Morgunblaðið - 26.05.1978, Blaðsíða 13

MORGUNBLAÐIÐ FÖSTUDAGUR 26. MAÍ 1978
45
— segir Tómas Tóm-
asson, efsti madur
Sjáifstædisfíokksins
til bæjarstjórnar-
kosninga í Kefíavík
fjölgað örlítið meira en lands-
meðaltal á síðustu árum. Um
þessar mundir er verið að ganga
frá nýjum íbúðarhverfum.
Aðalskipulag hefur verið gert
sameiginlega fyrir Keflavík,
Njarðvík og Keflavíkurflugvöll og
er það nú í endurskoðun. Nokkuð
hefur þegar verið byggt á sérstöku
iðnaðarsvæði og síðustu átta ár
byggst upp ný hverfi, Garðabyggð,
Eyjabyggð og Heiðabyggð, sem nú
er í byggingu. Eru í þessum
hverfum milli 500 og 600 íbúðir
alls. Að sögn Tómasar er lögð
áherzla á að haga skipulagi þannig
að ekki hindri eðlilegan vöxt
bæjarins og sérstaka áherziu þurfi
nú að leggja á atvinnuhúsnæði.
— í eldri hverfum þarf að huga
að þéttingu byggðarinnar, sagði
Tómas, og nýtt skipulag elzta
hluta bæjarins hefur lengi verið í
deiglunni og með það í huga að þar
rísi væntanlegur miðbær. Því máli
þarf að koma í höfn.
Þáttaskil með
íþróttahúsimi
Keflvíkingar hafa oft átt góða
íþróttamenn, er ekki svo?
— Jú, það er mikið rétt og fyrst
var það einkum í sundi, en síðari
árin hafa knattspyrnumennirnir
einkum borið hróður byggðar-
lagsins víða, bæði hérlendis og
ytra. Þá hafa æskumenn héðan
náð ágætis árangri í júdó, svo að
ég nefni dæmi, þannig að æskan er
mannvænleg hér ekki síður en
annars staðar.
Er góð aðstaða fyrir flestar
íþróttir?
— Bærinn hefur reynt eftir
megni að styðja við bakið á
íþróttahreyfingunni enda lítum
við svo á að íþróttastarf sé eitt
hollasta og bezta tómstunda- og
æskulýðsstarf sem unnið er. Sund-
aðstaða hefur verið góð í sundhöll
bæjarins, en fyrirhugað er að
hefja byggingu útisundlaugar í
Heiðabyggð og að þar rísi önnur
íþróttamannvirki eins og skipulag
segir til um. Mjög glæsileg íþrótta-
mannvirki hafa verið reist á
íþróttasvæði bæjarins, malar-
völlur endurbyggður, grasvöllur,
einn sá bezti á landinu og ágætir
áhorfendapallar.
— Þá er ekki sízt að geta að
langþráð stórt íþróttahús er nú
risið af grunni. Þar er gert ráð
fyrir fullkominni keppnisaðstöðu,
íþróttasalurinn af fullkomnustu
gerð, 45x22 m, og honum verður
unnt að skipta í 4 sali til kennslu.
Þegar húsið verður fullbúið má
vænta þáttaskila í íþróttastarfi í
bænum. Stefnt er að því að húsið
verði að hluta til tekið-í notkun á
næsta vetri og er áætlað að vinna
fyrir um 90 m. kr. á þessu ári, en
fokhelt kostaði húsið um 70 m.kr.
— Um annað æskulýðsstarf er
það að segja að á s.l. ári var tekið
upp samstarf bæjaryfirvalda og
skólanna og tekinn hluti Gagn-
fræðaskólans fyrir æskulýðsstarf.
Hefur það gefið mjög góða raun og
ber að fagna því og verður vonandi
framhald á.
Barnaheimili
— elliheimili
Þá er spurt hvernig sé háttað
málefnum yngstu og elztu borgar-
anna:
— Málefni yngstu borgaranna
og hinna öldruðu eru vitaskuld hér
sem annars staðar ávallt í brenni-
depli, þau verða aldrei leyst í eitt
skipti fyrir öll.
— Aðstaða hefur verið stórum
bætt í barnaheimilinu Tjarnarseli,
og nýtt verið reist, Garðasel.
Þörfinni er þó ekki fullnægt.
Barnaleikvellir, með og án gæslu,
eru starfræktir. Nú eru uppi
hugmyndir um að koma upp
leikskólum við Garðasel og á
Baugholtsvelli. Það er eins og að
leggja í sjóð til síðari tíma að hlúa
vel að börnum og æskufólki. Þvi er
áhersla aldrei of rík á þessi mál.
— Um árabil hefur Keflavíkur-
bær rekið elliheimili í húsnæði,
sem bænum var á sínum tíma
gefið til þeirra starfa. Húsnæðið
er og hefur ugglaust ætíð verið
óhentugt til þessara nota, en hefur
þó bætt úr brýnni þörf. Samstarf
hefur nú tekist um vistun aldraðra
með uppbyggingu elliheimilis í
Garði.
