Morgunblaðið - 14.08.1974, Blaðsíða 7

MORGUNBLAÐIÐ, MIÐVIKUDAGUR 14. AGUST 1974
7
Sjálfsafgreiðsla er í matstofu Náttúrulækningafélagsins,
Borða aðeins jurta-
og mjólkurfæði
— og lifa góðu lífi
MARINÓ L. Stefánsson kennari er
mikill áhugamaður um holla fæðu
og hefur sjálfur ekki lifað á öðru
en mjólkur- og jurtafæði t 27 ár.
Og hann er við góða heilsu og
léttur i spori og litur ekki út fyrir
að vera orðinn 73ja ára. Hann er i
stjórn Reykjavikurdeildar Náttúru-
lækningafélags Íslands og þegar
við hittum hann. sagði hann það i
fréttum, að Náttúrulækninga-
félagið hefði i sumar opnað nýja
matstofu á Laugavegi 20 B, keypt
þar hús og sameinað verzlanirnar
báðar á neðri hæðinni, en komið
upp matstofu á efri hæðinni. Það
varð úr, að blaðamaður fylgdi
Marinó í hádegismatinn i mat-
stofu Náttúrulækningafélagsins
og hitti þar fyrir Árna Ásbjarnar-
son, framkvæmdastjóra félagsins,
Zóphónías Pétursson, varaforseta
þess og Svövu Fells ásamt mat-
ráðskonunni, Ester Jónsdóttur. En
margir aðrir voru að borða þarna i
hádeginu
Þarna er eingöngu framreiddur
matur og drykkur er náttúrulækn-
ingastefnan telur hollan, sem
Marinó sagði að væri mjög svip-
aður þvi fæði. sem er í heilsuhæli
félagsins i Hveragerði, kannski
heldur iburðarmeira og meira
úrval. Allt er úr jurtaríkinu nema
egg og mjólkurmatur, sem einnig
er notaður. Útilokaður er hvitur
sykur og hvitt hveiti, en notað
brauð úr heilmjöli, ávallt
nýmöluðu i brauðgerð félagsins.
En hvað borða menn þá í stað-
inn fyrir kjöt og fisk? Bollur úr
baunum og hnetum ofl. Þennan
dag voru einmitt á borðum bollur
úr heslihnetum, heilraspi, lauk.
sellerísaft, mjólk og eggjum, og í
kring á diskinum alls konar græn-
meti. Það leit vel út á diskinum
rétt eins og venjuleg máltið og
bragðaðist prýðilega. En þeir
kunnugu sögðu, að mikið væri
ávallt notað í réttina af ostum.
— Sjálfur hefi ég góða reynslu
af sliku fæði, sagði Marinó. Ég var
lengi heilsulaus á miðjum aldri, en
náði mér að mestu eftir að ég fór
alveg yfir á náttúrulækningafæði,
sem ég hefi nú borðað nær ein
göngu i hálfan þriðja áratug.
Langar hann þá aldrei i kjötbita?
— Þegar ég finn hangikjötslykt á
jólunum, getur hent, að ég smakki
agnarlitinn bita, svarar Marinó
kiminn.
Okkur leikur hugur á að vita,
hvort ekki sé erfitt að afla græn-
metis og ávaxta allan ársins hring.
Svarið er, að svo gæti vafalaust
verið, ef ekki væri ræktað svo
mikið grænmeti hjá hæli Náttúru-
lækningafélagsins bæði inni og
úti. En það, sem á vantar, þyrfti
svo að flytja inn. í Hveragerði
hefur grænmetið þann kost, að
þar er ekki notað annað en lifrænn
áburður og engum tilbúnum
efnum sprautað á tré og jurtir.
Ekki kváðu náttúrulækningamenn
það koma að sök. Plönturnar
virtust vera það harðgerðar. að
þær spryttu vel. En af heilbrigðis-
ástæðum eru húsin soðin og sótt-
hreinsuð á hverju ári. Gátu þeir
þess, að helzt þyrfti félagið að
komast I gott samband við rækt-
endur erlendis, sem ekki nota til-
búinn áburð, en um innflutning á
ávöxtum og grænmeti væru þeir
háðir venjulegum innflutningi.
í þessa matstofu kemur sýni-
lega margt fólk um hádegið. Fyrir
utan náttúrulækningamenn koma
margir, sem kynnzt hafa fæðinu i
Heilsuhælinu i Hveragerði og
ýmsir einstaklingar, sem kynnzt
hafa fyrri matstofum félagsins.
