Morgunblaðið - 04.02.1976, Blaðsíða 2

2
MORGUNBLAÐIÍ), MIÐVIKUDAGUR 4. FEBRUAR 1976
Vísismenn stefna
Olafi Jóhannessyni
MORGUNBLAÐINU barst í gær
yfirlvsing frá þremur af fimm
stjórnarmönnum Vfsis, þar sem
segir, að þeir hafi ákveðið að
stefna Óiafi Jóhannessyni dóms-
málaráðherra vegna ummæla
hans um meirihluta blaðstjórnar
Vfsis. Ennfremur kom það fram í
Vísi í gær, að Þorsteinn Pálsson,
ritstjóri og ábyrgðarmaður Vfsis,
hefur ákveðið að stefna dóms-
málaráðherra fyrir ummæli hans.
Morgunblaðið reyndi í gærkvöldi
að ná í dómsmálaráðherra vegna
þessa máis en það tókst ekki.
Hér fer á eftir yfirlýsing meiri-
hluta stjórnar Reykjaprents hf.
útgáfufélags Vísis:
Undanfarna daga hefur Ólafur
Jóhannesson dómsmálaráðherra
margsinnis borið útgáfustjórn
Vísis eða meirihluta hennar hin-
um þyngstu sökum. Ráðherranum
hefur verið gefinn kostur á að
draga ummæli sín til baka án
frekari eftirmála, en hann hefur
ekki þegið það boð. Af þessum
sökum sjáum við undirritaðir
stjórnarmenn í útgáfustjórn Visis
okkur ekki annað fært en að láta
höfða mál á hendur dómsmálaráð-
herra vegna hinna óréttmætu og
alvarlegu ásakana hans, enda
munum við ekki sitja undir slík-
um aðdróttunum frá einum æðsta
ráðan anni þjóðarinnar.
Smáufsinn
verndaður
út árið
Eins og sagt hefur verið frá í
Mbl. hefur sjávarútvegsráðu-
neytið tilkynnt friðun á veiði-
svæði sem markast af Beru-
fjarðarál og Lónsdýpi utanvert á
grunninu þar og er markmiðið að
vernda smáufsann þar. Islenzkir
og vestur-þýzkir togarar hafa
stundað þar talsvert veiðar en í
samtali í gær við Matthías Bjarna-
son sjávarútvegsráðherra kvaðst
hann ekki vita til annars en frið-
unarlögin hefðu verið virt, enda
hefði utanríkisráðuneytið til-
kynnt viðkomandi aðilum um
málið.
Þá hefur ráðuneytið sent út að-
vörun til sjómanna um að veiða
ekki i Djúpálnum við Vestfirði,
a.m.k. um sinn, en Hafrannsókna-
stofnunin á eftir að kanna svæðið
nánar.
Vegna árása dómsmálaráðherra
á skrif Vísis viljum við árétta að
Vísi er ritstýrt eftir reglum
frjálsrar blaðamennsku. 1 þessu
felst, að ritstjórn blaðsins hefur
úrslitaráð um efni þess án ihlut-
unar útgáfustjórnarinnar gagn-
stætt því, sem tíðkast um ritstjórn
flokksstýrðra blaða. Eftir þessu
grundvallarsjónarmiði verður
Vísi áfram stjórnar, svo að tryggð
verði þróun frjálsrar blaða-
mennsku í landinu.
Reykjavík, 2. febrúar 1976,
Ingimundur Sigfússon, Þórir
Jónsson, Guðmundur Guðmunds-
son.
I stjórn Reykjaprents hf. eru
ennfremur dr. Gunnar Thorodd-
sen, félagsmálaráðherra, og
Sveinn R. Eyjólfsson, fram-
kvæmdastjóri Dagblaðsins, en
þeir rita ekki undir fyrrgreinda
yfirlýsingu.
Enn bjarga bílbeltin:
Gekk heill
út úr bíl-
flakinu
Grundarfirði 3. feb.
SKÖMMU eftir hádegið f dag varð
það óhapp á veginum á milli
Grundarfjarðar og Ólafsvfkur að
bifreið snerist í hálku á veginum
og nam staðar utan hans, á hvolfi.
Flughálka er hér á öllum vegum
og akstursskilvrði af þeim sökum
mjög erfið.
