Morgunblaðið - 27.07.1979, Blaðsíða 16

16
MORGUNBLAÐIÐ, FÖSTUDAGUR 27. JÚLÍ 1979
fMtojpntlirlgtfeifr
Utgefandi
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
Ritstjórn og skrifstofur
Auglýsingar
Afgreiösla
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarssón.
Þorbjörn Guömundsson.
Björn Jóhannsson.
Baldvin Jónsson
Aöalstræti 6, sími 10100.
Aöalstræti 6, sími 22400.
Sími 83033
„Launráð í
V onbrigðaskarði”
Tómas Árnason, fjármála-
ráöherra, sagði í þing-
ræðu í desembermánuði sl.,
að þingflokkar stjórnarliðsins
hefðu „skuldbundið sig til“ að
fylgja ákveðinni stefnu í
ríkisfjármálum, sem fram
væri sett í fjárlögum ársins
1979, auk þess sem fjárlögin
væru „samin með það fyrir
augum að þau myndu að öðru
leyti vinna gegn verðbólg-
unni, verða hagstjórnartæki í
þeirri baráttu", eins og
ráðherrann komst að orði.
Höfuðeinkenni þessarar
stefnu í ríkisfjármálum sagði
ráðherrann þessi:
• 1. Tekjuafgangur fjárlaga
1979 yrði rúmlega 6 V2
milljarður króna — eða 3,3%
af ríkisútgjöldum. Þar að
auki hefur ríkisstjórnin
heimild til að skera ríkisút-
gjöld niður um einn milljarð
króna, sem hækkar ráðgerðan
tekjuafgang ríkissjóðs 1979 í
7*4 milljarð króna. „Ég mun
ganga mjög ríkt eftir því að
þessi samþykkt verði fram-
kvæmd og gefa háttvirtu
Alþingi skýrslu um ..sagði
fj ármálaráðherrann.
• 2. Fjárlagaafgreiðslan „á
að tryggja", eins og ráðherra
orðaði það, „hallalausan
rekstur ríkissjóðs á fyrstu 16
mánuðum stjórnartímans.
Greiðsluafgangurinn á næsta
ári (1979) gengur til þess að
greiða upp þá skuld sem
stofnað var til með fyrstu
efnahagsaðgerðum ríkis-
stjórnarinnar í haust“, sagði
hann ennfremur.
Þessi höfuðeinkenni stjórn-
arstefnunnar í ríkisfjár-
málum, sem stjórnar-
flokkarnir skuldbundu sig til
að framfylgja: hallalaus
ríkisbúskapur, tekjuafgangur
á fjárlögum og niðurgreiðsla
samningsbundinna skulda
ríkissjóðs við Seðlabanka um
7 milljarða króna, eru löngu
að engu orðin líkt og fyrir-
heitið um lækkun verðbólgu
niður fyrir 30% á árinu. Nú er
ekki talað um 7 milljarða
tekjuafgang, heldur 7 til 10
milljóna fjárvöntun ríkissjóðs
til að ná endum saman og
markmiðum stjórnarflokk-
anna í ríkisfjármálum.
Alþýðublaðið segir jafnvel í
leiðara í gær að ráðuneytin
hafi ekki einu sinni skilað
tillögum um lögákveðinn
sparnað þeirra sjálfra, sam-
kvæmt fyrirmælum laga um
stjórn efnahagsmála frá sl.
vori. „Það getur vart talist
gott fordæmi af hálfu ríkis-
valdsins að neita að fara að
lögum", segir þetta stjórnar-
málgagn.
Fjárhagsvandi sá, sem nú
er höfuðverkur ráðherra og
ríkisstjórnar, nær ekki aðeins
til ríkissjóðsins heldur vel-
flestra stofnana innan ríkis-
geirans. Verðbólgan, sem
haldið hefur áfram að tútna
út, öfugt við fyrirheit
stjórnarinnar, hefur aukið á
þann rekstrarvanda, sem
samanskroppnar fjárveiting-
ar á fjárlögum og á stundum
vanhugsuð verðlagning á
þjónustu hafa valdið. Ýmsar
ríkisstofnanir standa því
frammi fyrir ærnum fjár-
hagsvanda, sem bætist við
vanda ríkissjóðs, þegar dæmi
ríkisbúskaparins er skoðað í
heild: jafnvel þær stofnanir
sem sízt skyldi eins og
Tryggingastofnunin og ríkis-
spítalarnir. Vegagerð ríkis-
ins, Rafmagnsveitur ríkisins,
skólakerfið og raunar fleiri
ríkisstofnanir eiga við sama
vanda að stríða. Fjárhags-
vandinn, sem til staðar er,
eftir aðeins eins árs setu
núverandi ríkisstjórnar, er
því verulega meiri en fjár-
vöntun ríkissjóðsins eins og
segir til um.
