Morgunblaðið - 05.07.1975, Blaðsíða 10

10
MORGUNBLAÐIÐ. LAUGARDAGUR 5. JÚLl 1975
Víkingar
Vikingar kræktu sér í tvö stig er
þeir léku gegn FH-ingum í I. deild-
inni í knattspyrnu á Laugardals-
vellinum í gærkvöldi. Úrslitin urðu
1:0 og var markið skorað í síðari
hálfleiknum af Jóhannesi Bárðar-
syni. Skallaði hann knöttinn laglega
í markið eftir aukaspyrnu Guðgeirs
Leifssonar. Var mark Jóhannesar
það fallegasta sem sást i þessum
leik, sem teljast verður heldur slak-
ur.
Sigur Vikinganna var verðskuldað
ur. tækifæri liðanna voru álika mörg,
en Víkingar voru meira með knött-
inn. Mikið var um sendingar mót-
herja á milli i leiknum og þeim mun
minna um nettan samleik.
Aðstæðurnar voru raunar erfiðar, þvi
völlurinn var háll og erfiður yfir-
ferðar og kom það greinilega fram á
leik liðanna.
Af tækifærum fyrri hálfleiksins er
helzt að nefna gott skot Ólafs
Danívalssonar frá vitateigspunkti,
en Diðrik Ólafsson var vel á verði og
bjargaði. Þá má nefna opið tækifæri
sem Gunnar Örn fékk og sömuleiðis
skot Jóhannesar Bárðarsonar sem
lenti ofan á þverslá FH-marksins.
Í síðari hálfleiknum voru FH-
ingamir mun friskari til að byrja með
en Vikingamir áttu fyrsta tækifæri
hálfleiksins er Óskar Tómasson átti
skot að FH-markinu eftir að
Víkingarnir höfðu dútlað með knött-
inn i góða stund i vitateig FH-inga,
en Ómari FH-markverði tókst að slá
knöttínn í stöng og hættunni var
bægt frá. Nokkrum sinnum var mikil
hætta við mark Víkinganna eftir að
vamarmenn liðsins höfðu tekið ráðin
af Diðriki Ólafssyni markverði. Eink-
um var það Ólafur Danívalsson sem
græddi á þessum mistökum og var
hann klaufi að skora ekki mark eftir
slik mistök.
Mark Víkinganna kom á 26.
minútu hálfleiksins. Guðgeir tók
aukaspyrnu, eins og áður sagði^við
míðlínu og sendi háa sendingu inn
að marki FH-inga. Áður en FH-ingum
tókst að komast að knettinum hafði
Jóhannes Barðarson náð að lyfta
knettinum framhjá þeim og í sam-
skeyti marksins fór knötturinn og
þaðan i netið. Það sem eftir lifði
leiksins gerðist það helzt markvert
að Loga Ólafssyni, FH-ingi, var sýnt
gula spjaldið
Beztu menn Víkingsliðsins að
þessu sinni voru þeir Guðgeir Leifs-
son og Diðrik Ólafsson sem sýndi
mikið öryggi. Þá átti Jóhannes
Bárðarson ágætan leik og barðist vel
að vanda. Róbert Agnarsson stóð
fyrir sínu í vörninni, en framverðir
liðsins áttu við erfitt verkefni að
glima sem þeir réðu ekki fyllilega
við, enda leikaðferð Vikinganna
furðuleg.
Léku þeir með tvo menn frammi
og svo virtist sem öðrum leikmönn-
um liðsins væri bannað að aðstoða
þá
Af FH-ingunum stóð Janus Guð-
laugsson sig mjög vel og Ólafur
Danívalsson á hrós skilið fyrir
skemmtilega spretti. Annars hefði
FH-liðið allt eins getað farið með
kræktu í tvö stig
sigur af hólmi i þessari viðureign, en
tæpast hefði það verið sanngjarnt.
