Morgunblaðið - 05.01.1975, Page 2

2
MORGUNBLAÐIÐ, SUNNUDAGUR 5. JANUAR 1975
Þeir, sem stunda laugarnar í Reykjavík, láta ekki kuldann og nepjuna aftra sér,
enda væsir ekki um þá í hlýjunni f laugunum eða pottunum. — Ljðsmyndari
blaðsins (Ól. K.M.) tðk þessa mynd einn morguninn í Laugardalslauginni.
Heiti potturinn er sýnilega vinsæll.
„Það eru 10 vind-
stig hér núna, en
netin skulu í sjó”
Rabbað við Hörð á Hrönn á Eyjamiðum
VIÐ náðum talstöðvarsambandi
við Hörð Jónsson skipstjóra á
Hrönn VE i gær þar sem hann var
staddur 20 sjómílur austur af
Eyjum að draga út. Kvaðst hann
ætla að leggja allar netatrossurn-
ar í djúpkantinn þarna. „Það er
bara helv... bræla hérna,“ sagði
hann, „aldrei friður. Það eru eín
10 vindstig hérna núna en netin
skulu I sjóinn. Eyjabátarnir Kap,
Ásver og Kristbjörg lögðu netin
milli jóia og nýjárs og eru núna
að reyna að draga þau, en fyrr
hefur ekki gefið og er þó varla
hægt að nota það orð um daginn i
dag. Heiga Guðmundsdóttir hefur
einnig verið að draga hérna og
hún hefur verið að fiska. Eg
heyrði f honum í morgun og þá
var hann búinn að fá 1000 ufsa í
eina tveggja nátta trossu.
Annars eru nokkuð margir
Eyjabátar að gera klárt á netin og
óvenjumargir af loðnubátunum
ætla að byrja á netum.
Annars er það kynlegt að það
bregzt ekki þegar ég legg netin í
fyrsta sinn að yfir dynur andsk....
rok. Ég fór af stað í morgun i 2
vindstigum, en nú eru þau orðin
10 og netin ekki komin í sjóinn,
en það er bezt að fara að salla
þessu niður, það er ekki svo úfinn
sjór þótt hann sé hvass.“
Guðmundur stefnir á
stórmeistaratitilinn
Hastings, 4. jan.
Einkaskeyti til Mbl.
frá AP:
ÞAÐ var hundaheppni fyrir ís-
lenzka aiþjóðiega meistarann,
Guðmund Sigurjónsson að
Englendingurinn Raymond
Keene hætti við þátttöku í alþjóð-
lega skákmótinu í Hastings. Þá
var á síðustu stundu sent tilboð
um þátttöku til Guðmundar.
— Brezhnev
Hann hefur leikið afburðaskák f
fyrstu sex skákum sfnum á mót-
inu og stefnir nú hraðbyri að stór-
meistaratitlinum eftir sigurinn
yfir Michael Basman I gær. Hann
þarf nú að fá fimm og hálfan
vinning úr níu skákum til viðbót-
ar til þess að öðlast stórmeistara-
titilinn. Guðmundur Sigurjóns-
son er nú efstur á mótinu ásamt
Svíanum Ulf Anderson með 4Ví
vinning.
- 8%atvinnuleysi
Snjóflóð hafa fallið
í Mjóafirði um jólin
LEIÐINDAVEÐUR hefur verið á
Austfjörðum yfir hátiðarnar. 1
viðtali við Vilhjálm Hjálmarsson
menntamálaráðherra, sem Mbl.
átti við hann i gær sagðist hann
ekki hafa komizt heim að Brekku
í Mjóafirði fyrr en á jóladag
vegna veðurs. 1 gær var ráðherr-
ann enn tepptur á Egilsstöðum og
komst þá ekki til Reykjavfkur.
Biðu þá á Egilsstöðum um 200
manns eftir flugfari og hafði þó
tekizt að flytja alla, sem óskað
höfðu eftir fari tveimur dögum
áður. Obbi þess fólks, sem beið
fars á Egilsstöðum f gær, var
skólafólk.