Tvisvar áður hefur félagið rekið
matstofu um nokkurra ára skeið.
Fyrst i Landshöfðingjahúsinu með
næpunni í Þingholtunum, en það
lagðist niður á striðsárunum.
Siðara skiptið i Skjaldbreið við
Kirkjustræti, en það hús er eign
rikisins og var tekið til afnota fyrir
alþingi. Þegar loka þurfti matstof-
unni i Skjaldbreið, voru margir
óánægðir. Þá datt Marinó i hug að
hefja fjársöfnun meðal félags-
manna i Reykjavík, sem eru um
800. þvi nauðsynlegt var að reyna
að eignast húsnæði til frambúðar.
Söfnuðust á sjöunda hundrað
þúsund krónur og var sú upphæð
til að létta undir við að koma upp
nýrri matstofu, sem að sjálfsögðu
kostaði milljónir. Allt var gert upp
og keypt nýtt þarna og aftur tókst
að fá hina ágætu forstöðukonu,
Ester Jónsdóttur, sem verið hefði
i Skjaldbreið. að þvi er þeir sessu-
nautar blaðamannsins sögðu.
Matstofan var opnuð um mánaða-
mót mai og júni á annarri hæð i
húsinu á horni Klapparstigs og
Laugavegar. En á sömu hæð er
einnig skrifstofa félagsins ,
Jurtaréttirnir virðast bragðast þeim vel: Árni Ásbjarnarson, Zóphónfas
Pétursson, Marfnó L. Stefánsson að borða og hjá þeim stendur ráðskonan
Ester Jónsdóttir.
Herbergi og fæði fyrir roskna konu, gegn umhirðu um einn mann, Kleppsvegi 44. Sn. Kaldalóns. Herbergi óskast með sérinngahgi, helst. Reglusemi, sem óhætt er að treysta. Tilboð sendist Mbl. fyrir fimmtu- dagskvöld merkt: 1071
Benz 1113 vörubill, óskast keyptur. Sími 24755 eftir kl. 8 á kvöldin. Falleg 4ra herb. ibúð til leigu í Breiðholti frá 1. sept. n.k. Tilboð og upplýsingar merkt ,.1403'' sendist afgr. Mbl. fyrir kl. 1 8.00 föstudaginn 1 6. ágúst.
Húsnæði og atvinna. Fjölskyldumaður vanur vélvirkjun og bílaviðgerðum óskar eftir atvinnu og húsnæði úti á landi. Uppl. í síma 21 673. Ráðskona óskast i sveit á Suðurlandi. Má hafa barn. Upplýsingar i sima 11108 milli kl. 7 — 9 á kvöldin
Óska eftir vinnu úti á landi á gröfu eða jarðýtu. Uppl. eftir kl. 20 á kvöldin, sími 94-7623. Háskólastúdína óskar eftir vinnu 3 eftirmiðdaga i viku frá 1. sept. Margt kemur til greina. Uppl. i sima 37350 milli 5 og 7
Afgreiðslustúlka Dugleg stúlka vön afgreiðslu óskast. Uppl. um menntun, aldur og .fyrri störf, sendist afgr. Bl. merkt: „Úra & skartgripaverslun'' 1070 Prjónakonur takið eftir Kaupum lopapeysur aðallega hnepptar kvenpeysur flesta liti. Móttaka kl. 9 —- 1 2. UNEX, Aðalstræti 9.
Píanó til sölu er mjög gott píanó (af eldri gerð.) Upplýsingar i sima 37435, (eftir kl. 7). Keflavík tvær reglusamar stúlkur óska eftir litilli ibúð á leigu. Upplýsingar i sima 1 645
íbúð óskast Kona með 5 ára barn óskar eftir ibúð, sem næst Sólheimum. Góð umgengni. Fyrirframgreiðsla kemur til greina. Upplýsingar i sima 86186 eftir kl. 5. Gulbrún ferðataska með fatnaði í tapaðist á Þingvöll- um, þjóðhátiðarhelgina. Þeir, sem gætu veitt upplýsingar vinsamlegast hringi í síma 71321.
Höfum fyrirliggjandi Fiat 125 P
fólksbifreiðar til afgreiðslu strax.
Gott verð, góðir greiðsluskilmálar.
Davíð Sigurdsson hf.,
Fiat-einkaumboö á Islandi,
Síðumúla 35.