I ljósi þessara staðreynda
allra, verður heldur djúpt á
fögru fyrirheitunum í hinni
„nýju stefnu" í ríkisfjár-
málum, er gumað var af í
skammdeginu í vetur: halla-
lausum ríkisbúskap, milljarða
tekjuafgangi ríkissjóðs og
samsvarandi skuldagreiðslu
til Seðlabankans, sem auk
þessa áttu að virka sem verð-
bólguhemill. Þessi skamm-
degis mannalæti hafa ekki
þolað sólarljós hinnar bitru
reynslu, sem nú blasir við.
Þess vegna þinga stjórnar-
flokkarnir nú, rétt í þann
mund er skattskrár ársins
koma fram um nýjar skatta-
aðferðir, viðbótarálögur á al-
menning í einhverju formi,
rétt eins og gerðist á haust-
dögum á liðnu ári. Þessi mynd
minnir óneitanlega á ástandið
1974, í endaðan feril þáver-
andi vinstri stjórnar, þegar
ríkissjóður og ríkisstofnanir
steyttu á skeri óráðsíu í ríkis-
fjármálum. Strandsiglingin,
sem þá tók 3 ár, gengur
hinsvegar mun hraðar fyrir
sig nú.
Þegar stjórnarflokkarnir
þinga nú um viðbrögð í vanda
getur enginn þeirra leynt
löngun til að yfirgefa sökkv-
andi stjórnarfleyið. Kosn-
ingaóttinn einn heldur stjórn-
arliðinu saman. Þeir sitja nú
á vanefndum og vandræðum
og reyna að koma sök hver á
annan. Ástandinu á stjórnar-
heimilinu verður e.t.v. bezt
lýst með heiti einnar af þeim
kvikmyndum, sem nú gengur
í höfuðborginni: „Launráð í
Vonbrigðaskarði".
Gashylkjum komið fyrir í
— Þyrla Landhelgisgæslunnar notuð við flutningana
Vitinn á Rauðanúp séður úr lofti.
Þyrlan sækir gashylkin um borð í varðskipið.
ÞEGAR skyggja tekur þarf að
kveikja á vitum landsins, en þeir
eru allir ljóslausir yfir hásumar-
ið. Vitarnir eru flestir gasvitar
og eru hlaðnir upp með gashylkj-
um. Þegar vorar eru gashylkin
tekin úr þeim og þau hlaðin.
Logtími þeirra vita, sem eru
norðar en 65° 30’N er frá 1. ágúst
tii 15. mai, en það er Glettinganes
að austan og Bjargtangar að
vestan. Logtími vitanna fyrir
sunnan er frá 15. júlí til 1. júní.
Mikil vinna er samfara þessum
gashylkjaflutningum úr og í vit-
ana, því flestir vitar landsins eru
þannig staðsettir að erfitt er að
komast að þeim. Þeir eru langt frá
mannabyggðum og engir vegir
liggja að þeim. Því þarf að fara í
þá frá sjó. Þyrla Landhelgisgæsl-
unnar er oftast notuð við þessa
flutninga nú orðið, en áður var allt
flutt á bátum og tók það langan
tíma og mikið erfiði, því hylkin
eru engin léttavara. Hvert hylki er
um 120 kíló að þyngd og mjög illa
lagað til flutnings með handafli í
fjörum og klettum. Að meðaltali
eru um 6 hylki í hverjum vita og
allt upp í 17. Setja þarf hylki í um
það bil 107 vita, en nokkrir nota
rafmagn. Þrátt fyrir það eru
venjulega höfð eitt til tvö hylki
þar til vara. Alls eru um 700 hylki
í þessum vitum, en vitar landsins
eru um 117 talsins. Þá eru ekki
taldar með baujur í Faxaflóa og
Breiðafirði, en þær eru allar með 4
gashylki hver og eru nokkuð
margar.
Meðfylgjandi myndir voru tekn-
ar þegar varðskipsmenn af Tý
fóru í vitana frá Vestmannaeyjum
að Rauðanúp. Mjög gott veður var
og gekk verkið vel. Fiugmenn á
TF-Gró voru Björn Jónsson og
Hermann Sigurðsson, en skip-
herra á Tý var Sigurður Árnason.
Myndirnar tók Jón Páll Ásgeirs-
son.
Varðskipsmenn fara um
borð í erlend fiskiskip
AÐ UNDANFÖRNU hefur veriö gert talsvert af því að fara um borð í erlend fiskiskip
hér við land, en þau hafa verið mjög mörg að undanförnu, eða um 30 færeýskir bátar, 4
belgískir, en lítið um norska báta. Einnig var einn lúðubátur við Suðurströndina.
Þessar myndir voru teknar núna í vikunni, þegar varðskipsmenn af Tý fóru um borð í
skipin við SA-land og mældu veiðarfæri þeirra. Myndirnar tók Jón Páll Ásgeirsson.
Farið um borð í færeyskan handfærabát á Lónsbugt.