Morgunblaðið - 06.02.1972, Blaðsíða 11
MORGUNBLAÐIÐ, SUNNUDAGUR 6. FEBRÚAR 1972
11
Eitt af málverkum Kjarvals.
Listmunauppboö Siguröar Benediktssonar hf.
Nokkrar gamlar myndir eftir
núlifandi listamenn
— meðal verka á málverka-
uppboði
„ÞAÐ hefur komið fram nokk-
uð af gagnmerkum, gömlum
myndiun eftir núlifandi lista-
menn, sem við munum bjóða upp
og þær gera uppboðið að sjáif-
sögðu mjög athyglisvert,“ sagði
Hilmar Foss um listmunauppboð
Sigurðar Benediktssonar hf. í
Súlnasal Hótel Sögu þriðjudag-
inn 8. febrúar nk., þar sem boð-
in verða upp málverk og vatns-
litamyndir, alls 50 númer.
„Það er stefna okkar að halda
áfram á þeirri braut, sem Sig-
urður heitinn Benediktsson hafði
markað með þessum uppboðum
sinum, að leggja áherzlu á að
vera með úrval af verkum eft-
ir góða og þekkta málara. Þann-
ig erum við aðallega með verk
eftir málara, sem eru löngu við-
urkenndir, og eins tökum við
með, þegar tilefni er til, sérstæð
verk og sjaldgæf. Við viljum líka
kynna verk ungra manna og ger-
um það á þessu uppboði," sagði
Hilmar ennfremur.
Þekktasti listamaðurinn, sem
á verk á uppboðinu, er Jóhann-
es Kjarval, en eftir hann eru
fimm myndir, tvær vatnslita-
myndir, ein tússteikning, ein
blýantsteikning frá 1919, sem
nefnist „Huldufólk gengur í
kirkju", og eitt oliumálverk, 94x
102 sentimetrar að stærð og nefn
ist það „Hugleiðing um landslag".
Þá eru þarna tvö olíumálverk
eftir Jón Þorleifsson, en verk
hans eru orðin mjög sjaldgæf á
frjálsum markaði, og eitt olíu-
málverk eftir Kristínu Jónsdótt-
ur, en verk eftir hana hafa ekki
komið fram á frjálsum markaði
árum saman, að sögn Hilmars
Foss.
Einnig verður boðin upp lítil
oliumynd eftir Friðrik Jónsson
(Sturlubróður), en um hana
sagði Hilmar, að hún hefði fund
izt uppi í Borgarfirði, þar sem
Friðrik og bræður hans voru
með allmikil umsvif í eina tíð.
Þar fannst einnig önnur mynd,
sem kemur fram á næsta upp-
boði. Friðrik og bræður hans
voru þekktir umsvifamenn í
Reykjavík fyrir mörgum áratug
um, og Friðrik fékkst einnig
nokkuð við að mála i frístundum
sínum. Þá má benda á verk eftir
Magnús Jónsson, prófessor, og
Nínu Sæmundsson, en verk henn-
ar vöktu mikla athygli á siðasta
uppboði, sem erfingjar Sigurðar
Benediktssonar héldu í nóv. sl.
Af núlifandi listamönnum, sem
eiga verk á uppboðinu, má
nefna, auk Kjarvals, þá Finn
Jónsson og Jón Engilberts, Pét-
ur Friðrik og Ragnar Pál Einars-
son. Eftir Finn Jónsson eru tvær
myndir, frá 1925 og 1930, og eft-
ir Jón Engilberts er mynd frá
1927, en þá var listamaðurinn
ungur að árum og máiaði lands-
lag. Pétur Friðrik og Ragnar
(Páll eru úr hópi yngri lista
manna, en verk þeirra vekja jafn
an athygli.
Uppboðið verður í Súlnasal
Hótel Sögu þriðjudaginn 8. fiebr-
úar og hefst klukíkan 5 síðdeg-
is, en myndimar verða til sýnis
frá kl. 2 til 6 á mánudag og kl.
10—4 á þriðjudag.
Málverk eftir Finn Jónsson.
S4 SEMEINU S/NN/ HEFUR ÁTT
AMERlSKANBÍL VILL EKK/ANNAÐ
MERCUBY COMET 72
Fyrir utan óviðjafnanlega aksturseiginleika,
meta eigendur bandarískra bíla hvað mest þá
staðreynd að allur viðhaldskostnaður er
langtum minni og ending þeirra allt að tvöföld
á við það sem menn eiga að venjast.
Bjóðum nú hinn glæsilega Mercury Comet
á hagstæðara verði en nokkru sinni fyrr.
Gerið samanburð við evrópska bíla á verði
og gæðum. Sýningarbíll á staðnum.
BÍLL Á ETRÓPSSU TEBSI
....... KHISTIANS50N H.F.
SUDURLANDSBRAUT
SÍMI 3 53 00 z
HLSÝNIS
í FORDSKÁLANUM
SUÐURLANDSBRAUT 2 (VIÐ HALLARMÚLA)
í DAG KL. 2-5