Morgunblaðið - 27.01.1978, Blaðsíða 12

12
MORGUNBLAÐIÐ, FÖSTUDAGUR 27. JANUAR 1978
Kostir Reykjavíkur:
Staðsetning
framleiðslu á
miðju mark-
aðssvæðinu
Atvinnumálastefna borgar-
stjóra til að tryggja ríkjandi
atvinnuöryggi til frambúðar
Hér fcr á eftir kafli úr ræðu
Markúsar Arnar Antonssonar,
borgarfulltrúa, sem hann flutti f
umræðu um fjárhagsáætlun borg-
arinnar 1978:
Undirtektir
ólíkra
hagsmunahópa
Eins konar hefð hefur skapazt
um það, að við afgreiðslu fjár-
hagsáætlunar Reykjavíkurborgar
í siðasta sinn á kjörtimabili, geri
fulltrúar flokkanna grein fyrir
helztu stefnumálum sinum fyrir
væntanlegar kosningar með álykt-
unartillögum um ólika mála-
flokka borgarmála eða með tillög-
um um einstakar fjárveitingar,
sem þeir telja öðrum mikilvægari
og eigi 'að gefa mynd af þeirri
framkvæmdaröð, sem þeir vilja
viðhafa.
Að þessu sinni eru það atvinnu-
mál öðrum málaflokkum fremur,
sem áberandi eru á dagskrá borg-
arstjórnarfundar við iokaaf-
greiðslu fjárhagsáætlunar. Borg-
arstjórinn hefur fyrir nokkru
gert grein fyrir tillögum sínum i
þeim efnum og athyglisvert er,
hve undirtektir fulltrúa hinna
ólíku hagsmunahópa hafa verið
góðar og á það ekkert síður við
um yfirlýsta pólitíska andstæð-
inga borgarstjórans sem stjórn-
málaleiðtoga hér i borgarstjórn
en samherja hans.
Atvinnumálatillögur borgar-
stjóra marka tímamót á vettvangi
borgarstjórnar Reykjavíkur, því
að aldrei hefur jafnýtarleg
stefnumótun verið framkvæmd á
þessu sviði. Segja má, að i mörg
horn hafi verið að lita við með-
ferð borgarmálanna fram til
þessa og vandleg íhugun um
framtiðarhorfur reykviskra at-
vinnugreina ekki verið eins knýj-
andi og nú, enda æskilegast að
afskipti borgaryfirvalda af þeim
séu sem minnst. Hér hefur hins
vegar í fyrsta skipti farið fram
allsherjar skoðun á stöðu atvinnu-
rekstursins í borginni og settar
fram skipulegar tillögur um
hvernig skuli að heildarmarkmið-
um stefnt í framtíðinni með hlið-
sjón af öllum einstökum þáttum
þessa mikilvæga málaflokks.
Atvinnumálatillögur borgar-
stjórans eru ekki hrásoðnar og
samhengislausar eins og mörg
flaustursverkin minnihlutaflokk-
anna, sem i orði kveðnu hafa átt
að koma atvinnuuppbyggingu
þessa borgarfélags að gagni. At-
vinnumálaskýrslan, sem borgar-
stjóri lét vinna í fyrra og birt var
síðastliðið sumar, hefur verið til
umræðu í borgarráði á mörgum
fundum. Fulltrúar atvinnulífsins,
bæði atvinnurekendur og laun-
þegar hafa komið til fundar við
borgarráð til viðræðna um efni
skýrslunnar. Þeir hafa siðan haft
hana til umsagnar og sett fram
álit sitt og ábendingar skriflega.
Ennfremur hefur farið fram sam-
eiginlegur fundur með öllum
þessum aðilum, þar sem skipzt
var á skoðunum.
Kostir við
staðsetningu
framleiðslu-
fyrirtækja
í Reykjavík
Þegar atvinnumálaskýrslan var
birt á siðastliðnu sumri gerðu
talsmenn minnihlutaflokkanna
hér i borgarstjórn tilraun til að
þyrla upp moldviðri og telja
Reykvíkingum trú um að hér væri
allur atvinnurekstur kominn :
vonarvöl og ekkert annað blasti
við en hryggðarmynd atvinnu-
leysis og hnignandi fyrirtækja.