— Jafnhliða þessu hafa lengi
verið uppi hugmyndir um bygg-
ingu smáíbúða fyrir aldraða og
öryrkja hér í bæ, og voru fyrir
nokkru ákveðnar framkvæmdir i
þeim efnum, í samræmi við
tillögur nefndar, sem bæjarstjórn
kaus s.l. vetur.
Furðulegt
hnútukast
Hvað er að segja um atvinnumál
nú þegar erfiðleikar steðja að t.d.
í sjávarútvegi?
— Það er mikið rétt að talsverðs
uggs hefir gætt hér'um Suðurnes
vegna þess hvernig mál hafa
þróazt hér í sjávarútvegi og
fiskiðnaði.
Þegar vel áraði hér um slóðir
var svæðið blóðmjólkað. Aðalupp-
spretta þjóðarinnar voru fiskimið-
in við Suður- og Vesturland.
Afraksturinn var notaður til að
skapa hið svokallaða „jafnvægi" í
byggð landsins. En vegna ofur-
kapps var þess ekki gætt að veita
nægilegt fé til nauðsynlegs við-
halds og uppbyggingar fiskiðnað-
arins og verkunarstöðva hér um
slóðir.
— Það er furðulegt að Suður-
nesjabúar hafa orðið fyrir hnútu-
kasti frá nokkrum mönnum víðs-
vegar á landinu nú þegar fór að
ganga verr hér og menn meira að
segja notað til þess ríkisfjölmiðla.
Þetta er nokkuð sem ég man ekki
eftir að héðan hafi heyrzt þegar
mjög hallaði undan fæti víða um
land. Ég man ekki heldur til þess
að Suðurnesjamönnum væri núið
um nasir að reka illa fyrirtæki sín,
sýna slæm vinnuafköst eða lélegar
afurðir né hafa of margar fisk-
verkunarstöðvar á meðan allt lék
hér í lyndi og unnt var að mjólka
það. Þá fyrst fór þessi söngur að
heyrast þegar Suðurnesjamenn
fóru að knýja dyra opinberra sjóða
og stofnana sem aðrir töldu sig
eiga einkarétt á.
Tómas sagði ennfremur að fram
til þessa hefðu sveitarstjórnar-
menn ekki þurft að hafa veruleg
afskipti af atvinnumálum, en
síðustu misseri hefðu þau tekið
meiri tíma og nokkur árangur
náðst á sviði þeirra. Sagðist hann
vera bjartsýnn þrátt fyrir að syrt
hefði í álinn í bili, hann hefði
óbilandi trú á fólkinu. Um leið og
undirstöðuatvinnuvegunum væri
búinn áframhaldandi starfsgrund-
völlur þyrfti að renna fleiri
stoðum undir atvinnulíf, stórauka
hvers konar iðnað og margir litu
á orkulindir við Svartsengi og
Reykjanes sem framtíðargrund-
völl.
Sérstakt
kjördæmi?
— Við Suðurnesjamenn og allir
íbúar Reykjaneskjördæmis höfum
verið beittir miklu misrétti hvað
snertir áhrif á gang þjóðmála. Það
er óþarft að rekja þetta mál, það
vita allir um hið stórkostlega
misvægi atkvæða í kjöri til
Alþingis, allt að fimmföldu. At-
kvæðisréttur er mannréttindi og
hér er mismunun orðin slík að
leiðrétta verður. Við sjálfstæðis-
menn í Keflavík leggjum á það
áherzlu að Suðurnes verði gerð að
sérstöku kjördæmi.
Að lokum sagði Tómas Tómas-
son að Keflavík hefði á stuttum
tíma vaxið úr litlu sjávarpláSsi í
fimmta stærsta kaupstað landsins.
Hefði íbúatala þrefaldast á þeim
29 árum sem liðin væru frá því
Keflavík fékk kaupstaðarréttindi.
— í 24 ár hafa sjálfstæðismenn
verið í forystu um stjórn bæjar-
málefna, ýmist með hreinan meiri-
hluta eða í samstarfi við aðra
flokka. Höfuðmarkmið alls starfs
sjálfstæðismanna að bæjarmálum
hefur verið og verður áfram
bættur hagur bæjarbúa — betri
búsetuskilyrði í Keflavik. Þetta er
grunntónninn í starfinu.
— Ég vil þakka bæjarbúum það
mikla traust sem þeir hafa sýnt
Sjálfstæðisflokknum undanfarin
ár og vænti þess að þar verði
áframhald á þegar þeir leggja nú
dóm sinn á þau störf sem unnin
hafa verið í málefnum bæjarfé-
lagsins undir forystu fulltrúa
flokksins.