í stuttu máli:
Íslandsmótið 1. deild
Laugardalsvöllur 4. júlí
Vikingur— FH: 1—0
Mark Vikings: Jóhannes Bárðarson á
71. minútu
Aminning: Logi Ólafsson
Áhorfendur: 640
áij
Lið Víkings: Diðrik Ólafsson 3, Ragnar Gislason 2, Magnús Þorvaldsson 2,
Helgi Helgason 1, Róbert Agnarsson 2, Gunnar Örn Kristjánsson 1, Guðgeir
Leifsson 3, Jóhannes Bárðarson 2, Hafliði Pétursson 1, Stefán Halldórsson 2,
Óskar Tómasson 2, Magnús Barðarson 1 (varam.)
Lið FH: Ómar Karlsson 2, Jón Hinriksson 1, Magnús Brynjólfsson 2, Viðar
Halldórsson 1, Janus Guðlaugsson 3, Pálmi Sveinbjörnsson 2, Pálmi
Sveinbjörnsson 2, Ólafur Danívalsson 3, Þórir Jónsson 2, Jóhann Ríkharðs-
son 2, Logi Ólafsson 1, Leifur Helgason 1 (varam.)
Dómari: Hinrik Lárusson 2.
VlKINGURINN Guðgeir
Leifsson leikur á mánudaginn
sinn 25. landsieik f knatt-
spvrnu, er íslenzka landsliðið
mætir því norska á Laugardals-
vellinum. Guðgeir lék fyrst
með landsliðinu árið 1970 og þó
að hann sé ekki nema 24 ára
gamall er hann annar leikja-
hæsti leikmaður landsliðsins
og fyrir þann áfanga, að ná 25
landsleikjum, verður Guðgeir
sæmdur gullúri, en KSl hefur
gert það að venju að heiðra þá
leikmenn sem því ná.
Þó að landsliðið gegn Norð-
mönnum hafi enn ekki endan-
Iega verið valið og ekki fengizt
gefið upp hverjir hefja leikinn
gegn Norðmönnum, má það
heita fullvís^að Guðgeir Leifs-
son er einn af þeim leikmönn-
um, sem örugglega eiga sæti f
landsliðinu. Guðgeir hefur sýnt
slfka leiki í sumar, bæði með
landsliðinu og félögum sínum f
Víkingi, að framhjá honum
verður ekki gengið.
En Guðgeir hefur í ýmsu að
snúast þessa dagana. Hann
fékk f vikunni boð frá belgfska
félaginu Charleroi um að koma
til liðsins 20. júlí, æfa með þvf f
nokkra daga og leika 3 æfinga-
leiki. Ef vel gengur í þessum
leikjum má búast við að Guð-
geir fái gott tilboð um að gerast
atvinnumaður f knattspyrnu.
Við ræddum við Guðgeir f
gær og spurðum hann fyrst um
landsleikjaferilinn, hvaða
leikur hefði verið fyrstur og
hvaða leikur væri honum
minnisstæðastur.
— Ég hef nú ekki haldið
nákvæma skrá yfir landsleik-
ina, en ég held að leikur Islands
og enska áhugamannaliðsins á
Laugardalsvellinum 1970 hafi
verið fyrsti landsleikurinn
minn. Ég kom þá inn á í seinni
hálfleik, en man litið eftir þess-
um leik. Leikir Islands og
Austur-Þjóðverja í sumar og
fyrrahaust eru tvímælalaust
þeir minnisstæðustu fyrir
mann og það var sannkallað
ævintýri að ná jafntefli gegn
þeim í Magdeburg í fyrrahaust.
— Annars finnst mér alltaf
25.
landsleikur
Guðgeirs Leifs-
sonar sem hyggur á
atvinnumennsku
íBelgíu
jafngaman að leika með lands-
liðinu og þegar á heildina er
Iitið hafa allir leikirnir verið
jafn skemmtilegir — eftir á að
minnsta kosti.
Guðgeir hefur ekki skorað
mikið af mörkum í landsleikj-
um sínum. Það eina sem dæmt
hefur verið löglegt skoraði
hann í 2:5 leiknum gegn
Dönum á Laugardalsvellinum
1972. En i Frakklandi 1972
skoraði Guðgeir mark, sem
dæmt var af af einhverjum
óskiljanlegum ástæðum. Hefði
það mark verið dæmt gilt hefði
íslenzka liðið komizt áfram i
Ólympiukeppninni. Á dögunum
lék Guðgeir með félögum sín-
um í landsliðinu gegn
Færeyingum hér á Laugardals-
vellinum og átti þá góð mark-
tækifæri, en ekki tókst honum
að senda knöttinn í netmöskva
Færeyinganna. Vonandi verður
heppnin með Guðgeiri í leikn-
um á mánudaginn.