Vilhjálmur sagói að mikill snjór
væri i Mjóafirði og væri hann laus
í sér. Þar hafa fallið óvenjuleg
snjóflóð. Eitt þeirra tók af gamalt
íbúðarhús innst í svokölluðu
Brekkuþorpi og var húsið frá því
um aldamót. Ekki var búið i hús-
inu. Snjóflóðið kurlaði húsið og
bar fram i sjó. Ennfremur hljóp
fram snjóflóð skammt innan við
innsta byggðahúsið, sem nú er, og
rétt innan við kirkjuna. Fór það
yfir gamlan húsgrunn og kvað
Vilhjálmur þar myndu hafa orðið
tjón ef enn hefði staðið þar hús.
Santiago, 4. jan. Reuter.
TALSMAÐUR utanríkisráðuneyt-
isins í Chile, Claudio Coilados,
hefur skýrt svo frá, að Henry
Kissinger, utanríkisráðherra
Bandarfkjanna, sé væntanlegur í
1—2ja daga heimsókn til Chilc
um miðjan febrúar. Fer hann
þangað í boði herforingjastjórnar
Augustos Pinochets, sem stjórn-
aði byltingunni gegn Salvador
Allende í september 1973.
Kvað hann það snjóflóó mjög
óvenjulegt, þar sem það hefði
hlaupið úr aflíðandi hlíð en ekki
háum tindum. Vilhjálmur taldi
aóalástæðuna fyrir snjóflóðunum
að gífurlega miklu snjómagni
hefði kyngt niður á mjög skömm-
um tíma.
Þá sagði Vilhjálmur að hann
hefði heyrt, að snjóflóð hefði
fallið á eyðibýlið Brimnes, utar-
lega i Seyðisfirði og norðan
fjarðar. Er Brimnes talsvert utar
en Selstaðir, en þar féll snjóflóð
fyrir jól á fjárhús, svo sem menn
rekur minni til. Vilhjálmur sagð-
ist ennfremur hafa heyrt sögu-
sagnir af því að fyrir 200 árum
hefði fallið snjóflóð á Brimnes og
þá orðið mannskaðar. Ekki hefur
orðið þar snjóflóð síðan fyrr en
nú.
Morgunblaðið bar þessa siðustu
frétt undir fréttaritara sinn á
Seyðisfirði, Svein Guðmundsson.
Hann sagði að kunnugur maður,
fyrrum bóndi á Skálanesi, sem er
handan fjarðarins, hefði farið á
bát út með firðinum og taldi hann
að snjóflóðið hefði fallið yfir
bæjarstæðið. Eigendur jarðar-
innar, sem fluttust af henni fyrir
Bandarískt blað hefur staðhæft,
að Kissinger hafi í hyggju að tjá
stjórn Chile, að frekari aðstoð
Bandaríkjanna við hana byggist á
því, að hið fyrsta verði komið þar
á lýðræðisiegu stjórnarfari og
landsmönnum verði tryggð full
borgararéttindi, en Collados vís-
aði þessu algerlega á bug.
Vitað er, að Kissinger fer
einnig til Argentínu í þessari ferð
til S-Ameriku.
nokkrum árum, er íbúðarhúsið
brann, töldu þessa frétt þó ólík-
lega, en hins vegar höfðu þeir
ekki farið að Brimnesi i alllangan
tíma. Brimnes er gömul verstöð,
sem áður var í eigu Klausturhóla
og mun bæjarstæðið ekki hafa
verið flutt frá því er snjóflóðið
féll á bæinn fyrir 200 árum.
Framhald af bls. 1
þeir hittu hann og hlýða boð-
um lækna um að hafa ekki of
langa viðdvöl. Blaðið segir, að
Brezhnev hafi látið i ljós leiða
sinn yfir því, aó förinni skyldi
þurfa að fresta, og sagt, að
hann myndi koma svo fljótt
sem auðið væri. Mörg orð á
Brezhnev að hafa haft um góð
samskipti sin og Sadats for-
seta.
Frásögn þessi er skrifuð af
Ali Amin, stjórnarformanni
blaðsins, og segir hann sam-
bandið milli Moskvu og Kairo
hið ágætasta í alla staði, þar í
milli sé alls enginn ágreining-
ur.
