Kökurnar verða dæmdar eftir
almennum gæðum, bragði, út-
liti og nýbreytni.
Að sjálfsögðu geta þær kon-
ur, sem sendu uppskriftir síðast
aftur tekfð þátt í keppninni, en
auðvitað með aðrar uppskriftir.
Til gamans birtum við hér
nokrar af þeim uppskriftum, sem
verðlaun hlutu^í síðustu bökun-
arkeppni. Á þeim sjáum við, að
ýmiskonar kaffibrauð hefur ver-
ið verðlaunað, og ættu konur
endilega að gæta að því, hvort
þær eiga ekki einhvers staðar
í fórum sínum einhverja sér-
stæða uppskrift, sem þær hafa
reynt við og heimilisfólkinu lík-
ar vel, hver veit nema hún verði
fyrir valinu, og sendandi eigi
eftir að lifa í vellystingum í
nokkra daga á vegum Pillsbury
fyrirtækisins í Dallas í Texas.
KRINGLUR
500 gr hveiti
130 gr smjörliki
130 gr sykur
1 stk. egg
2 tsk. lyftiduft
1 tsk. hjartasalt
1 msk. kúmen
1 dl rjómabland.
Smjörliki og sykur hrært vel,
eggið sett út í. Hveiti, lyftidufti
og hjartasalti er sáldrað saman
og látið nokkuð af hveitinu í
hræruna og hinu hnoðað upp í
deigið. Deigið hnoðað mjög vel.
Látið kólna nokkra stund. Síðan
er þetta rúllað í litlar kringlur,
þær eiga að vera ljósar og mjög
áferðafallegar.
Baka'ð við venjulegan smá-
kökuhita.
Bökunartími 1 klst.
NESTISBRAUÐ
500 gr hveiti
150 gr rúgmjöl
50 gr haframjöl
30 gr sykur
2Vz dl mjólk
Vz dl súrmjólk
2 tsk. ger
1 tsk. matarsóti
- Vz tsk. hjartasalt
1 tsk. borðsalt
1 stk. egg.
Þurrefninu blandað saman,
vætt í með mjólkinni og egginu,
hnoðað vel, breitt þunnt út,
skoríð niður eins og vel stórar
brauðsneiðar. Bakað í jurtafeiti
eða tólg við 180 til 200 stiga
hita.
HVEITIKÖKUR
2Vz bolli hveiti
2Vz bolli heilhveiti
5 tsk. ger (lyftiduft)
1 tsk. salt
2 msk. púðursykur
2 stk. egg
75 gr smjörlíki
8 dl mjólk.
Þurrefnunum blandað saman,
eggjunum og bræddu smjörlík-
inu, þynnið með mjólkinni, bak-
aðar þykkar kökur á pönnuköku-
pönnu vi'ð mjög vægan hita, tími
50—60 mín. (við að hræra og
baka). Uppskriftin er í 7 kökur.
Kökurnar smurðar með smjöri,
má hafa þær í brauðtertu, þá
3 saman, eða skorið í snittur.
Sérstaklega ljúffengar með
ávaxtasalati, hangikjöti og græn-
metissalati.
RÚGTERTA
1 Vz bolli hveiti
1 bolli rúgmjöl
1 bolli púðursykur
200 gr smjörlíki
3 stk. egg
1 tesk. matarsóti
1 tesk. negull
1 bolli döðlur.
Smjörlíkið linað og hrært vel
með sykrinum, þá eggjunum
bætt í einji í einu. Þá negul og
döðlum, hveiti, rúgmjöli og mat-
arsóta siktað og sett síðast. Bak-
að í tveimur tertumótum, vfð
frekar hægan hita í 10 mínútur.
Sulta sett á milli og skreytt
með vanillukremi, þegar kakan
er köld.
V anillu-sm jörkrem
150 gr smjör
50 gr strásykur
1 stk. egg
1 dl sjóðheitur rjómi
1 tsk. vanilludropar.
Egg og sykur þeytt, smjörið
þeytt, síðan þetta saman. Síðast
smábætt í rjómanum og hrært
vel á milli.
EPLARÚLLA
50 gr smjörlíki
50 gr sykur
1 stk. egg
1—2 msk. mjólk
200 gr hveiti
1 tsk. lyftiduft
Fylling:
1 msk. brætt smjör
2 msk sykur
4 stk. epli
2 msk rasp
2 msk. rúsínur
dálítið af kanel og
* rifnum sítrónuberki.
Smjörlíki og sykur hrært vel.
Eggið hrært út í og seinast hveiti
og lyftidufti sáldrað saman við.
Deigið hnoðað. Flatt út. Allt
deigið smurt með hálfbræddu
smjörinu. Yfir það er svo stráð
afhýddum og brytjúðum eplun-
um.'Sykri, raspi, rifnum sítrónu-
berki, rúsínum og kanel stráð
yfir eplin. Deiginu er nú rúllað
varlega saman, en eins þétt og
hægt er. Látið á smurða plötu
og samskeytin látin snúa niður.
Rúllan er pensluð með rjóma og
yfir hana stráð sykri og söxuð-
um hnetum. Lengjan bökuð í
miðjum ofninum við góðan hita
í um það bil 35 mín. og látin
kólna aðeins á plötunni, áður en
hún er tekin af. Bezt að bera
hana fram volga, einnig mjög
gó'ð köld borin fram með þeytt-
um rjóma.
Ath. Hitastig skal vera 400 á
Farenheit.
Hér er einn þátttakendanna í s íðustu keppni við baksturinn.