ATVINNUMENNSKAN
HEILLAR
Guðgeir fór utan til Skot-
lands í vetur og æfði þar og
keppti með skozka atvinnu-
mannaliðinu Morton í nokkurn
tíma. Hafði Guðgeir talsverðan
áhuga á að gerast atvinnu-
maður hjá því félagi og eins
höfðu forráðamenn Morton
áhuga á að fá Guðgeir til sín.
En þegar á reyndi tókst ekki að
útvega honum atvinnuleyfi i
Skotlandi, þar sem útlendingar
eru ekki sérlega vel séðir i
skozkri knattspyrnu. Guðgeir
þarf ekki að sjá eftir því, verði
tilboð það, sem talað er um, frá
bélgíska félaginu Charlesroi
eins gott og Ásgeir Sigurvins-
son bjóst við.
Ásgeir sem dvalizt hefur nú í
Belgíu í rúm tvö ár lét mjög vel
af þessu félagi, sagði að það
léki skemmtilega knattspyrnu
og hefði síðastliðinn vetur orðið
um miðja deild i hinni hörðu
keppni í belgísku 1. deildinni. I
vetur ætla forráðamenn félags-
ins því enn stærri hlut og hafa
keypt nokkra leikmenn upp á
siðkastið, þar á meðal einn
belgiskan landsliðsmann frá
Standard Liege.
— Það æsti mig óneitanlega
upp hvað Asgeir lét vel af félag-
ísland —
Noregur
á Laugar-
dalsvelli
á mánu-
daginn:
inu og allri aðstöðu hjá því,
sagði Guðgeir. Ég reikna með
að fara til þeirra strax að leikn-
um við Norðmenn loknum, en
við leikum í Noregi 17. júlí.
Mér skilst að lið Charlesroi fari
þá í æfingabúðir og leiki síðan
2—3 æfingaleiki. Ef þeim líst
vel á mig og mér á þá vona ég
að af samningi verði, en það er
öruggt að ég skrifa ekki undir
fyrr en að loknum leiknum við
Sovétmenn í Reykjavik 30. júli.
Sá leikur er liður I forkeppni
Ólympíuleikanna og í honum
mega atvinnumenn ekki taka
þátt.
Liðið Charlesroi kemur frá
samnefndri borg sem er í um 60
km fjarlægð frá Liege. Völlur
félagsins tekur 25.000 áhorf-
endur. Með liðinu léku síðasta
keppnistimabil þrir útlend-
ingar, Júgóslavi, Hollendingur
og Austurríkismaður. Sagði
Ásgeir Sigurvinsson er
Morgunblaðið ræddi við hann í
gær að aðeins einn þessara leik-
manna væri virkilega góður,
svo Guðgeir þyrfti ekkert að
óttast. Sagði Ásgeir að árangur
landsliðsins upp á síðkastið
hefði gert það að verkum að
ýmis félög í Belgíu hefðu áhuga
á að fá íslenzka leikmenn í
sinar raðir. Til dæmis hefði
belgíski landsliðsþjálfarinn
skrifað í belgískt blað að lokn-
um leik Islands og Austur-
Þjóðverja að Guðgeir Leifsson,
Jóhannes Eðvaldsson og
Matthías Hallgrímsson gætu
gengið inn í hvaða lið sem væri
i Belgíu.
GERUM OKKAR
BEZTA
Er við I lokin báðum Guðgeir
að spá fyrir um úrslit leiksins
gegn Norðmönnum á mánu-
daginn, sagðist hann ekki vera
mikill spámaður og sér væri illa
við að nefna nokkrar tölur. —
Það eina sem ég vil segja um
þennan leik fyrirfram er það að
hver einasti leikmaður lands-
liðsins mun gera sitt til að við
vinnum leikinn. Norðmennirn-
ir ætla sér að sigra okkur og
hafa undirbúið lið sitt mjög vel.
Þeir eru sterkir og ætla sér
sigur, en við sjáum hvað setur,
sagði Guðgeir Leifsson að lok-
um.