Framhald af bls. 1
Ekki var þess vænzt aó neinar
tilkynningar um efnahagsaðgerð-
ir yrðu gefnar út eftir fundinn í
dag, en Ford mun gera grein fyrir
ráðstöfunum sínum í yfirlitsræðu
sinni um stöðu alríkisins síðar í
þessum mánuði. Meðal þeirra ráð-
stafana sem forsetinn íhugar nú
eru skattalækkanir, en áður voru
uppi bollaleggingar um að skatta-
hækkanir væru ráðið til að snúast
með gegn verðbólgunni. Skatta-
hækkanir myndu hins vegar auka
á samdráttinn.
Ein kippa af
vinstrimönnum
Santiago 4. janúar
— Reuter.
HERFORINGJASTJÓRNIN f
Chile hefur formlega tilkynnt
Mexicostjórn að hún sé reiðubúin
til að senda 200 vinstri sinnaða
fanga ókeypis með flugvél til
Mexico, ef stjórnvöld þar sam-
þykkja það. Augusto Pinochet,
forseti, gagnrýndi Mexicostjórn
fyrir að slíta stjórnmálasambandi
við Chile s.l. nóvember, og kvað
það tóman fyrirslátt að ástæðan
hefði verið skortur á mann-
réttindum i Chile.
Karpov teflir
aðeins samkv.
samþ. reglum
Moskvu, 4 jan. Reuter
BORIS Rodionov, einn af helztu
ráðamönnum f skáklífi Sovétríkj-
anna og meðlimur í stjórn Al-
þjóðaskáksambandsins, FIDE,
segir f viðtali við blaðið Sovetsky
Sport, að Anatoli Karopov muni
því aðeins keppa við Bobby
Fischer um heimsmeistara-
titilinn í skák, að farið verði eftir
þeim alþjóðareglum, sem þegar
hafa verið samþykktar“ og með
engum skilmálum öðrum“. Segir
Rodionov, að afstaða Karpovs sé
„Ijós, rökrétt og óhagganleg“.
Kissinger til Chile
Ferðafólk í hrakning-
um á Holtavörðuheiði
Kona með barn
dvaldi tværnæt-
ur í bíl áheiðinni
FERÐAFÖLK, sem lagði á
Holtavörðuheiði norðanmegin
seint á fimmtudagskvöldið,
lenti f miklum hrakningum á
heiðinni. Festi það bfl sinn
nálægt konungsvörðu og urðu
tveir karlmenn, sem í bílnum
voru, að brjóta sér leið niður að
símstöðinni að Brú i Hrútafirði
og komu þeir þangað snemma
aðfararnótt laugardagsins.
Kona og barn biðu allan tím-
ann i bifreiðinni og hefur vist-
in eflaust verið hin daufasta.
Mbl. ræddi i gærmorgun við
fréttaritara sinn í Hrútafirði,
Magnús á Stað. Hann sagði að
vegagerðarmenn frá Borgar-
nesi hefði dvalið á veitinga-
staðnum Staðarbakka frá því á
fimmtudagskvöld og ekki talið
rétt að moka heiðina vegna veð-
urs. Ætluðu þeir að reyna í
gærmorgun. En áður en til þess
kom voru þeir vaktir kl. 2,30 í
fyrrinótt, en þá voru mennirnir
tveir komnir að Brú. Lögðu
vegagerðarmennirnir strax á
heiðina og mokuðu leið fyrir
fólksbilinn og héldu svo áfram
að moka þar til þeir mættu veg-
heflum sunnan heiðar. Litii
billinn fór hins vegar niður að
Brú og beið fólkið þar til heiðin
opnaðist og hélt að því búnu á
hana aftur eins og ekkert hefði
í skorizt, svo varla hefur því
orðið meint af verunni á heið-
inni né göngunni niður að Brú.
Ætlaði Magnús að ná tali af því
á Brú, en það var þá farið.
Fólkið mun vera af Reykjavík-
ursvæðinu, en var að koma að
norðan.
Magnús á Stað tjáði Mbl., að
veður væri mjög rysjótt og óvíst
hve lengi heiðin yrði opin. Vildi
hann brýna fyrir fólki að leggja
ekki á heiðina nema hafa sam-
band við kunnuga áður. í þessu
tilfelli hefur það ekki verið
gert og fólkið lagt á heióina án
þess að kynna sér færð og veð-
urútlit. Sagði Magnús að eng-
inn hefði komið að Staðarbakka
og spurt um færð, og hefði þó
mátt sjá veghefla Vegagerðar-
innar standa þar á hlaðinu.