Reykvíkingar litu í kringum sig
og vísuðu þessum staðlausu stað-
hæfingum til föðurhúsanna. Full
atvinna og gróskumiki! starfsemi
þeirra myndarlegu fyrirtækja,-
sem setja svip sinn á athafnalíf í
höfuðborginni eru svo augljósar
staðreyndir að slik leifturárás,
sem andstæðingablöð okkar Sjálf-
stæðismanna hófu i sumar, var
fyrirfram dæmd til að mistakast.
Svo öflugt er atvinnulif Reykja-
víkur og svo ótvirætt forystuhlut-
Reykjavfk var vagga togaraútgerðar á lslandi. Enn er sjósókn og
fiskvinnsla veigamikill þáttur f atvinnulffi borgarbúa. Þó er það svo að
Reykjavfkurhöfn fær aldrei fjárlagaframlög til stofnkostnaðar f fiski-
höfninni, meðan allar aðrar hafnir á landinu fá 75% (u.þ.b. 60 hafnir)
til 100% (landshafnir) stofnkostnaðar greidd úr úr rfkissjóði. Myndin
sýnir starfsfólk f fiskiðjuveri f kaffihléi.
verk borgarinnar, að borgarfull-
trúar minnihlutans taka því sem
sjálfsögðum hlut i tillöguflutn-
ingi I borgarstjórninni nú. Þeir
borgarfulltrúar Alþýðubanda-
lagsins hitta nefnilega naglann á
höfuðið í ályktunartillögu sinni
um atvinnumálin, sem til umræðu
er hér á fundinum, en þar leggja
þeir áherzlu á,
0 að höfuðborgin sé stærsta
markaðssvæði landsins,
0 að Reykjavikurhöfn sé helzta
út- og innflutningshöfn landyns,
0 að Reykjavik bjóði upp á næga
og ódýra varmaorku,
0 að hvergi sé raforkuöflun og
dreifing öruggari.
0 að við Reykjavik séu ein beztu
vatnsból landsins,
0 að Reykjavík sé miðstöð sam-
gangna innanlands.
Ekki neyðar-
ráðstafanir
heldur leið
til að tryggja
atvinnuöryggi
til frambúðar
Þetta er staða Reykjavíkurborg-
ar í stuttu máli um þessar mundir
Stuðningur við menningar-
og áhugastarf borgaranna
85 milljón-
ir króna til
íþróttafélaga
Reykjavíkurborg heldur uppi
margþættu starfi á vegum Æsku-
lýðsráðs s.s. félagsmiðstöðvum í
einstökum borgarhverfum. Jafn-
framt styður borgin myndarlega
margs konar félags- og menning-
arstarf á vegum félaga- og áhuga-
aðila. Leikfélag Reykjavikur fær
100 m. kr. framlag á Ifðandi ári,
Sinfóníuhljómsveitin 55 m. kr.,
fþróttafélög 85,5 m. kr., skáta-
hreyfingin 14.5 m. kr. og KFUM
og K 4 m. kr. svo dæmi séu nefnd.
Hér fer á eftir brot úr ræðu
Markúsar Arnar Antonssonar um
þennan þátt í starfi borgarinnar:
„Borgarstjórnarmeirihluti
sjálfstæðismanna hefur hlotið
gagnrýni sumra fulltrúa minni-
hlutaflokkanna fyrir að gera of
lítið af þvi að styðja hið frjálsa og
almenna félagsstarf, sem unnið er
í ýmsum málaflokkum í borginni.
Við það að fletta í gegn fjárhags-
áætlun borgarinnar sést greini-
lega hvað ásakanir af þessu tagi
eru gjörsamlega út í hött. Reynd-
ar verður það ekki í fljótu bragði
ráðið af uppsetningu fjárhags-
áætlunar hvað stuðningur borgar-
innar við hin einstöku félagasam-
tök er raunverulega mikill, af þvi
að fjárveitingar til þeirra skiptast
á milli gjaldaliða og annar stuðn-
ingur kemur fram í aðstoð eða
fyrirgreiðslu, sem ekki fellur
undir styrkveitingar, en er inni-
Borgarstjórinn í Reykjavík, Birgir ísleifur Gunnarsson,
tekur fyrstu skóflustunguna að nýju borgarleikhúsi.
falinn á útgjaldabálkum stofnana
borgarinnar.