Þetta var nýlegur jeppi af
Scout-gerð og bifreiðarstjórinn,
Garðar Eiriksson, útibússtjóri
Samvinnubankans i Grundarfirði,
einn á ferð. Hús bílsins lagðist
alveg saman og trúlega er bíllinn
því sem næst ónýtur. Þeir sem
fyrst komu á vettvang töldu með
ólíkindum ef nokkur hefði komizt
ómeiddur út úr svo illa förnu
farartæki. En Garðar slapp
nánast ómeiddur, gat losað sig og
gengið inn að bænum Búlands-
höfða og gert aðvart i síma. Telur
Garðar í samtali við undirritaðan
i kvöld, að enn einu sinni hafi
bílbelti sannað ágæti sitt því
hefði hann ekki verið með þau á
sér segist hann trauðla trúa þvi að
hann væri hér til frásagnar.
—Emil.
Benedikt Gröndal:
Þær unnu hratt og ákveðið þessar tvær stöllur í saltfiskinum hjá
Bæjarútgerð Reykjavíkur í gær við að taka saltfisk af þurrkgrindum,
en þær gáfu sér þó tfma til að spjalla ofurlítið í bland. Ljósmynd Mbl.
Friðþjófur Helgason.
6700 tonn
af loðnu
23 bátar með afla í gær
I GÆRKVÖLDI höfðu 23 bátar
tilkynnt loðnunefnd alls um 6700
tonn síðan á miðnætti í fyrra-
kvöld. Bátarnir voru: Guðmundur
með 600 tonn, Óskar Halldórsson
370, Kristbjörg 230, Huginn 400,
Harpa 280, Sæberg 170, Isleifur
260, Flosi 150, Pétur Jónsson 370,
Svanur 340, Helga 270, Óskar
Magnússon 43o, Albert 290, Ólaf-
ur Magnússon 270, Eldborg 540,
Bergur 170, Rauðsey 430, Álfta-
fell 200, Húnaröst 270, Faxi 180,
Þorkatla II. 150, Helga II. 300 og
Bjarnarey 90.
Hundruð tonna
af þangi á reki
Látrum 3. feb.
Hundruð tonna af þangi hefur
rekið á fjörur hérna með vestan-
áttinni sfðustu daga, en hér er um
að ræða þangið sem sumir töldu
oliufláka á hafinu fyrir nokkrum
dögum. Tugir tonna hafa rekið
hér á heimafjöruna, en það sem
er sérstakt við þennan reka er
fyrst og fremst tvennt, það hve
mikið þangið er og smákurlað og
hitt hve mikið af sölvum er í
þanginu. Meiri hluti þangsins er
smágert og óræktarlegt þang eins
og mikið er af á innanverðum
Breiðafirði, enda hafa menn látið
sér detta í hug, að þessi reki sé
eitthvað í sambandi við þang-
vinnsluna þar.
— Þórður
Brezku togararnir:
Heimtuðu fullar bæt-
ur, ella af miðunum
Úrslitakostum þeirra ekki
sinnt á tilskildum tíma í gær
Brezku togaraskipstjórarnir á
Austfjarðamiðum sendu brezkum
stjórnvöldum boð um úrslitakosti
I gær þar sem þeir fóru fram á
tryggingu fyrir fullum bótum fyr-
ir túrinn, en ella myndu þeir
sigla af Islandsmiðum kl. 18 I
gærkvöldi. Lloydsman bað um
frest til kl. 19, en skipstjóri drátt-
arbátsins bar boðin á milli.
Brezk stjórnvöld staðfestu í
gærkvöldi að þau hefðu fengið
boðin frá togurunum, en vildu
ekkert segja um málið og seint í
gærkvöldi höfðu togararnir
hvorki fengið svar við boðum sín-
um eða hreyft sig af þeim stað
þar sem þeir lónuðu I gær.
landið í fyrrinótt og létu þeir
reka á sömu slóðum og þeir hafa
verið á s.l. daga. 1 talstöðvar-
spjalli brezku skipstjóranna á
Austfjarðamiðum f gær kom fram
að þeir hafa getað fiskað Iftið að
undanförnu og einn togaraskip-
stjórinn gat þess að hann hefði
aðeins getað togað 13 sinnum á 14
dögum.
Þá bar mikið á rifrildi f spjalli
skipstjóranna, aðallega um það
hvernig ætti að skipta þeim pen-
ingum milli togaranna, sem
brezka stjórnin hefur heitið þeim
Hvorki hyggilegt né
líklegt til árangurs
— að skera á allar viðræður
Benedikt Gröndal. formaður
Alþýðuflokksins, lýsti þvi yfir f
umræðum á Alþingi í gær um
skýrslu forsætisráðherra um við-
ræðurnar f London, að það væri
hvorki hyggilegt né Ifklegt til
árangurs að skera nú á allar við-
ræður. Hann sagði, að rétt væri að
kanna skammtíma samninga til
þriggja mánaða, þótt Alþýðu-
flokkurinn vildi hafa þar allan
fyrirvara á um efnisatriði.
