Morgunblaðið - 26.04.1978, Qupperneq 3

MOKGUNBLAÐIÐ, MIÐVIKUDAGUR 26. APRÍL 1978
3
Afli togaranna undan Austfjörðum:
Þorskurinn svo til
eingöngu frá 1973
„ÞORSKURINN, sem togararnir
hafa fengið sem mest af undan
Austfjörðum að undanförnu. er
að mestu 5 ára, þ.e. fiskur af
stóra árganginum frá 1973, en
hins vegar er þorskurinn sem
Hornafjarðarbátar hafa fengið
síðustu vikur mikið af árgangin-
um frá 1970, þannig að þessi
aflabrögð þurfa ekki að koma
neinum á óvart, því þetta er
fiskur af þeim tveimur árgöng-
um, sem við höfum reitt okkur
mest á til uppbyggingar íslcnzka
þorskstofninum“, sagði Sigfús
Schopka fiskifræðingur í viðtali
við Morgunblaðiið í gær.
„Allt að 90% af þeim fiski, sem
togararnir fá úti af svo nefndum
Fæti, er 5 og 6 ára, eða frá 1972
og ,73. Þorskstofninn frá 1973 er
enn efnilegur, þó svo að mikið hafi
saxast á hann, en á þennan árgang
reiðum við okkur mest til upp-
byggingar þorskstofninum. Þessi
þorskur er nú almennt orðinn
60—70 sm og þeir fiskar sem hafa
haldið sig í hlýja sjónum hafa
jafnvel eitthvað hrygnt í vetur og
eitthvað af þessum fiski mun
Stálvík
með 140
lestir
Siglufirði, 24. apríl
SIGLUVÍK landaði hér í dag 140
tonnum af þorski, en góður afli
hefur verið hjá togurum að
undanförnu.
Stálvík seldi 135 lestir af fiski í
Grimsby á sumardaginn fyrsta
fyrir 72.398 sterlingspund. Meðal-
verð á kíló var kr. 253.
- mj
Þrjú
íslenzk
tilboð í
Rauðanúp
Þrjú íslenzk tilboð bárust í
gærmorgun í viðgerð á skuttogar-
ánum Rauðanúp frá Raufarhöfn,
en frestur til að skila inn
tilboðum rann út kl. 10 árdegis.
Ólafur Á. Sigurðsson, deildar-
stjóri hjá Almennum tryggingum,
tjáði Morgunblaðinu, að nýtt
tilboð hefði borizt frá Stálvík,
Bátalóni og Skipasmíðastöð
Njarðvíkur, eitt hefði komið frá
Stálsmiðjunni, Héðni og Hamri og
eitt frá Herði í Sandgerði. Ólafur
kvaðst ekki geta tjáð sig um
tilboðin, þar sem nú ætti eftir að
bera þau saman við erlendu
tilboðin, sem áður höfðu borizt. En
hann kvað þó ljóst, að hið
endurnýjaða tilboð frá Stálvík,
Bátalóni og Skipasmíðastöð
Njarðvíkur væri langtum hag-
stæðara en áður.
Morgunblaðið fregnaði í gær-
kvöldi, að íslenzku tilboðin væru
öll hærri en erlendu tilboðin, en
þar væri ekki mikill munur á,
sérstaklega ef tekið væri tillit til
kostnaðar við að sigla togaranum
til viðgerðar erlendis og heim úr
viðgerð.
hrygna næsta vetur, en það er ekki
fyrr en 1980, sem þessi þorskur
hrygnir í verulegum mæli,“ sagði
Sigfús.
Sigfús sagði að þess mætti geta,
að sá þorskur, sem línubátar hefðu
fengið við Suður- og Suðvestur-
lands í vetur, væri svo til eingöngu
frá árinu 1973.
Þegar Sigfús var inntur eftir
þeim fiski, sem Hornafjarðarbátar
hafa verið að fá í net að undan-
förnu sagði hann, að þeir væru að
fá leifarnar af stofninum frá 1970,
en sá árgangur hefði verið góður.
Þessi þorskur er nú 90—100 sm
langur. Annars væri það hending
ef menn fengju eldri þorsk en frá
1970 í net nú. „Það hafa því ekki
Komið neinar leynigöngur á miðin
í vetur", sagði Sigfús.
Sigfús Schopka var fyrir
skömmu í þriggja vikna rann-
sóknaleiðangri á rannsóknaskip-
inu Bjarna Sæmundssyni, og hvað
hann þá hafa rannsakað svæðið
frá Mýrabugt vestur að Látra-
grunni, og lítið hefði orðið vart við
fisk á vestanverðu svæðinu þ.e. frá
Selvogsbanka að Látragrunni.
„Mér sýnist því að útkoman á
þessari vertíð ætli að verða svipuð
og við áttum von á.
Annars virðist þorskurinn ekki
hafa gengið mikið vestur á bóginn
i vetur, en hitaskylirði í vetur tel
ég svipuð og á 8.1. vertíð, þannig
að fiskurinn hefði allt eins átt að
geta gengið vestur með landinu.
Það má hins vegar benda á að
loðnan gekk ekki heldur vestur á
bóginn og því getur verið að
þorskurinn hafi haldið sig að
mestu á slóðum loðnunnar."
Vegaskemmdir
með minnsta móti
VEGASKEMMDIR hafa verið með
minnsta móti á þessu vori og
þakka vegagerðarmenn það góðri
tíð, að sögn Hjörleifs Ólafssonar
Aurbleyta er mjög víða á vegum
og er öxulþungi takmarkaður á
flestum vegum við 5—7 tonn.
Sagði Hjörleifur að náið væri
fylgst með því af hálfu lögreglunn-
ar að reglum um þunga-
takmarkanir væri fylgt.
Sagði
hann að mjög góð samvinna væri
um það milli vegagerðarinnar og
eigenda stórra flutningabifreiða
að þungatakmarkanir væru virtar
svo að komast mætti hjá skemmd-
um á vegum.
Á
söguslóðum
, íhiarta
Hvort heldur þú kýst
ys og þys stórborg-
arinnar eða kyrrð og
friðsæld sveitahérað-
anna - þá finnur þú hvort
tveggja í Luxemborg, þessu
litla landi sem liggur í hjarta
Evrópu.
Næstu nágrannar eru Frakkland
Þýskaland og Belgía - og fjær Holland
Sviss og Ítalía.
Því er það að margir helstu sögustaðir Evrópu
eru innan seilingar. Til dæmis er stutt á vígaslóðir
tveggja helmstyrjalda Verdun og Ardennafjöll.
Ef þú ferðast til Luxemborgar, þá ferð þú í sumarfrí á eigin
spýtur - ræður ferðinni sjálfur - slakar á og sleikir sólskinið
og skoðar þig um á söguslóðum.
Sumarfrí í Luxemborg er hvort tveggja í senn einstæð
skemmtun og upplifun sögulegra atburða.
FLUGFÉLAC
ÍSLAIMDS
LOFTLEIDIR