Af gjaldaliðum Æskulýðsráðs,
sem heita Félagsmiðstöð i Breið-
holtshverfi eða Félagsmiðstöð í
Bústaðakirkju, verður til að
mynda ekki strax ráðið hve geysi-
leg þessi húsnæðisaðstaða hefur
orðið ýmsum félögum, sem hana
nota og eiga tilveru sína raun-
verulega undir henni komna. I
fljótfærni telja ýmsir, og þar á
meðal borgarfulltrúar, að þær
upphæðir, sem tilgreindar eru á
þessum liðum séu til að halda
gangandi einhverju ógnvekjandi
skrifstofubákni æskulýðsráðs.
Það er tfmi til kominn að menn
kynni sér þau mál betur.
Borgaryfirvöld hafa lagt sig
fram um að efla hina frjálsu
æskulýðsstarfsemi og munu á
þessu ári verja til þess háum upp.
hæðum. Ég nefni í því sambandi
að samanlagt mun Skátahreyfing-
in fá til ýmissa verkefna sinna
14,5 milljón króna styrk úr borg-
arsjóði og KFUM og K. 4 milljónir
vegna starfsemi i borginni.
Fyrir nokkrum dögum mátti
álykta af blaðafregnum að
Reykjavíkurborg ætlaði i engu að
sinna skákíþróttinni í fjárhags-
áætlun þessa árs. Þegar þau tíð-
indi voru birt hafði borgarráð þá
þegar gert tillögu um 4,3 milljón
króna fjárveitingu til taflfélaga í
Reykjavík og Skákambands ís-
lands, en síðan var bætt við 700
þúsundum til Skáksambandsins.
Reykjavíkurborg mun á árinu
veita rfflegt framlag til lista- og
menningarstarfsemi eins og
rekstur Leikfélags Reykjavikur
með 100 milljón króna framlagi,
til Sinfóníuhljómsveitar 55 millj-
ónir auk lægri styrkja til aðila
eins og kammersveita, brúðuleik-
húss, ferðaleikhúss, lúðrasveitar
og söngkóra, sem hyggja á utan-
landsferðir eða hafa þegar borið
hróður íslands til fjarlægra
landa. Þannig er t.d. um Pólýfón-
kórinn, sem fær 1 milljón króna
framlag samkvæmt fyrirheit er
borgarráð gaf áður en kórinn
lagði upp í Italiuför sína í sumar.
Til íþróttabandalags Reykjavik-
ur, íþróttasambands Islands og
Frjálsíþróttasambands er gert ráð
fyrir samtals 85,5 milljón króna
framlagi.
Þannig mætti lengi telja og
færa fram fleiri rök fyrir því, að
þær fullyrðingar, sem fulltrúar
minnihlutans viðhafa stundum
um hirðuleysi eða virðingarleysi
borgaryfirvalda gagnvart fram-
taki einstaklinganna í félagsskap
sinum, eiga ekki við nein rök að
styðjast.
Einn er sá þáttur í félagsstarf-
semi í Reykjavík, sem dregur til
sín þúsundir borgarbúa án þess
að mörg orð séu um það höfð og
lítilli auglýsingastarfsemi haldið
uppi miðað við ýmsa aðra. Þar á
ég við kirkjulegt starf i borginni,
sem á^Iðustu árum hefur eflzt til
muna vegna framtaks prestanna i
Reykjavík og reyndar allra ald-
ursflokka. Reykjavíkurborg mun
á þessu ári veita styrk i fyrsta
sinn til miðstöðvar fyrir safnaðar-
starfið í Reykjavík, sem fyrirhug-
að er að koma á laggirnar og einn-
ig hefur framlag borgarinnar til
kirkjubyggingarsjóðs verið aukið
til muna á siðustu árum og er nú
ráðgert 28 milljónir. Ég minntist
á það við gerð fjárhagsáætlunar
fyrir nokkrum árum að aðstoð
borgarinnar við söfnuðina, sem
stæðu í kirkjubyggingarfram-
kvæmdum, hefði ekki aukizt i
samræmi við verðbreytingar. Á
þvi hefur orðið mikil breyting í
rétta átt og er það fagnaðarefni."
BORGARMAL