Benedikt Gröndal, vakti athygli
á hugsanlegri breytingu á afstöðu
EBE-ríkja til 200 mílna fiskveiði-
lögsögu. Sýnt virtist að þau
mundu styðja 200 mílna auðlinda-
lögsögu á hafréttarráðstefnu
Sameinuðu þjóðanna — en ekki
er allt gull sem glóir, sagði flokks-
formaðurinn. EBE-ríkin telja sig
hafa betri aðstöðu, eftir en áður,
til að fylgja fram skilyrðisbund-
inni alþjóðareglu um slika fisk-
veiðilögsögu, þar sem fram kæmi
ákvæði um „hefðbundinn veiði-
rétt“, „kvótaskiptingu" eða ein-
hvers konar gjörðardóm. Vmis
ríki, sem staðráðin væru i að færa
fiskveiðilögsögu sína út í 200
mílur, hygðust samhliða semja
um veiðirétt við aðrar þjóðir. —
Mikilsvert væri þvf að við héldum
þann veg á málum, er hamlaði
gegn því, að slfk skilyrðisbundin
ákvæði fylgdu væntanlegum sam-
þykktum hafréttarráðstefnunar
um nýja alþjóðareglu á þessum
vettvangi. Það gæti orðið okkur
verulega óhagstætt.
Benedikt taldi of mikla leynd
hafa hvílt og of lengi yfir niður-
stöðum Lundúnaviðræðna for-
sætisráðherra og fylgdarliðs hans.
Ljóst væri'hins vegar nú að hug-
myndir Breta væru óaðgengilegar
og samstaða væri um að hafna
þeim. Ástæða væri til að staldra
við þessa samstöðu og leggja
áherzlu á, að hún mætti áfram
vara, en málið ekki nýtt til póli-
tískrar sundrungar inn á við.
Hugmyndir Breta um samninga
væru bæði bundnar alltof miklu
veiðimagni og alltof löngum
samningstíma. Þeir hefðu ekki
enn dregið réttar ályktanir af
fiskifræðilegum staðreyndum um
ástand fiskstofnanna á tslands-
miðum né þýðingu nytjafiska
okkar fyrir efnahagslegt sjálf-
stæði landsins.
Þrátt fyrir þetta væri hvorki
hyggilegt né líklegt til árangurs
að skera nú á allar viðræður. I því
Framhald á bls. 27
Samkvæmt upplýsingum Land- vegna veiðitaps á meðan samn-
helgisgæzlunnar voru engir ingaumleitanir fara fram I land-
brezkir togarar að veiðum við helgisdeilunni.
Daglegar yfirhe\Tslur
í Alþýðubankamálinu
HJÁ sakadómaraembættinu 1
Reykjavík hefur undanfarið ver-
ið þingað daglega I Álþýðubanka-
málinu svonefnda. Að sögn
Sverris Einarssonar, sakadómara,
sem hefur með málið að gera,
bárust öll gögn frá Alþýðubank-
anurn f s.l. viku og hafa sfðan
verið daglegar yfirheyrzlur vegna
þessa máls.
Sem kunnugt er óskaði bankaráð
Alþýðubankans eftir því að fram
færi opinber rannsókn á við-
skiptavinum bankans við flugfél-
agið Air Viking og forstjóra þess,
en það leiddi síðan til þess að
saksóknari óskaði eftir þvi að
fram færi rannsókn á viðskipta-
vinum bankans við átta önnur
fyrirtæki og einstaklinga eftir að
í ljós hafði komið að skuldir
þeirra viðbankann töldust óeðli-
Iega miklar.
Jarðskjálftavirknin hefur
minnkað um helming
Páll Einarsson jarðfræðingur
tjáði Morgunblaðinu í gærkvöldi,
að jarðskjálftavirkni á Mývatns-
svæðinu hefði minnkað mikið
síðustu daga, en Páll er nú við
rannsóknir á svæðinu. Sagði
hann, að fyrir tveimur sólarhring-
um hefðu mælzt 500—600 smá-
kippir og nokkrir sterkari, en i
gær var fjöldi kippa kominn
niður i 250. Þó kvað hann þetta
vera mikla jarðskjálftavirkni, en
flestir kippanna koma aðeins
fram á mælum. Þá var einnig
rólegt i Axarfirði í gær.